ກອງທັບອາກາດເອຢິບ ຍິງທຳລາຍລົດຂົນອາວຸດກຸ່ມກໍ່ການຮ້າຍ ທີ່ພະຍາຍາມຂ້າມຊາຍແດນ (ວິດີໂອ)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgYQUhi84134_dMY-7NcHqa2njiZtX9X8CRSlG4v2MDVIBeC87f8WnfkihcWbMbnSmlsBe7ZKlOybtYhQe6MkRQS9_1QSspTM9B9K87Q-dxd3DDDQd6SZ7UXzWRx4eDR2FBbdD81VS_Itll/s1600/731.jpg)
ສຳນັກຂ່າວຕ່າງປະເທດລາຍງານ 11 ພະຈິກ 2017 ວ່າ: ໂຄສົກກອງທັບເອຢິບເປີດເຜີຍເມື່ອວັນເສົາທີ່ຜ່ານມາວ່າ: ກອງທັບອາກາດເອຢິບໄດ້ທຳລາຍລົດຂົນອາວຸດ 10 ຄັນ ທີ່ບັນທຸກອາວຸດຍຸດໂທປະກອບມາເຕັມຄັນ ໃນຂະນະທີ່ກຳລັງພະຍາຍາມຈະເຂົ້າມາໃນປະເທດເອຢິບເບື້ອງຊາຍແດນທິດຕາເວັນຕົກທີ່ຕິດກັບພາກຕາເວັນອອກຂອງລີບີ ໂດຍກອງທັບອາກາດໄດ້ເສີມກຳລັງໃນການທຳລາຍລ້າງ ແລະ ສາມາດຍິງໂຈມຕີເປົ້າໝາຍໄດ້ຢ່າງແມ້ນຢຳໃສ່ລົດຂົນອາວຸດທັງ 10 ຄັນດັ່ງກ່າວ ແລະ ຍັງສາມາດຂ້າກຸ່ມກໍ່ກາຍຮ້າຍທີ່ຂົນອາວຸດນັ້ນມາໄດ້ອີກດ້ວຍ.
ຕັ້ງແຕ່ເດືອນພຶດສະພາເປັນຕົ້ນມາ ກອງທັບອາກາດເອຢິບໄດ້ທຳລາຍລົດຂົນອາວຸດເຖື່ອນໄປແລ້ວຢ່າງໜ້ອຍ 100 ຄັນ ທີ່ພະຍາຍາມຂ້າມຊາຍແດນເອຢິບ-ລີບີ, ເຊິ່ງລັດຖະບານເອຢິບມີຄວາມເປັນຫ່ວງຕໍ່ບັນຫາດັ່ງກ່າວຫຼາຍ ໂດຍສະເພາະແມ່ນຈຸດຮ່ວມຊາຍແດນ 1,200 ກິໂລແມັດເບື້ອງຕາເວັນຕົກທີ່ຕິດກັບລີບີ ອັນເປັນຈຸດໝາຍປາຍທາງໃນການລັກລອບຄ້າອາວຸດຂອງກຸ່ມກໍ່ການຮ້າຍໃນໄລຍະຫຼາຍປີຜ່ານມາ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ