ປ.ທຣຳ ຖືກປະທ້ວງຂັບໄລ່ເປັນມື້ທີ່ 2 ທີ່ນະຄອນຫຼວງມະນິລາ ທ່າມກາງກອງປະຊຸມສຸດຍອດອາຊຽນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhAq7qfaGtRXG4rprWele5jr78E9lwoN0onU3DVDbaucK2I7-qO3RDzDMiW97RuV0Iu380CgXKatkHJ1J4jJcKnt9MVtUR0dS5MeOQcBYEUidT1otMP-tdZ6P8dg4Aes1654ZX251jUQnXq/s1600/796.jpg)
ສຳນັກຂ່າວຕ່າງປະເທດລາຍງານ 14 ພະຈິກ 2017 ວ່າ: ຕໍ່ເນື່ອງມາຈາກມື້ວານ ຂະບວນການປະທ້ວງທີ່ເກີດຂຶ້ນໃນນະຄອນຫຼວງມະນິລາ ປະເທດຟິລິບປິນເປັນມື້ທີ 2 ໂດຍກຸ່ມຜູ້ປະທ້ວງຫຼາຍພັນຄົນສະແດງຈຸດຢືນຕໍ່ຕ້ານທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ, ຫຼ້າສຸດມີລາຍງານວ່າ ກຸ່ມຜູ້ປະທ້ວງລວມຕົວກັນບໍລິເວນສະຖານທູດອາເມຣິກາ ປະຈຳນະຄອນຫຼວງມະນິລາ ຕັ້ງແຕ່ມື້ວານນີ້ ເພື່ອສະແດງພະລັງຕໍ່ຕ້ານທ່ານ ທຣຳ ກ່ອນການປະຊຸມສຸດຍອດອາຊຽນ ຄັ້ງທີ 31.
![](https://blogger.googleusercontent.com/img/b/R29vZ2xl/AVvXsEj-p1zsHeZBMIMjv02xMqsLnZv7MdFQRFv29VwJWLQ9m7qu5dw6aYO9F-jhciAG51AY0k_wk4dJ-DhH91SsU5dJZUFmW4RUWLoXSIZS4h4KAjxlCjKChjV7XbNwVtwIN7G1zOV6ats6TskI/s1600/797.jpg)
ໂດຍຜູ້ປະທ້ວງໄດ້ຖືປ້າຍ “Dump Trump” ແລະ “Down with U.S. Imperialism” ເພື່ອສະແດງການຕໍ່ຕ້ານທ່ານ ທຣຳ ຢ່າງຊັດເຈນ ໂດຍແກນນຳໃຫ້ຄວາມເຫັນວ່າ ການເດີນທາງມາຢ້ຽມຢາມຂອງທ່ານ ທຣຳ ແມ່ນເພື່ອມາເຮັດຂໍ້ຕົກລົງທີ່ບໍ່ມີຄວາມຍຸດຕິທຳຕໍ່ຟິລິບປິນ ເຊິ່ງເປັນສິ່ງທີ່ຍອມຮັບໍ່ໄດ້ ຂະນະທີ່ເຈົ້າໜ້າທີ່ຕຳຫຼວດປາບຈະລາຈົນໄດ້ສີດນ້ຳໃສ່ຝູງຊົນເພື່ອສະຫຼາຍການປະທ້ວງ ເຮັດໃຫ້ປະຊາຊົນບໍ່ພໍໃຈຈົນເກີດການປະທະກັນ.
ຂະນະທີ່ ລັດຖະບານຟິລິບປິນ ໄດ້ສັ່ງລະດົມກຳລັງຕຳຫຼວດ, ທະຫານ, ໜ່ວຍຍາມຝັ່ງ ແລະ ໜ່ວຍງານທີ່ກ່ຽວຂ້ອງປະມານ 60,000 ຄົນ ຮັກສາຄວາມປອດໄພພາຍໃນເຂດເມໂທຼ ມະນິລາ ແລະ ແຂວງປຳປັງກາ ເຊິ່ງເປັນສະຖານທີ່ຮອງຮັບຜູ້ນຳປະເທດຕ່າງໆທັງໃນອາຊຽນ ແລະ ຄູ່ເຈລະຈາ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ