ຜູ້ນຳສອງຊາດລາວ-ຈີນ ຮ່ວມວາງສີລາລຶກກໍ່ສ້າງໂຮງໝໍມະໂຫສົດຫຼັງໃໝ່
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjIpwotQCenwtzpke9kA3ttM1xTsoaZFTnYwEIu7v4aj9WOUU6UVAbC4pmgLiSW12fIFFDlrknsjbEJhbnHeBiV9b11-FIpK8uAb206qXfTqmkGS7_ydXVJ603oYKxFO4Be_ae6lsovSYSC/s1600/9.jpg)
![](https://blogger.googleusercontent.com/img/b/R29vZ2xl/AVvXsEhWtCtjFzOzpFNrEbuZWq58qSdrhFViZq36YMgVlPTKJz1P27QGyLlguL7MumqdVjM5K3FejltJe2kyXXEE2a102RjZgNLwa7ZcdGWLXjkOB3sq9OgnDLyyntN8W6QSuc7SSwHHlscKA4Mg/s1600/11.jpg)
ສຳນັກຂ່າວສານປະເທດລາຍງານ 14 ພະຈິກ 2017 ວ່າ: ຜູ້ນຳສອງປະເທດລາວ-ຈີນ ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ.ລາວ ແລະ ທ່ານ ສີ ຈິ້ນຜິງ ປະທານປະເທດແຫ່ງ ສປ.ຈີນ ໄດ້ເຂົ້າຮ່ວມພິທີວາງສີລາລຶກ ໂຄງການກໍ່ສ້າງໂຮງໝໍມະໂຫສົດຫຼັງໃໝ່ ໃນວັນອັງຄານນີ້ ໂດຍມີການນຳຂັ້ນສູງພັກ-ລັດຖະບານແຫ່ງ ສປປ.ລາວ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ໃນໂອກາດດັ່ງກ່າວ, ທ່ານ ບຸນກອງ ສີຫາວົງ ລັດຖະມົນຕີກະຊວງທາສາລະນະສຸກໄດ້ລາຍງານໃຫ້ຮູ້ວ່າ: ໂຄງການກໍ່ສ້າງໂຮງໝໍມະໂຫສົດຫຼັງໃໝ່ ເປັນໂຮງໝໍຂະໜາດ 600 ຕຽງ, ສູງ 8 ຊັ້ນ, ເນື້ອທີ່ດິນກໍ່ສ້າງ 31 ພັນຕາແມັດ, ພື້ນທີ່ຊົມໃຊ້ 54 ພັນຕາແມັດ, ລວມມູນຄ່າການກໍ່ສ້າງທັງໝົດ 600 ລ້ານກວ່າຢວນ, ຄາດວ່າຈະສ້າງສຳເລັດໃນປີ 2020. ໂຄງການດັ່ງກ່າວ, ເປັນໂຄງການຂະໜາດໃຫຍ່ທີ່ສຸດ, ຈຳນວນຕຽງ ແລະ ມູນຄ່າການກໍ່ສ້າງຫຼາຍທີ່ສຸດທີ່ລັດຖະບານຈີນໄດ້ໃຫ້ການຊ່ວຍເຫຼືອໃນການກໍ່ສ້າງໂຮງໝໍແກ່ຕ່າງປະເທດ.
![](https://blogger.googleusercontent.com/img/b/R29vZ2xl/AVvXsEjIpwotQCenwtzpke9kA3ttM1xTsoaZFTnYwEIu7v4aj9WOUU6UVAbC4pmgLiSW12fIFFDlrknsjbEJhbnHeBiV9b11-FIpK8uAb206qXfTqmkGS7_ydXVJ603oYKxFO4Be_ae6lsovSYSC/s1600/9.jpg)
ພາຍຫຼັງສຳເລັດພິທີວາງສີລາລຶກ ທ່ານ ບຸນຍັງ ວໍລະຈິດ ແລະ ທ່ານ ສີ ຈິ້ນຜິງ ໄດ້ໄປຢ້ຽມຢາມຄົນເຈັບຜ່າຕັດຕາຂຸ້ນ ທີ່ໄດ້ຮັບການຊ່ວຍເຫຼືອຜ່າຕັດ ໂດຍແພດຈາກ ສປ.ຈີນ ຫຼັງຈາກນັ້ນ, ທ່ານ ສີ ຈິ້ນຜິງ ພ້ອມດ້ວຍຄະນະໄດ້ເດີນທາງວາງພວງມະລາ ຢູ່ອະນຸສາວະລີນັກຮົບນິລະນາມ ນຳໂດຍທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ແລະ ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ