ສປປ.ລາວ ສົ່ງຄືນກະດູກທະຫານອາເມຣິກາ ທີ່ຫາຍສາບສູນປາງສົງຄາມກັບຄືນປະເທດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEh9nxfAnhL9bm8U05OJ7uOrByOKIwumkStMvSOobQrV7LRI17VoT5ttsOfYG35yoKQ4pTVNzhJslprvjZpl58HSsOIAPjnNfgwCHzUc2qDou-k-tHAYEIl3VgJ9jdnUi7qn8BZflkHbRA8u/s1600/1024.jpg)
ສຳນັກຂ່າວສານປະເທດລາວລາຍງານເມື່ອວັນທີ 7 ທັນວາ 2017 ທີ່ຜ່ານມາວ່າ: ທີ່ສະໜາມບິນສາກົນວັດໄຕ ນະຄອນຫລວງວຽງຈັນ, ໄດ້ຈັດພິທີມອບ-ຮັບກະດູກ ແລະ ສິ່ງເສດເຫລືອຂອງທະຫານອາເມລິກາ ທີ່ເສຍຊິີວິດໃນປາງສົງຄາມຢູ່ລາວ ຈາກຜົນຂອງການປະຕິບັດງານ ຮ່ວມລາວ -ອາເມລິກາ (MIA), ຄັ້ງທີ 01 ປະຈໍາສົກປີ 2017-2018, ຢູ່ກໍລະນີ 1791 ຢູ່ບໍລິເວນບ້ານສີບຸນເຮືອງ, ເມືອງຮຸນ, ແຂວງອຸດົມໄຊ, ກໍລະນີ 1541, ຢູ່ບໍລິເວນບ້ານນາກູດ, ເມືອງຮ້ຽມ ແຂວງຫົວພັນ ແລະ ກໍລະນີ 0802, ຢູ່ບໍລິເວນບ້ານບານ ເມືອງຄໍາ ແຂວງຊຽງຂວາງ.
![](https://blogger.googleusercontent.com/img/b/R29vZ2xl/AVvXsEhXB6hptGu50YTgcgevGG-sw_CvpPTU3erjy_BdNMxOt_xwyrl5GH7DscqAN5RHYy1QdCeJY1LVWQBhn119n9M6zGf-vrQcjz8TiWs1KJcTI-R27-aljeMfZpKGgvu9pcYriHkm2-THF7DQ/s1600/1021.jpg)
ເປັນກຽດເຂົ້າຮ່ວມໃນພິທີມອບ-ຮັບ ໃນຄັ້ງນີ້, ຕາງໜ້າໃຫ້ແກ່ລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແມ່ນທ່ານ ຂວັນຕາ ຜາລີວົງ ຫົວໜ້າກົມເອີຣົບ-ອາເມລິກາ, ກະຊວງການຕ່າງປະເທດ, ຄະນະຊີ້ນຳວຽກງານ MIA, ເປັນຜູ້ກ່າວມອບ ແລະ ຕາງໜ້າໃຫ້ແກ່ລັດຖະບານສະຫະລັດ ອາເມລິກາ ແມ່ນທ່ານ ໄມໂຄຄລາຍ ອຸປະທູດ ແຫ່ງ ສະຫະລັດອາເມລິກາ ປະຈຳ ສປປ.ລາວ, ເປັນຜູ້ກ່າວຮັບ. ມີບັນດາເຈົ້າໜ້າທີ່ຂັ້ນສູງ ຈາກກະຊວງການຕ່າງປະເທດ, ກະຊວງປ້ອງກັນປະເທດ, ພ້ອມດ້ວຍຄະນະວິຊາການ ລາວ-ອາເມລິກາ ທີ່ປະຕິບັດວຽກງານຕົວຈິງ ໃນພາກສະໜາມ ເຂົ້າຮ່ວມນໍາ.
ໂດຍສືບຕໍ່ປະຕິບັດນະໂຍບາຍດ້ານມະນຸດສະທຳ ອັນສະເໝີຕົ້ນສະເໝີປາຍ ຂອງລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ທີ່ມີຕໍ່ຄອບຄົວ ກໍຄື ຍາດພີ່ນ້ອງຂອງຜູ້ຫາຍສາບສູນໃນປາງສົງຄາມຢູ່ລາວ ແລະ ອີງຕາມການຮ້ອງຂໍຂອງລັດຖະບານອາເມລິກາ ໃນການແກ້ໄຂບັນຫາດັ່ງກ່າວ, ໃນໄລຍະຜ່ານມາຈົນເຖິງປັດຈຸບັນ ການຮ່ວມມືສອງຝ່າຍລາວ-ອາເມລິກາໃນວຽກງານສໍາຫລວດ ແລະ ຂຸດຄົ້ນເພື່ອຊອກຫາຮ່ອງຮອຍ ແລະ ສິ່ງເສດເຫລືອຂອງທະຫານ ອາເມລິກາ ທີ່ຫາຍສາບສູນໃນປາງສົງຄາມຢູ່ລາວ, ຊຶ່ງສາມາດຄົ້ນພົບສິ່ງເສດເຫລືອທະຫານອາເມລິກາ ທີ່ເສຍຊີວິດຢູ່ລາວ ໄດ້ແລ້ວຈຳ ນວນ 279 ຄົນ ແລະ ຍັງເຫລືອອີກ ຈຳນວນ 294 ຄົນ ຈາກຈຳນວນທັງໝົດ 573 ຄົນ, ຊຶ່ງຈະໄດ້ຮ່ວມ ມືກັນສືບຕໍ່ສໍາຫລວດ ແລະ ຄົ້ນຫາ ໃນການປະຕິບັດງານຄັ້ງຕໍ່ໄປ.
ເວົ້າລວມແລ້ວວຽກງານດັ່ງກ່າວ, ຂອງສອງຝ່າຍ ລາວ-ອາເມລິກາ ໄດ້ຮັບໝາກຜົນສຳເລັດອັນດີເປັນກ້າວໆມາ ທັງນີ້, ກໍຍ້ອນການຮ່ວມມືຢ່າງຈິງໃຈຂອງລັດຖະບານ ກໍຄື ເຈົ້າໜ້າທີ່ຂອງລາວທຸກຂັ້ນແຕ່ສູນກາງ ຈົນຮອດທ້ອງຖິ່ນ ແລະ ຂອງປະຊາຊົນບັນດາເຜົ່າມາເຖິງປັດຈຸບັນ.
![](https://blogger.googleusercontent.com/img/b/R29vZ2xl/AVvXsEgT5lEhzujtEr0e0RFTc3THFV1fp2H1vBHFZBPzPi3gu6AwPDZ5mFZ0Bn5s8NeYhJpJlnhvApKtrub55fP5qy81yjlEO622PQfsWY1kXUkOdeffg4KUhIqA_oKg4RKturdkJfy9I6NoK31D/s1600/1023.jpg)
![](https://blogger.googleusercontent.com/img/b/R29vZ2xl/AVvXsEi2DfikC6XXg_yKZJYpwqk-cmwbE7Qj111-8Zav7CzR6-JJ3_Jl69YKSho3xCu7Bi2KuF6jCelEikqxRDjjzkTbdOOb4V9FufE5mZDWqaKFEavsBwd7peXQ__ZojpOeK4ro9E2wsUDSsKoH/s1600/1022.jpg)
![](https://blogger.googleusercontent.com/img/b/R29vZ2xl/AVvXsEifjScZ1Z6pc9Sx2D_5il8rvnfyOsoE6nRnsV73U8pPlFUiO30_1UWvYVn5IYu3nmH4hsAEdBswZ8qTEhwNaPNOJZ1q0kjX7aVh1xmtVPaJxIO7qk_VDyBHj2dKlc8rLxjmIxZAzLxuyJ1X/s1600/1025.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ