ກອງທັບເຮືອ ສ.ອາເມຣິກາ - ເກົາຫຼີໃຕ້ ເປີດສາກຊ້ອມຮົບຄັ້ງໃຫຍ່ ກົດດັນເກົາຫຼີເໜືອ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjUoG31UvTcONeBpk9_mEQ7ZWBCjyRn-EBDBLiPsKGeimdePng65wNZAXyEj7mxJpj2X85wp9a62c-dPU1lCl61s7TuaqFuBjQzvCj0-1IOqeEVmYlYDmzlaXkQ9XofKCQCyF8vRnZxaH_B/s1600/721.jpg)
ສຳນັກຂ່າວຕ່າງປະເທດລາຍງານ 11 ພະຈິກ 2017 ວ່າ: ການຊ້ອມຮົບຮ່ວມເປັນເວລາ 4 ວັນຈົນເຖິງວັນອັງຄານໜ້າ (14 ພະຈິກ) ໃນນ່ານນ້ຳຟາກຕາເວັນຕົກຂອງມະຫາສະໝຸດປາຊີຟິກ ກ່ຽວກັບກັບເຮືອບັນທຸກຍົນຮົບຂອງສະຫະລັດ ອາເມຣິກາ 3 ລຳ ປະກອບດ້ວຍເຮືອ USS Nimitz, USS Ronald Reagan USS ແລະ Theodore Roosevelt ແລະ ເຮືອລູກອີກ 11 ລຳ ສ່ວນກອງທັບເຮືອເກົາເກົາຫຼີໃຕ້ສົ່ງເຮືອຮົບ 7 ລຳເຂົ້າຮ່ວມ.
ຖືເປັນການເຝິກຊ້ອມຮ່ວມຂອງເຮືອບັນທຸກຍົນຮົບ 3 ລຳ ຄັ້ງທຳອິດໃນພູມມິພາກໃນຮອບ 10 ປີ.
![](https://blogger.googleusercontent.com/img/b/R29vZ2xl/AVvXsEjQ56rhfO9x78U64TYao4pP4XT4hm9GBeyAZgsmQp2u86jJS_0NSr3yDoY_s-n-wdoxmFwNi1r0nXwXYHNr466aomoj1IkWPXIG1oW5c9z65iB6S6SvSZGLtDt9YkzOHXqFAl55dNcWOQA9/s1600/722.jpg)
ຖະແຫຼງການຂອງໂຄສົກກະຊວງປ້ອງກັນປະເທດເກົາຫຼີໃຕ້ກ່າວວ່າ ການເຝິກຊ້ອມຮົບຄັ້ງນີ້ມີຈຸດປະສົງ ເພື່ອເສີມສ້າງຂີດຄວາມສາມາດໃນການປ້ອງກັນໄພຮຸກຮານຈາກນິວເຄຼຍ ແລະ ຂີປະນາວຸດຂອງເກົາຫຼີເໜືອ ແລະ ສະແດງເຖິງຄວາມພ້ອມໃນການຮັບມືກັບການກະທຳທີ່ຍຸແຍ່ຂອງເກົາຫຼີເໜືອ.
ສ່ວນຖະແຫຼງການຂອງກອງທັບເຮືອສະຫະລັດ ອາເມຣິກາ ກ່າວວ່າ: ເຮືອຮົບຂອງສະຫະລັດ ອາເມຣິກາຈະເຝິກຊ້ອມການປ້ອງກັນໄພທາງອາກາດ, ການສອດແນມທາງທະເລ, ການສູ້ຮົບເພື່ອປ້ອງກັນທາງອາກາດ ແລະ ປະຕິບັດການອື່ນໆ.
ການຊ້ອມຮົບຄັ້ງນີ້ຮົບຄັ້ງນີ້ເກີດຂຶ້ນພາຍຫຼັງທີ່ທ່ານ ໂດໂນ ທຣຳ ຜູ້ນຳສະຫະລັດ ອາເມຣິກາເດີນທາງຢ້ຽມຢາມຍີ່ປຸ່ນ, ເກົາຫຼີໃຕ້ ແລະ ຈີນ ໃນອາທິດນີ້ ໂດຍບັນຫາຫຼັກຂອງການປຶກສາຫາລືໃນລະຫວ່າງການຢ້ຽມຢາມຄື ການຫາແນວທາງຕໍ່ຕ້ານໄພຮຸນຮານຈາກອາວຸດນິວເຄຼຍຂອງເກົາຫຼີເໜືອ ໂດຍໃນລະຫວ່າງການພົບປະກັບທ່ານ ມູນ ແຈ-ອິນ ປະທານປະເທດເກົາຫຼີໃຕ້ ທ່ານ ທຣຳ ແລະ ທ່ານ ມູນ ຕົກລົງເພີ່ມການຕິດຕັ້ງ "ສິ່ງທີ່ມີຄຸນຄ່າ" ທາງທະຫານຂອງສະຫະລັດ ອາເມຣິກາ ຢູ່ແຫຼມເກົາຫຼີ ເພື່ອເພີ່ມແຮງກົດດັນຕໍ່ເກົາຫຼີເໜືອ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ