ສະພາລ່າງລັດເຊຍຜ່ານຮ່າງກົດໝາຍ ຂຶ້ນທະບຽນສື່ຕ່າງປະເທດ ໃນຖານະຕົວລັດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgHAY-UJj0bQsLnqs2wWMMzXDVGFP7ChJ9ezAeuYnT0GQJeH-PzpSoWVPVFUbpsv2FWIEJh-7C8alHc50iV4H6aMJUjm6puJddzjjk4ZhmJEXHCGR6sih-tCVmEnNERUNf-Jkoqo12LEtiO/s1600/137.jpg)
ສຳນັກຂ່າວຕ່າງປະເທດລາຍງານ 16 ພະຈິກ 2017 ວ່າ: ສະພາດູມາ (Duma) ຫຼື ສະພາລ່າງຂອງລັດເຊຍຜ່ານຮ່າງກົດໝາຍ ໃຫ້ສື່ມ່ວນຊົນຈາກຕ່າງປະເທດຕ້ອງຂຶ້ນທະບຽນກັບລັດຖະບານ ໃນຖານະ "ຕົວແທນລັດຖະບານຕ່າງປະເທດ" ພາຍຫຼັງທີ່ພຽງບໍ່ພໍເທົ່າໃດວັນທີ່ສຳນັກຂ່າວໃຫຍ່ຂອງລັດເຊຍຕ້ອງຂຶ້ນທະບຽນແບບດຽວກັນທີ່ສະຫະລັດ ອາເມຣິກາ.
![](https://blogger.googleusercontent.com/img/b/R29vZ2xl/AVvXsEhgJyySjFE0E8jIlZeDNadOHhCLGmnDjtq8BXgZlM4AeNpKCP7cJeCsSkWzAHzGCNbeGteBXjluyMJHS2MO0bJ0MMmTvzKcKBMonDfU27eXJWMaSgrb0rS5qmtjPPaur3zic4VxaC4JUfTg/s1600/136.jpg)
ໂດຍໃນກອງປະຊຸມສະພາຜູ້ແທນຂອງລັດເຊຍ ຫຼື ສະພາດູມາ (Duma) ມີມະຕິສຽງສ່ວນໃຫຍ່ເມື່ອວັນພຸດທີ່ຜ່ານມາ ໃຫ້ສື່ມວນຊົນຕ່າງປະເທດທີ່ມີສຳນັກງານຢູ່ໃນລັດເຊຍຕ້ອງຂຶ້ນທະບຽນໃນຖານະ "ເຈົ້າໜ້າທີ່ລັດຖະບານຕ່າງປະເທດ" ເຊິ່ງການລົງມະຕິດັ່ງກ່າວຖືເປັນການແກ້ໄຂເພີ່ມເຕີມສຳລັບກົດໝາຍສະບັບປີ 2012 ທີ່ອົງກອນອິດສະຫຼະບໍ່ສະແຫວງຫາຜົນກຳໄລ (NGO) ທຸກແຫ່ງໃນລັດເຊຍຕ້ອງຂຶ້ນທະບຽນໃນຖານະ "ຕົວແທນລັດຖະບານຕ່າງປະເທດ".
![](https://blogger.googleusercontent.com/img/b/R29vZ2xl/AVvXsEj0uwL0OEYkic0unmYjAC94yruc72LQZyYOVUl3BbZWiD_QAGsDr0n-fs8f0w51eSC_y0w5x9HBaFxbvF5RLH-d8amYSauzbaSBlp3fUSMWh_62puWA-Fg7Vz1jcPOZCHJ5XMLeIwzF1wjr/s1600/135.jpg)
ເຖິງແມ່ນວ່າຮ່າງກົດໝາຍຍັງຕ້ອງຜ່ານການອະທິປາຍ ແລະ ລົງມະຕິຈາກສະພາສູງ ທີ່ຄາດວ່າຈະມີການປະຊຸມເລື່ອງນີ້ໃນອາທິດໜ້າ ແຕ່ທຸກຝ່າຍເຊື່ອວ່າບໍ່ແມ່ນອຸປະສັກ ແລະ ຮ່າງກົດໝາຍຈະມີຜົນບັງຄັບໃຊ້ທັນທີ່ທີ່ໄດ້ຮັບການລົງນາມຈາກທ່ານ ປູຕິນ ປະທານປະເທດ, ຂະນະທີ່ທ່ານ ນາງ ມາເຣຍ ຊາຄາໂຣວາ ໂຄສົກກະຊວງການຕ່າງປະເທດລັດເຊຍ ກ່າວວ່າຖືເປັນຄັ້ງທຳອິດທີ່ລັດຖະບານລັດເຊຍບັງຄັບໃຊ້ມາດຕະການດັ່ງກ່າວກັບສື່ມວນຊົນຕ່າງປະເທດ ແລະ ເຕືອນຢ່າງກົງໄປກົງມາວ່າ ອາດມີການບັງຄັບໃຊ້ກັບຜູ້ສື່ຂ່າວຊາວອາເມຣິກາ "ເປັນລາຍບຸກຄົນ".
ຂະນະທີ່ແຫຼ່ງຂ່າວໃນລັດຖະບານລັດເຊຍເປີດເຜີຍວ່າ ສະຖານນີວິທະຍຸ Radio Free Europe/Radio Liberty ແລະ ສະຖານນີວິທະຍຸ Voice of America ຫຼື VOA ພາກສາພາລັດເຊຍ ເຊິ່ງເປັນສື່ມວນຊົນທີ່ໄດ້ຮັບງົບສະໜັບສະໜູນຈາກກະຊວງການຕ່າງປະເທດສະຫະລັດ ໄດ້ຮັບການແຈ້ງເຕືອນຈາກກະຊວງຍຸດຕິທຳຂອງລັດເຊຍແລ້ວ ກ່ຽວກັບການໃຫ້ກຽມຈົດທະບຽນໃນຖານະຕົວແທນລັດຖະບານຕ່າງປະເທດ.
ເຊິ່ງການເຄື່ອນໄຫວຂອງສະພາດູມາໃນເລື່ອງນີ້ເກີດຂຶ້ນພຽງບໍ່ພໍເທົ່າໃດວັນ ພາຍຫຼັງທີ່ສະຖານນີໂທລະພາບ Russia Today ຫຼື RT ປະຈຳພູມມິພາກອາເມຣິກາເໜືອ ເຊິ່ງເປັນສື່ທີ່ໄດ້ຮັບງົບປະມານສະໜັບສະໜູນຈາກທຳນຽມເຄຼມລິນ ຂຶ້ນທະບຽນກັບກະຊວງຍຸດຕິທຳຂອງສະຫະລັດ ໃນຖານະ "ຕົວແທນລັດຖະບານຕ່າງປະເທດ" ໂດຍພະນັກງານສືບສວນຂອງລັດຖະບານສະຫະລັດ ເຊື່ອວ່າ RT ເປັນສຳນັກຂ່າວທີ່ "ມີບົດບາດ" ໃນການແຊກແຊງທາງການເມືອງຂອງລັດເຊຍຕໍ່ການເລືອກຕັ້ງປະທານປະເທດສະຫະລັດ ເມື່ອປີທີ່ຜ່ານມາ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ