ເກົາຫຼີເໜືອປະກາດ ຈະສ້າງຄວາມເທົ່າທຽມທາງການທະຫານໃຫ້ທຽບເທົ່າ ສ.ອາເມຣິກາ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjFnVVNh3EHX10l-sxFz9q4p5MJ1jOfeS3M_cMk-kWQ1F2FqLip5W_7bKeYyRUeseyfVTvMktQXbv_fsT_6o383BWEpkbl6PfRygo1IdqegC2Nk4uhhblurPmGfmMc3wMFY6UTuxzOguaY/s1600/555.jpg)
ສຳນັກຂ່າວຕ່າງປະເທດລາຍງານ 16 ກັນຍາ 2017 ວ່າ: ສຳນັກຂ່າວ KCNA ຂອງທາງການເກົາຫຼີເໜືອລາຍງານວ່າ ທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ໄດ້ລົງຕິດຕາມການຍິງທົດລອງຂີປະນາວຸດພິໄສກາງ Hwasong-12 ບໍລິເວນເຂດຊູນັນ ໃກ້ກັບນະຄອນຫຼວງປຽງຢາງ ເມື່ອວັນສຸກທີ່ຜ່ານມາ ໂດຍຂີປະນາວຸດສາມາດເດີນທາງໄປໄດ້ໄກເປັນໄລຍະທາງເຖິງ 3,700 ກິໂລແມັດ ຂ້າມນ່ານຟ້າເໜືອເກາະຮອກໄກໂດ ພາກເໜືອຂອງຍີ່ປຸ່ນ ກ່ອນຕົກລົງໃນອີກດ້ານໜຶ່ງຂອງມະຫາສະໝຸດປາຊີຟິກ.
![](https://blogger.googleusercontent.com/img/b/R29vZ2xl/AVvXsEhLLmWvW44IE30GwRHuBltfgFE9ot2F2uMF8sqG8zW4k1LZwXBaHu19v6s6LJjen1W8tMQJuUr_NPYjvSEC8i6YUxwuFfyhEBU9vkMKv67SMPt_xdgmOIr3Tj_RRik1nQgs85-XBeIq63s/s1600/556.jpg)
ເຊິ່ງຜົນການທົດສອບປະສິດທິພາບຂອງຂີປະນາວຸດ Hwasong-12 ໃນຄັ້ງນີ້ ໄດ້ສ້າງຄວາມເພິ່ງພໍໃຈໃຫ້ແກ່ທ່ານ ຄິມ ຈອງ-ອຶນ ເປັນຢ່າງສູງ ແລະ ຍັງກ່າວວ່າ ເປັນການພິສູດໃຫ້ເຫັນເຖິງຄວາມເທົ່າທຽມທາງການທະຫານຂອງເກົາຫຼີເໜືອທີ່ກຳລັງຈະກ້າວຂຶ້ນທຽບເທົ່າກັບສະຫະລັດ ອາເມຣິກາໄດ້ແລ້ວ ແລະ ຈະເປັນການເຮັດໃຫ້ຜູ້ປົກຄອງສະຫະລັດ ອາເມຣິກາ ຢຸດເຊົາແນວຄິດທີ່ຈະໃຊ້ມາດຕະການທາງການທະຫານກັບເກົາຫຼີເໜືອ ພ້ອມກັນນີ້ ຜູ້ນຳສູງສຸດລຸ້ນທີ 3 ຂອງເກົາຫຼີເໜືອຍັງກ່າວອີກວ່າ ຈະເດີນໜ້າພັດທະນາໂຄງການນິວເຄຼຍຕໍ່ໄປ ເຖິງແມ່ນວ່າຈະຕ້ອງຕົກຢູ່ສະພາບທີ່ຖືກຂວໍ້າບາດຈາກປະຊາຄົມໂລກກໍ່ຕາມ.
![](https://blogger.googleusercontent.com/img/b/R29vZ2xl/AVvXsEhZuDti1Rn079WjzdhX34ZIeK33CSeBRcdKH0R8IC-Mf125wA1Esxvci1d9Fq9aRaaezFCNw6tip68yK2-9807wO5byEIwIz-a7bWUdQI8VAkNsj1pCVCZa7DHyhSrQ2KPBsMb2qdxAcFE/s1600/558.jpg)
ລາຍງານດັ່ງກ່າວຂອງ KCNA ໄດ້ຮັບການເຜີຍແຜ່ອອກມາພຽງບໍ່ພໍເທົ່າໃດຊົ່ວໂມງ ພາຍຫຼັງທີ່ຄະນະມົນຕີຄວາມໝັ້ນຄົງແຫ່ງສະຫະປະຊາຊາດ (UNSC) ອອກຖະແຫຼງການປະນາມການຍິງຂີປະນາວຸດຄັ້ງຫຼ້າສຸດຂອງເກົາຫຼີເໜືອ ທີ່ເປັນການຍິງຂ້າມນ່ານຟ້າຂອງຍີ່ປຸ່ນຄັ້ງທີ 2 ພາຍໃນໄລຍະເວລາຫ່າງກັນພຽງ 2 ອາທິດ ແລະ ຂີປະນາວຸດຍັງເດີນທາງໄດ້ໄກກວ່າການທົດລອງຄັ້ງທຳອິດອີກດ້ວຍ, ໂດຍ UNSC ກ່າວວ່າ ພຶດຕິກຳດັ່ງກ່າວເປັນການຮຸກຮານຢ່າງຮ້າຍແຮງ ແລະ ສັ່ງໃຫ້ເກົາຫຼີເໜືອຢຸດຕິພຶດຕິກຳທີ່ເປັນລ່ວງລະເມີດໃນລັກສະນະນີ້ ເພື່ອນຳໄປສູ່ການປົດອາວຸດນິວເຄຼຍຢູ່ແຫຼມເກົາຫຼີຢ່າງຖາວອນ, ເຊິ່ງ UNSC ຫາກໍ່ມີບາດຕະການຂວໍ້າບາດເກົາຫຼີເໜືອຄັ້ງໃໝ່ເມື່ອວັນຈັນທີ່ຜ່ານມານີ້ເອງ ທີ່ໄດ້ຫ້າມບໍ່ໃຫ້ສົ່ງອອກຜະລິດຕະພັນຈາກອຸດສາຫະກຳຕ່ຳແຜ່ນ ແລະ ຈຳກັດການນ້ຳເຂົ້ານ້ຳມັນດິບ ເພື່ອລົງໂທດການທົດລອງລະເບີດນິວເຄຼຍ ຄັ້ງທີ 6 ເມື່ອວັນທີ 3 ກັນຍາ 2017 ທີ່ຜ່ານມາ.
![](https://blogger.googleusercontent.com/img/b/R29vZ2xl/AVvXsEgSZBc4khKVjpiAvfIvlaHiBthTBUEF4uEO-lK6T1nei7DXAjnifXLMIu1_Ej6Yynr6NwJ4M6jEMKb1SNNyotKLy6Ew08VGF6lKM2ez9IlGLEbnk-81jX8hP_vqrS5a2X2AcLzpDR9FmL0/s1600/557.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ