ການເຂົ້າມາຂອງທະຫານອາເມຣິກາ ໃນເມືອງມາຣາວີ ຜູ້ນຳຟິລິບປິນກ່າວບໍ່ໄດ້ຂໍໃຫ້ມາຊ່ວຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEg_63vW8yhRxRWCauVj4yR_ayf4Y0ZNxBaDgvC81oV0b6LqJMYFV0isMqhiiSiooTXV986LtLrbZNgCqMKHbxc3p6aXbGqa4K1Gj5IWBKlcBSovcCO-qDpQ1cqeA5HqPwQQMHkuAM6F_2Y/s1600/364.jpg)
ສຳນັກຂ່າວຕ່າງປະເທດລາຍງານ 12 ມິຖຸນາ 2017 ວ່າ: ທ່ານ ໂຣດຼິໂກ ດູເຕເຕ ກ່າວພາຍຫຼັງພານໄປຢ້ຽມຢາມເມືອງຄາກາຢັນ ເດີ ໂອໂຣ ທາງທິດເໜືອຂອງເກາະມິນດາເນົາ ເພື່ອຢ້ຽມຢາມ ແລະ ໃຫ້ກຳລັງໃນທະຫານທີ່ໄດ້ຮັບບາດເຈັບຈາກການສູ້ຮົບໃນເມືອງມາຣາວີ ທີ່ປິ່ນປົວຢູ່ໂຮງໝໍປະຈຳເມືອງ ເມື່ອວັນອາທິດທີ່ຜ່ານມາວ່າ ທ່ານບໍ່ເຄີຍຂໍຄວາມຊ່ວຍເຫຼືອທາງທະຫານຈາກສະຫະລັດອາເມຣິກາ ສຳລັບການປະຕິບັດການທາງການທະຫານໃນເມືອງມາຣາວີ ແລະ ບໍ່ເຄີຍຮູ້ວ່າລັດຖະບານສະຫະລັດອາເມຣິກາໄດ້ກຽມການເຄື່ອນໄຫວໃນເລື່ອງນີ້ມາກ່ອນ ຈົນເມື່ອໄດ້ພົບເຫັນວ່າມີໜ່ວຍຮົບພິເສດຂອງສະຫະລັດອາເມຣິກາ ພ້ອມອາວຸດຍຸດໂທປະກອນຈຳນວນໜຶ່ງເດີນທາງເຂົ້າມາໃນເຂດເມືອງມາຣາວີ ເມື່ອວັນສຸກອາທິດທີ່ຜ່ານມາ ໂດຍໃຫ້ເຫດຜົນວ່າເປັນການ "ມອບຄວາມຊ່ວຍເຫຼືອທາງເຕັກນິກ"
![](https://blogger.googleusercontent.com/img/b/R29vZ2xl/AVvXsEivG2jkt1I2t1pP67DHgcUnIh_vTw6roONIwzTk3oO2IfNnlYiXczQGQgCR6WSkgG3cE-JAZsmM9BOfT4dUY16sGdZAohMZWwrbaQAXU0j5HJrwn-O9cLvHbOKasYZTJPlChQeQoYszUzw/s1600/365.jpg)
ເຊິ່ງມີຫຼາຍຝ່າຍວິເຄາະກັນວ່າ ການເຂົ້າມາມີສ່ວນຮ່ວມທາງທະຫານຂອງສະຫະລັດໃນເມືອງມາຣາວີ ອາດມາຈາກການຕິດຕໍ່ຂອງທະຫານບາງກຸ່ມທີ່ມີແນວຄິດນິຍົມສະຫະລັດອາເມຣິກາ ເຊິ່ງທ່ານ ດູເຕເຕ ບໍ່ປະຕິເສດວ່າຍັງມີທະຫານຈຳນວນຫຼາຍທີ່ມີຈຸດຢືນແບບນັ້ນ ເຖິງຢ່າງໃດກໍ່ຕາມ ຜູ້ນຳຟິລິບປິນຢືນຢັນວ່າທ່ານເປັນ "ຜູ້ມີອຳນາດສູງສຸດ" ໃນການບັນຊາການທາງທະຫານ ພາຍຫຼັງທີ່ໄດ້ປະກາດບັງຄັບໃຊ້ກົດໄອຍະການເສິກໃນເບື້ອງຕົ້ນເປັນເວລາ 60 ວັນ ຄວບຄຸມທົ່ວທຸກເຂດໃນເກາະມິນດາເນົາ ເຊິ່ງມີເນື້ອທີ່ທຽບເທົ່າກັບປະເທດເກົາຫຼີໃຕ້ ມາຕັ້ງແຕ່ວັນທີ 23 ພຶດສະພາ 2017 ເປັນຕົ້ນມາ ເພື່ອຫວັງເພີ່ມປະສິດທິພາບ ແລະ ຄວາມສະດວກໃຫ້ແກ່ກະຊວງປ້ອງກັນປະເທດ ແລະ ກອງທັບ ໃນການຂັບໄລ່ກຸ່ມຕິດອາວຸດເມົາເຕເຊິ່ງເປັນແນວຮ່ວມຂອງກຸ່ມ IS ອອກຈາກພື້ນທີ່ ໂດຍການສູ້ຮົບສົ່ງຜົນໃຫ້ມີຜູ້ເສຍຊີວິດຫຼາຍກວ່າ 200 ຄົນແລ້ວ ສ່ວນໃຫຍ່ເປັນຄົນຮ້າຍ ສ່ວນເຈົ້າໜ້າທີ່ເສຍຊີວິດຢ່າງໜ້ອຍ 58 ຄົນ ແລະ ປະຊາຊົນອີກເກືອບ 40 ຄົນ.
![](https://blogger.googleusercontent.com/img/b/R29vZ2xl/AVvXsEj6wLfOQoGv5cyHAuWI4w4wi7HoLycqSTUiJ8T80Px_BthRCfoWuYoo1QOsqpW6nHcETy9odTd-ms0k3No2M6xPdUKRF5HAcTcz6McZSoNaKKv80HJ0s_wfqBjI9Vf4y36m5CWk_N2t3wg/s1600/366.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ