ຈີນເລີ່ມປະຕິບັດມາດຕະການຂວໍ້າບາດ ຕໍ່ເກົາຫຼີເໜືອ ຕາມມະຕິຂອງ UN
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiZT1chO3bwjZaOnlW-6QHrZGegQr0LyhsJKlif6cjU06m2Je_oH2oFiim0_keUM6av2eJ6_DXahZ6TL51ifqPCjfWPDffdvghClI0LRuzSPMdLrU4up2zsM_htvUbP9tei15JYo5IBX8g/s1600/307.jpg)
ສຳນັກຂ່າວຕ່າງປະເທດລາຍງານເມື່ອວວັນທີ 15 ສິງຫາ 2017 ທີ່ຜ່ານມາວ່າ: ກະຊວງການຄ້າຂອງຈີນໄດ້ອອກຄຳສັ່ງໃຫ້ມີການປະຕິບັດຕາມມະຕິຂອງຄະນະມົນຕີຄວາມໝັ້ນຄົງແຫ່ງສະຫະປະຊາຊາດ (UNSC) ໃນການຂວໍ້າບາດເກົາຫຼີເໜືອ ເຊິ່ງລວມເຖິງການຫ້າມນຳເຂົ້າຖ່ານຫິນ, ເຫຼັກ, ແຮ່ເຫຼັກ, ກົ່ວ ແລະ ອາຫານທະເລ.
ເຊິ່ງ UNSC ໄດ້ມີມະຕິເປັນເອກະພາບທັງ 15 ປະເທດສະມາຊິກເມື່ອວັນທີ 5 ສິງຫາ 2017 ທີ່ຜ່ານມາໃນການຂວໍ້າບາດເກົາຫຼີເໜືອ ໂດຍຈະຕັດລາຍໄດ້ຈາກການສົ່ງອອກຂອງເກົາຫຼີເໜືອລົງ 1 ໃນ 3 ຈາກລະດັບ 3,000 ລ້ານໂດລາສະຫະລັດຕໍ່ປີ ຫຼື 1,000 ໂດລາສະຫະລັດຕໍ່ປີ ເພື່ອຕອບໂຕ້ຕໍ່ການທີ່ເກົາຫຼີເໜືອໄດ້ມີການທົດລອງຂີປະນາວຸດຂ້າມທະວີບ 2 ຄັ້ງໃນເດືອນທີ່ຜ່ານມາ.
ເນື້ອໃນສຳຄັນຂອງມະຕິດັ່ງກ່າວ ຍັງລວມເຖິງການຫ້າມບໍ່ໃຫ້ມີການລົງທຶນຮ່ວມກັບເກົາຫຼີເໜືອ ແລະ ຫ້າມການລົງທຶນໃໝ່ໃນບໍລິສັດທີ່ມີການລົງທຶນກັບເກົາຫຼີເໜືອຢູ່ແລ້ວໃນປັດຈຸບັນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ