ເກີດເຫດໄຟໄໝ້ໂຮງໝໍ ຢູ່ເກົາຫຼີໃຕ້ ເສຍຊີວິດຄາກອງໄຟກວ່າ 30 ຄົນ (ວິດີໂອ)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgU9Yw2D1X8IosErMKO6a72hf9MwfCKfNJxk8bW7UzWRA5LRnJOMzaTJO3_xd-TBiPLQcPAvTxNggKS8rGNrCQ-0nXZrmhEdi13uDBQLzGggVSF0EXHDQiASQU-IBZs3ACg17jLjzUXZoY6/s1600/272.jpg)
ສຳນັກຂ່າວຕ່າງປະເທດລາຍງານ 26 ມັງກອນ 2018 ວ່າ: ສຳນັກງານດັບເພີງເມືອງມີຣືຢັງ ໃນແຂວງກະຢອງຊຳນຳ ຂອງເກົາຫຼີໃຕ້ລາຍງານການເກີດເຫດໄຟໄໝ້ຢູ່ໂຮງໝໍເຊຈອງ ເມື່ອເວລາ 07:30 ນາທີ ຕາມເວລາທ້ອງຖິ່ນ ໂດຍຈຸດເກີດໄຟເກີດຂຶ້ນບໍລິເວນພະແນກສຸກເສີນ ຢູ່ຊັ້ນ 1 ຂອງໂຮງໝໍ ທີ່ເປັນຕຶກ 5 ຊັ້ນ ແລະ ເຈົ້າໜ້າທີ່ໃຊ້ເວລາປະມານ 1 ຊົ່ວໂມງ ກັບ 40 ນາທີ ຈຶ່ງສາມາດຄວບຄຸມສະຖານະການໄວ້ໄດ້.
![](https://blogger.googleusercontent.com/img/b/R29vZ2xl/AVvXsEhK0eWPXRkN60sgjmIIsAcdGrzJFf5HpK-MIxv1lz4rTBNbD_XUegv-fVgsNx0jyuTGX92vEozTTvUgzQ8hM0O27hAtyeZ0h-0FdxbrJbnC0KfxB2S7DzKyYSqyNYuBa6ivTVJanwjJoE1u/s1600/269.jpg)
ເບື້ອງຕົ້ນໜ່ວຍກູ້ໄພພົບຜູ້ເສຍຊີວິດແລ້ວ 33 ຄົນ ແລະ ມີຜູ້ໄດ້ຮັບບາດເຈັບອີກຫຼາຍກວ່າ 50 ຄົນ ໂດຍຢ່າງໜ້ອຍ 10 ຄົນມີອາກາດສາຫັດ, ຂະນະດຽວກັນເຈົ້າໜ້າທີ່ໄດ້ລຳລຽງຜູ້ປ່ວຍໜັກ 52 ຄົນກະຈາຍໄປຝາກເຂົ້າປິ່ນປົວຢູ່ໂຮງໝໍອີກ 4 ແຫ່ງທີ່ຕັ້ງຢູ່ໃກ້ຄຽງ ນອກຈາກນີ້, ຍັງມີການອົບພະຍົບແພດໝໍ ແລະ ປະຊາຊົນທີ່ມາໃຊ້ບໍລິການປະມານ 100 ຄົນອອກຈາກສະຖານທີ່ໄດ້ຢ່າງປອດໄພ.
![](https://blogger.googleusercontent.com/img/b/R29vZ2xl/AVvXsEiOfPdi6DOWE2VN6r8F4-jpNH5Kf7xONhMybmdhbdW5-zEIMnXrAsPnzJRc2mA-QzdVZaPg2BvitoyJCdByMLf6r-8By3kqDevTKIlpMe7Ypott44LrCwnoUh4EVZWCNEGINZP1hyIihArX/s1600/271.jpg)
ເຊິ່ງເຈົ້າໜ້າທີ່ຍັງບໍ່ໄດ້ຕັ້ງສົມມຸດຕິຖານຂອງການເກີດໄຟໄໝ້ຄັ້ງນີ້, ໃນດ້ານຂອງທຳນຽບປະທານປະເທດເກົາຫຼີໃຕ້ລາຍງານວ່າ ທ່ານ ມູນ ແຈ-ອິນ ປະທານປະເທດຮັບຊາບເຖິງສະຖານະການດັ່ງກ່າວແລ້ວ ແລະ ໄດ້ຮຽກປະຊຸມໜ່ວຍງານທີ່ກ່ຽວຂ້ອງສຸກເສີນ ຄາດວ່າຈະເປັນການປຶກສາຫາລືກ່ຽວກັບມາດຕະຖານຄວາມປອດໄພໃນການປ້ອງກັນ ແລະ ການລະງັບເຫດອັກຄີໄພ ເນື່ອງຈາກເຫດໄຟໄໝ້ໂຮງໝໍໃນຄັ້ງນີ້ ເກີດຂຶ້ນພຽງ 1 ເດືອນ ພາຍຫຼັງທີ່ເກີດເຫດໄຟໄໝ້ຕຶກ 8 ຊັ້ນ ໃນແຂວງຊຸງຊອງບຸກ ເມື່ອວັນທີ 21 ທັນວາ 2017 ເປັນເຫດໃຫ້ມີຜູ້ເສຍຊີວິດ 29 ຄົນ ສ່ວນໃຫຍ່ພົບໃນຫ້ອງອາບອົບນວດຂອງສູນຟິດເນັດທີ່ຕັ້ງຢູ່ໃນຕຶກດັ່ງກ່າວ.
![](https://blogger.googleusercontent.com/img/b/R29vZ2xl/AVvXsEgZPV2c5NibESLhcwjGkK1a4RA3cYIxgrjkmapdggIrzw9-92G_uPbSPyP6PsgNytnCT1n9_NTm1iDTPRE7uG0ySHvm7pNMX2kEDoLsOIw_8OI5wPeu8b_XKByOKFALvqAQI3wN67TVfyEF/s1600/270.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ