ອາຟະການິດສະຖານ ປູກຝິ່ນໄດ້ປີລະ 9,000 ໂຕນຕໍ່ປີ ເພີ່ມຂຶ້ນສູງສຸດໃນປະຫວັດສາດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhTY6byh66sHEjyZ-VpHBkJTaufuScLD0plJF02wAPMsHydaLgnrpnXVCn6UmaFCDRRXIaHNiVT91_YAXKAUYR2LqhUPq3ZCN5Iv2Nl1TQkbtrZhCZwyW3ckqU7CgN26aZSrSijoq14lvUP/s1600/131.jpg)
ສຳນັກຂ່າວຕ່າງປະເທດລາຍງານ 16 ພະຈິກ 2017 ວ່າ: ສະຫະປະຊາຊາດ (UN) ເຜີຍແຜ່ຜົນສຳຫຼວດທີ່ຮ່ວມສຳຫຼວດກັບລັດຖະບານອາຟະການິດສະຖານ ພົບວ່າ: ໃນປີນີ້ ອາຟະການິດສະຖານມີການຜະລິດຝິ່ນເພີ່ມຂຶ້ນ 87% ຂຶ້ນສູ່ລະດັບສູງສຸດເປັນປະຫວັດສາດ ດ້ວຍຜົນຜະລິດ 9,000 ໂຕນຕໍ່ປີ ທຽບກັບປີທີ່ຜ່ານມາ ທີ່ຜະລິດໄດ້ທັງໝົດ 4,800 ໂຕນ.
ກະຊວງຕໍ່ຕ້ານຢາເສບຕິດອາຟະການິດສະຖານ ແລະ ສຳນັກງານປ້ອງກັນຢາເສບຕິດ ແລະ ປາບປາມອາຊະຍາກຳແຫ່ງສະຫະປະຊາຊາດ (UNODC) ລະບຸວ່າ: ເນື້ອທີ່ທີ່ມີການເກັບກ່ຽວດອກຝິ່ນ ມີຈຳນວນທີ່ເພີ່ມຂຶ້ນສູງສຸດໃນປະຫວັດສາດເຖິງ 2.049 ລ້ານໄລ່ ຫຼື ເພີ່ມຂຶ້ນ 60% ຈາກຈຳນວນ 1.265 ລ້ານໄລ່ ເມື່ອປີ 2016.
ລາຍງານລະບຸວ່າ ຜົນຜະລິດທີ່ເພີ່ມຂຶ້ນ ມີສາເຫດຫຼັກໆມາຈາກຈຳນວນເນື້ອທີ່ປູກຝິ້ນທີ່ເພີ່ມຂຶ້ນ ເຊັ່ນດຽວກັນກັບລາຄາຝິ່ນທີ່ສູງຂຶ້ນດ້ວຍ, ຜົນສຳຫຼວດຍັງພົບວ່າຈຳນວນແຂວງທີ່ບໍ່ມີການປູກຝິ່ນຫຼຸດລົງມາເຫຼືອແຕ່ 10 ແຂວງ ຈາກເດີມມີ 13 ແຂວງ ເຮັດໃຫ້ຂະນະນີ້ ອາຟະການິດສະຖານມີແຂວງທີ່ປູກຝິ່ນທັງໝົດ 24 ແຂວງ ຈາກເດີມມີຢູ່ໃນ 21 ແຂວງ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ