ກະບົດປາປົວທີ່ຕ້ອງການແຍກຕົວຈາກອິນໂດເນເຊຍ ຢຶດໝູ່ບ້ານ ຈັບປະຊາຊົນ 1,300 ຄົນເປັນຕົວປະກັນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjSbkpjGEt6R-z-WrsFCoz-iGbDrrXwlqGhCQnJF_2Wz3kVBbJWCoiKDNLFSVxk8rqFHUBtArmnHTcDwNSujDTxChlhJal6AOmUpeUwJjukeEPz_bgfYsY78OfBwi7UPKzHCBBfG6mGOrIg/s1600/694.jpg)
ສຳນັກຂ່າວຕ່າງປະເທດລາຍງານ 10 ພະຈິກ 2017 ວ່າ: ຕຳຫຼວດທ້ອງຖິ່ນອິນໂດເນເຊຍຖະແຫຼງໃນວັນສຸກນີ້ວ່າ: ຊາວບ້ານປະມານ 1,300 ຄົນ ຖືກຈັບເປັນຕົວປະກັນ ໂດຍກຸ່ມຕິດອາວຸດທີ່ມີກຳລັງປະມານ 24 ຄົນ, ເຊິ່ງກຸ່ມນີ້ເປັນສະມາຊິກຂອງຂະບວນການປາປົວເສລີ (OPM) ທີ່ຈັບອາວຸດຕໍ່ສູ້ກັບເຈົ້າໜ້າທີ່ລັດມາຍາວນານ, ທາງການລະບຸວ່າ ຊາວບ້ານຖືກຫ້າມບໍ່ໃຫ້ເຂົ້າ ຫຼື ອອກຊຸມຊົນມາເປັນເວລາ 2 ມື້ແລ້ວ ແຕ່ເທົ່າທີ່ຜ່ານມາຍັງບໍ່ມີການທຳຮ້າຍຮ່າງກາຍເກີດຂຶ້ນ ຂະນະທີ່ທະຫານອິນໂດເນເຊຍຕິດອາວຸດໜັກປະມານ 700 ຄົນ ໄດ້ເຝົ້າ ແລະ ຕິດຕາມສະຖານະການຢ່າງໃກ້ຊິດ ແຕ່ຍັງບໍ່ກ້າທີ່ຈະບຸກໂຈມຕີເທື່ອ ເພາະເປັນຫ່ວງຄວາມປອດໄພຂອງປະຊາຊົນ ທີ່ອາດໄດ້ຮັບອັນຕະລາຍ.
![](https://blogger.googleusercontent.com/img/b/R29vZ2xl/AVvXsEixvSCyt5qQM23ePRICCUpkWHWqoIAZxeGvOIzMbtrqggVPdMhEQ-vdmNwPW58jlfEYhlbaLLWRjbyTRCUKsWCIGs93c35fDP-NpQYpE0zOzE93yc77_SSTSNDGV3RkSGp_biYeQvKT1Uvh/s1600/692.jpg)
ສ່ວນທີ່ປະເທດຟິລິບປິນ ເຈົ້າໜ້າທີ່ກອງທັບເປີດເຜີຍໃນວັນສຸກນີ້ເຊັ່ນກັນວ່າ: ກຸ່ມຕິດອາວຸດແນວຮ່ວມກຸ່ມ IS ຍິງທະຫານເສຍຊີວິດ 6 ຄົນ ແລະ ບາດເຈັບອີກ 4 ຄົນ ຢູ່ເກາະບາສິລັນ ພາກໃຕ້ຂອງປະເທດ ໂດຍດັກຊຸ້ມໂຈມຕີເມື່ອວັນພະຫັດທີ່ຜ່ານມາ ໃນລະຫວ່າງທີ່ກອງທັບໄດ້ເຄື່ອນພົນທະຫານປະຕິບັດການປາບປາມກຸ່ມກໍ່ການຮ້າຍ ແລະ ກຸ່ມຫົວຮຸນແຮງໄປຍັງເກາະບາສິລັນ ພາຍຫຼັງສິ້ນສຸດພາລະກິດປາບປາມກຸ່ມກະບົດເມົາເຕ ທີ່ຢຶດເມືອງມາຣາວີ ຢູ່ເກາະມິນດາເນົາເມື່ອເດືອນທີ່ຜ່ານມາ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ