ລັດຖະບານ ເປີດກອງປະຊຸມ ສະໄໝສາມັນ ປະຈໍາເດືອນສິງຫາ 2017
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjA7djfY2nKDOhBYWc229y3E517fRjgqA-sCT_a51Qox6sCcHIEssg4AIPh0S59T4UtP-7L1dg7paAxN_4SYShr9pSbZqFcuOzPYupNV8hvi02Wqx_hHYghK1emIUGZSgglki0mR2JUZ78/s1600/400.jpg)
ໂດຍປະຕິບັດຕາມ ແຜນການເຄື່ອນໄຫວວຽກງານຂອງລັດຖະບານ, ໃນຕອນເຊົ້າຂອງວັນທີ 24 ສິງຫາ ທີ່ສໍານັກງານນາຍົກລັດຖະມົນຕີ, ກອງປະຊຸມລັດຖະບານ ສະໄໝສາມັນ ປະຈໍາເດືອນສິງຫາ 2017 ໄດ້ໄຂຂຶ້ນຢ່າງເປັນທາງການ. ພາຍໃຕ້ການເປັນປະທານຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາທ່ານຮອງນາ ຍົກລັດຖະມົນຕີ, ສະມາຊິກລັດຖະບານ ພ້ອມດ້ວຍແຂກຖືກເຊີນເຂົ້າຮ່ວມ.
![](https://blogger.googleusercontent.com/img/b/R29vZ2xl/AVvXsEgUC2BBKzZtS4dvsk_9e_lulGyH9UeAZY0HpLOuP2g4mYDdGD-Oy57uIhjSp7Il6yP2Fl_sVRIcP2PIU0Qea4ahi0RFg9Yh-hQsyBtVfejWo3qg115vigJ4QZAWYu7-Ood95GwyQfNT-rg/s1600/402.jpg)
ສໍາລັບບັນດາເອກະສານສໍາຄັນ ທີ່ນໍາມາຄົ້ນຄວ້າ ແລະ ປຶກສາຫາລື ໃນກອງປະຊຸມ ໃນຄັ້ງນີ້ ມີ:
1. ບົດລາຍງານກ່ຽວກັບສະພາບພົ້ນເດັ່ນໃນພາກພື້ນ ແລະ ສາກົນ; ວຽກງານປ້ອງກັນຊາດ; ວຽກງານປ້ອງກັນຄວາມສະຫງົບ, ລາຍງານກ່ຽວກັບຜົນເສຍຫາຍຈາກໄພນໍ້າຖ້ວມ ຂອງບັນດາແຂວງໃນທົ່ວປະເທດ ຈາກບັນດາຂະແໜງການທີ່ກ່ຽວຂ້ອງ.
2. ການນຳໃຊ້ສູນ ດາຕ້າ ເຊັນເຕີ້ ເຂົ້າໃນການຫັນເປັນທັນສະໄໝ ເພື່ອພັດທະນາເສດຖະກິດ-ສັງຄົມ ຂອງ ສປປ ລາວ;
3. ການຈັດຕັ້ງປະຕິບັດ ວຽກງານຄຸ້ມຄອງລັດຖະກອນ ປະຈຳປີ 2017 ແລະ ແຜນຄວາມຕ້ອງການລັດຖະກອນໃໝ່ ປີ 2018;
4. ຮ່າງວິໄສທັດຮອດປີ 2030, ຍຸດທະສາດພັດທະນາ 2025 ແລະ ແຜນພັດທະນາພະລັງງານ ແລະ ບໍ່ແຮ່ 5 ປີ ຄັ້ງທີ VIII (2016-2020);
5. ຮ່າງດໍາລັດວ່າດ້ວຍ ມາດຕະຖານພົ້ນທຸກ ແລະ ມາດຕະຖານພັດທະນາ;
6. ຮ່າງດຳລັດ ວ່າດ້ວຍເງິນເບ້ຍລ້ຽງສຳລັບນັກຮຽນຜູ້ທຸກຍາກ ແລະ ດ້ອຍໂອກາດ ໃນສາຍສາມັນສຶກສາ;
7. ຮ່າງດຳລັດ ວ່າດ້ວຍວັນພັກ;
ກອງປະຊຸມລັດຖະບານຄັ້ງນີ້ ຈະໄດ້ດໍາເນີນເປັນເວລາ 2 ວັນ, ແຕ່ວັນທີ 24-25 ສິງຫາ 2017.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ