ພາກຕາເວັນອອກຂອງ ສ.ອາເມຣິກາໜາວເຢັນຢ່າງຮຸນແຮງເກືອບ -40 ອົງສາເຊ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhHPYcwm9BaQosZ9sqsl-zOGb_nmPU-WpNlWDs9-LUfaajkN57-GeB_Rm4HdiuHQjKXg9ehr1ehRCufSEmdTJoZuK_3AVxYsPfMJ3cO3ZxELUwBCMObHrWDGOeLb_kPzNutwEM4BGpb2Lwk/s1600/180.jpg)
ສຳນັກຂ່າວຕ່າງປະເທດລາຍງານ 7 ມັງກອນ 2018 ວ່າ: ສຳນັກງານອຸຕຸນິຍົມແຫ່ງຊາດຂອງສະຫະລັດ ອາເມຣິກາ (NWS) ອອກປະກາດເມື່ອວັນເສົາທີ່ຜ່ານມາວ່າ ບໍລິເວນພາກເໜືອຂອງປະເທດ ໂດຍສະເພາະດ້ານຕາເວັນອອກ ຈະຍັງຄົງຢູ່ພາຍໃຕ້ອິດທິພົນຂອງປະກົດການພາຍຸລະດູໜາວກຳລັງລົມຮຸນແຮງຕະຫຼອດໄລຍະອາທິດນີ້ ແລະ ພະຍາກອນວ່າ ສະຖານະການຈະມີທິດທາງຄົງຕົວຈົນເຖິງດີຂຶ້ນຕັ້ງແຕ່ວັນທີ 8 ມັງກອນ 2018 ເປັນຕົ້ນໄປ.
![](https://blogger.googleusercontent.com/img/b/R29vZ2xl/AVvXsEhYfCCVBq1zln0yZA5Md9X2UFMEQtGC3YT5nPXil9P0qosxA94Xxr3jLRPoka_86c1lF1Q_2P9abUm690UYOkEpwjTMtMy_L_mz-DMYZNVRkrRnMx7KgikX9P_CX59HPOsb82cHcO79hGcs/s1600/181.jpg)
ໃນຂະນະທີ່ປະຊາຊົນປະມານ 100 ລ້ານຄົນໃນພາກຕາເວັນອອກຂອງປະເທດປະເຊີນກັບສະພາບອາກາດໜາວເຢັນຢ່າງຮຸນແຮງຂຶ້ນກ່ອນເກົ່ານັບຕັ້ງແຕ່ອາທິດທີ່ຜ່ານມາ ໂດຍອຸນຫະພູມໃນບາງບ່ອນທີ່ຫຼຸດລົງຕ່ຳເກືອບເຖິງ -40 ອົງສາເຊ ແລະ ຈະຍິ່ງຮູ້ສຶກໜາວກວ່ານັ້ນອີກເມື່ອມີກະແສລົມພັດຮຸນແຮງ ເຊິ່ງອຸນຫະພູມສະເລ່ຍໃນພາກເໜືອຂອງສະຫະລັດ ອາເມຣິກາຫຼຸດລົງຈາກຈຸດກ້າມແຂງຢ່າງຕໍ່ເນື່ອງ ນັບຕັ້ງແຕ່ໄລຍະຊ່ວງຄຼິສມາສທີ່ຜ່ານມາ, ເປັນເຫດໃຫ້ມີຜູ້ເສຍຊີວິດແລ້ວ 19 ຄົນ, ຂະນະທີ່ທາງການເຕືອນໃຫ້ປະຊາຊົນງົດອອກນອກສະຖານທີ່ຫາກບໍ່ມີຄວາມຈຳເປັນ ແລະ ເພີ່ມການຮັກສາສຸຂະພາບ ໂດຍສະເພາະເດັກນ້ອຍ ແລະ ຜູ້ເຖົ້າ ເພື່ອຫຼຸດຄວາມສ່ຽງຈາກພາວະ Hypothermia ຄືພາວະທີ່ຮ່າງກາຍມີອຸນຫະພູມຕ່ຳເກີນໄປຢ່າງກະທັນຫັນ ທີ່ອາດເຮັດໃຫ້ຜິວໜັງແຂງໄດ້ພາຍໃນ 10-30 ນາທີ.
ເຊິ່ງ NWS ວັດແທກອຸນຫະພູມຢູ່ຈອມພູວໍຊິງຕັນ ໃນລັດນິວແຮມເຊຍ ຢູ່ທີ -38 ອົງສາເຊ ເມື່ອວັນເສົາ, ແຕ່ອຸນຫະພູມຈອມພູ ບວກກັບກະແສລົມຮຸນແຮງອາດເຮັດໃຫ້ຮູ້ສຶກປະມານ -69 ອົງສາເຊ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ