ລາວ-ອາເມຣິກາ ຮ່ວມມືຂຸດຄົ້ນສິ່ງເສດເຫຼືອຂອງທະຫານອາເມຣິກາທີ່ຫາຍສາບສູນໃນປາງສົງຄາມຢູ່ລາວ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgw4tX_fwOTyCOZlZ9V3hw6yDpNxE6-HRPTVumVx4o2VbR_tidQavsUIjPN7N4W6khFYVtFAyYuNoYGNRD0PeZBjKPQK8RIwuA0RhtQKSG4s8jUp7nSApOAMPvYuXGEqxjJLmKzv5MygRM/s1600/433.jpg)
ກະຊວງການຕ່າງປະເທດລາຍງານວ່າ: ເມື່ອວັນທີ 22 ສິງຫາ 2017 ທີ່ຜ່ານມາ ກອງປະຊຸມປຶກສາຫາລືໃນລະດັບວິຊາການລະຫວ່າງລາວ-ສະຫະລັດອາເມເຣກາ ກ່ຽວກັບວຽກງານການສຳຫຼວດ ແລະ ຂຸດຄົ້ນເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງທະຫານອາເມຣິກາທີ່ຫານສາບສູນໃນປາງສົງຄາມຢູ່ລາວ (MIA) ປະຈຳປີ 2017 ໄດ້ດຳເນີນຂຶ້ນທີ່ນະຄອນຫຼວງວຽງຈັນ, ເຊິ່ງຝ່າຍລາວນຳໂດຍທ່ານ ຂວັນຕາ ຜາລີວົງ, ຫົວໜ້າກົມເອີຣົບ-ອາເມຣິກາ, ອາເມຣິການຳໂດຍທ່ານ ພົນຈັດ ຕະວາ Mark Spindler, ຮອງຫົວໜ້າອົງການປົກປ້ອງສິດຜົນປະໂຫຍດຂອງສະເລີຍເສິກທະຫານອາເມຣິກາທີ່ຫາຍສາບສູນໃນປາງສົງຄາມ (DPAA), ໂດຍມີການເຂົ້າຮ່ວມຂອງທ່ານ ນາງ Resa Bitter ເອກອັກຄະລັດຖະທູດສະຫະລັດອາເມຣິກາ ປະຈຳ ສປປ.ລາວ.
![](https://blogger.googleusercontent.com/img/b/R29vZ2xl/AVvXsEhxLgZN72xfda2VobaZuugiMQ6K-eG0eKZ-V_YpRlcsEAbU62RjvUTEMc3buC6J9Ft_0epm3R2JCA4ptZ98m4FG040pzBw5fPJvxD0Ts_GEVwzv4oNxtrA787Cgb14aUjvkUtlSEvZY9mE/s1600/438.jpg)
ໃນກອງປະຊຸມຄັ້ງນີ້ ທັງສອງຝ່າຍໄດ້ທົບທວນຄືນການປະຕິບັດແຜນການຮ່ວມມືພາກສະໜາມຢູ່ແຂວງສະຫວັນນະເຂດ ແລະ ແຂວງຄຳມ່ວນ ໃນວຽກງານການສຳຫຼວດ ແລະ ຂຸດຄົ້ນເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງທະຫານອາເມຣິກາທີ່ຫາຍສາບສູນໃນປາງສົງຄາມຢູ່ລາວ (MIA) ໃນໄລຍະ 1 ປີຜ່ານມາ, ເຊິ່ງໃນສົກປີ 2016-2017 ໄດ້ຮັບໝາກຜົນສາມາດຄົ້ນພົບສິ່ງເສດເຫຼືອ ແລະ ພິສູດຢືນຢັນໄດ້ເຖິງ 7 ຄົນ, ພ້ອມທັງໄດ້ປຶກສາຫາລືແຜນການປະຕິບັດງານຮ່ວມໃນສົກປີຕໍ່ໜ້າ, ເຊິ່ງຄາດວ່າຜົນໄດ້ຮັບຈະສືບຕໍ່ເພີ່ມທະວີໂດຍຜ່ານການເພີ່ມຈຳນວນການປະຕິບັດງານໃນພາກສະໜາມຈາກ 4 ຄັ້ງ ເປັນ 5 ຄັ້ງຕໍ່ປີ, ລວມທັງການຊ່ວຍເຫຼືອດ້ານມະນຸດສະທຳປຸກສ້າງໂຮງຮຽນ, ໂຮງໝໍ ແລະ ອື່ນໆ ໃຫ້ແກ່ທ້ອງຖິ່ນໃນເຂດທີ່ມີການປະຕິບັດວຽກງານດັ່ງກ່າວ.
![](https://blogger.googleusercontent.com/img/b/R29vZ2xl/AVvXsEgR2fsNl8q4rdJcIqLnFxcTp4-nTJNRHIRjPA6GHED4a5BSx0zF2rOa8XvFCG4e90FvfHnY4EJ0XKmMP3KsFozS2C5V5Ihfk2-QpRKKT_Gj_61a-jeoEgMVDsME0Yey8tL1KSTxhno5BT8/s1600/435.jpg)
ໃນໂອກາດນີ້, ຝ່າຍລາວໄດ້ຢືນຢັນຄືນທີ່ຈະສືບຕໍ່ໃນການຮ່ວມມືໃນວຽກງານດັ່ງກ່າວບົນພື້ນຖານເງື່ອນໄຂ ແລະ ຄວາມອາດສາມາດຕົວຈິງຂອງຝ່າຍລາວ.
![](https://blogger.googleusercontent.com/img/b/R29vZ2xl/AVvXsEgc6Yv_qG2QcZ1z1OuQM5H9W2rothTAb4tBEpn9aA1xtuayvzX2ONuAQCc_NOHaRq2TIKegXx806Lu2Wm-vldHclPewpSSbPaP6PrgH3zhjNTmHJ2k5JOtzZ80dDNLO05U9FLf26ZWttmw/s1600/434.jpg)
ສ່ວນຝ່າຍອາເມຣິກາກໍ່ໄດ້ສະແດງຄວາມຂອບໃຈ ແລະ ຕີລາຄາສູງຕໍ່ການຊ່ວຍເຫຼືອຂອງລັດຖະບານລາວກໍ່ຄືປະຊາຊົນລາວ ແລະ ຍັງໄດ້ຍົກໃຫ້ເຫັນເຖິງຄວາມສຳຄັນຂອງການຮ່ວມມືຂອງສອງປະເທດ, ໂດຍສະເພາະໃນວຽກງານ MIA ທີ່ເປັນສ່ວນປະກອບອັນສຳຄັນໃຫ້ແກ່ການຂະຫຍາຍການຮ່ວມມືຂອງສອງປະເທດໃນໄລຍະ 30 ກວ່າປີ ທີ່ຜ່ານມາ ພ້ອມທັງໄດ້ຢືນຢັນຈະສືບຕໍ່ໃນການຊ່ວຍເຫຼືອດ້ານມະນຸດສະທຳແກ່ປະຊາຊົນລາວ ເພື່ອປະກອບສ່ວນເສີມຂະຫຍາຍໃຫ້ການພົວພັນຮ່ວມມທລະຫວ່າງສອງປະເທດລາວ-ອາເມຣິກາ ໃຫ້ມີບັນຍາກາດນັບມື້ນັບດີຂຶ້ນໃນອະນາຄົດ.
![](https://blogger.googleusercontent.com/img/b/R29vZ2xl/AVvXsEhPPDDTjFkgN53sx5ZTY9unfrLNjx6cdLHcE2dP-fgJFqLn5eoT9NdTYd3FBQhY1i2I4n4pKMT1sTfilI0bAlcx9hSJS5Rv39CgrjXZwhF1WLLcccOscEdNfdroBd1HYfYnIW7Ak3mOVLA/s1600/437.jpg)
ການປະຕິບັດນະໂຍບາຍດ້ານມະນຸດສະທຳອັນສະເໝີຕົ້ນສະໝີປາຍຂອງລັດຖະບານແຫ່ງ ສປປ.ລາວ ຕໍ່ກັບວຽກງານການຮ່ວມມືສຳຫຼວດ ແລະ ຂຸດຄົ້ນເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງອະດີດທະຫານອາເມຣິກາທີ່ຫາຍສາບສູນໃນປາງສົງຄາມຢູ່ລາວນັ້ນ ແມ່ນໄດ້ດຳເນີນມາແຕ່ປີ 1982, ເຊິ່ງໃນຕົວຈິງແມ່ນພົບຄວາມຫຍຸ້ງຍາກຫຼາຍຢ່າງເປັນຕົ້ນສະພາບດິນຟ້າອາກາດ ແລະ ສະພາບແວດລ້ອມດ້ານພູມສາດທີ່ທຸລະກັນດານ, ແຕ່ຜົນທີ່ອອກມາແມ່ນສາມາດຂຸດຄົ້ນພົບສິ່ງເສດເຫຼືອຈຳນວນ 279 ກໍລະນີ ໃນຈຳນວນທັງໝົດ 573 ກໍລະນີ ແລະ ຍັງຈະສືບຕໍ່ຊອກຫາອີກ 294 ກໍລະນີ.
![](https://blogger.googleusercontent.com/img/b/R29vZ2xl/AVvXsEiNfN3Rf60z9HDoi6HZ8UflE-tbo1ZcepOCbQq_gc2Gop-8uN4On6-mKOnPjcylW_tYbQrcZOUG2D8ILuQLxKllhBLk3xNeOVi5eHkStfIIyMPnkPEW4DpGNk1VrxmKdZblO0z9psY0d0Y/s1600/436.jpg)
ການຮ່ວມມືດ້ານມະນຸດສະທຳດັ່ງກ່າວນີ້ເປັນການສະແດງໃຫ້ເຫັນເຖິງຄວາມເອົາໃຈໃສ່ຂອງລັດຖະບານ ກໍ່ຄືການຮ່ວມມືເປັນຢ່າງດີຂອງປະຊາຊົນລາວ ແລະ ລັດຖະບານກໍ່ຄືປະຊາຊົນອາເມຣິກາ ກໍ່ມີຄວາມເພິ່ງພໍໃຈຕໍ່ໝາກຜົນ ແລະ ການຮ່ວມມືດັ່ງກ່າວ.
![](https://blogger.googleusercontent.com/img/b/R29vZ2xl/AVvXsEiYkobepTOV45MTEgkWFIpKv4yxqvqxv9Y7-cVfFwQSRN_H0DBqUmG2FTpqc69OEsq2HaCjq0oq08_x_tZXaaQ3hIp-NQ2h0V7Rp7gc54kDSP1P7VKXRGweFaQV1u3O97jsJNLCTSXBWmg/s1600/432.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ