ສ.ອາເມຣິກາ ສົ່ງຍົນຖິ້ມລະເບີດຄວາມໄວເໜືອສຽງ ຂົ່ມຂູ່ເກົາຫຼີເໜືອ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiuSHbNukdQsqT6WQrz9At9OS6OmTtGoD9rFeoA1t6YL5qxcoKKytrELdw5-LgGU1mYHq_6qmhIYYLDQAI-4UK5THqoEx-oX0Q9Y1COAqKt2K21RTUC0VXROSCBeZeVtcBaA6W0moWn58U/s1600/206.jpg)
ສຳນັກຂ່າວຕ່າງປະເທດລາຍງານ 31 ກໍລະກົດ 2017 ວ່າ: ກອງທັບອາກາດສະຫະລັດອາເມຣິກາ ໄດ້ສົ່ງຍົນຖິ້ມລະເບີດ B1-B ຄວາມໄວເໜືອສຽງ ຈຳນວນ 2 ລຳບິນຢູ່ເໜືອແຫຼມເກົາຫຼີ ເພື່ອສະແດງເຖິງຄວາມສາມາດທາງການທະຫານ ພາຍຫຼັງທີ່ເກົາຫຼີປະກາດວ່າປະສົບຄວາມສຳເລັດໃນການທົດລອງຂີປະນາວຸດຂ້າມທະວີບ (ICBM) Hwasong-14 ເປັນຄັ້ງທີ 2 ເມື່ອວັນທີ 28 ກໍລະກົດ 2017 ທີ່ຜ່ານມາ.
ການເຄື່ອນໄຫວດັ່ງກ່າວຂອງລັດຖະບານເກົາຫຼີເໜືອເປັນເຄື່ອງພິສູດວ່າ ຂີປະນາວຸດເກົາຫຼີເໜືອສາມາດຍິງໂຈມຕີໄດ້ໄກເຖິງດິນແດນສະຫະລັດອາເມຣິກາ ເຊິ່ງເຮັດໃຫ້ທ່ານ ໂດໂນ ທຣຳ ປະທານປະເທດ ສະຫະລັດອາເມຣິກາກ່າວເຕືອນເກົາຫຼີເໜືອດ້ວຍຄວາມບໍ່ພໍໃຈເປັນຢ່າງຍິງ.
ຍົນຖິ້ມລະເບີດ B1-B ນັ້ນໄດ້ອອກປະຕິບັດການເມື່ອວັນເສົາທີ່ຜ່ານມາ (29/07/2017) ເຊິ່ງຖືເປັນການຕອບໂຕ້ໂດຍກົງຕໍ່ເກົາຫຼີເໜືອທີ່ຍິງຂີປະນາວຸດ, ຍົນຖິ້ມລະເບີດດັ່ງກ່າວບິນອອກຈາກຖານທັບອາກາດສະຫະລັດອາເມຣິກາຢູ່ເກາະກວມ ໂດຍມີຍົນຮົບຍີ່ປຸ່ນ ແລະ ເກົາຫຼີໃຕ້ຮ່ວມປະຕິບັດການຢູ່ນຳ.
ດ້ານຜູ້ບັນຊາການກອງທັບອາກາດສະຫະລັດປະຈຳພາກພື້ນປາຊີຟິກຖະແຫຼງວ່າ "ເກົາຫຼີເໜືອ ຍັງຄົງເປັນໄພຮຸກຮານຢ່າງຍິ່ງຕໍ່ເສລີພາບໃນພູມມິພາກ ແລະ ສະຫະລັດອາເມຣິກາພ້ອມຈະໃຊ້ກຳລັງຕອບໂຕ້ຕາມຄວາມເໝາະສົມ"
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ