ລັດເຊຍຕິດຕັ້ງລະບົບປ້ອງກັນໄພທາງອາກາດ S-400 ລຸ້ນຫຼ້າສຸດທີ່ໄຄຼເມຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEg22IcKBD1Uph6S4HHwuTw39tQml3Jn_g7De3Ydc_B_dQxd75Hq3OPqB2QIGpHvXqJtDcdDjdHGajLiy1LQvFhaUM-Kqch6Jivdhu4esZobUyNHj6hIY-lqjitgKvkjBbcIhI5y8ch5bShyphenhyphen/s1600/220.jpg)
ສຳນັກຂ່າວຕ່າງປະເທດລາຍງານ 14 ມັງກອນ 2018 ວ່າ: ກອງທັບລັດເຊຍໄດ້ນຳລະບົບຂີປະນາວຸດປ້ອງກັນໄພທາງອາກາດ S-400 ລຸ້ນຫຼ້າສຸດຊື່ Triumph ເຊິ່ງສາມາດສະກັດເປົ້າໝາຍທາງອາກາດໃນລັດສະໝີ 400 ກິໂລແມັດ ໄປຕິດຕັ້ງທີ່ສາທາລະນະລັດໄຄຼເມຍ ເຊິ່ງເປັນດິນແດນທີ່ຕັ້ງຢູ່ແຫຼມໄຄຼເມຍ ພາກເໜືອຂອງທະເລດຳ ທີ່ໄດ້ປະກາດລວມເປັນສ່ວນໜຶ່ງຂອງລັດເຊຍ ເມື່ອເດືອນມີນາ ປີ 2014.
ເຊິ່ງອານາເຂດໃນໄຄຼເມຍທີ່ລັດເຊຍນຳລະບົບ S-400 Triumph ລຸ້ນຫຼ້າສຸດໄປຕິດຕັ້ງ ຄືເມືອງເຊວາສໂຕໂພນ ເມືອງທ່າສຳຄັນຂອງໄຄຼເມຍ ຕັ້ງຢູ່ແຄມຝັ່ງທະເລ ແລະ ເປັນສະຖານທີ່ຕັ້ງຂອງຖານທັບເຮືອແຫ່ງສຳຄັນຂອງລັດເຊຍມາຫຼາຍຍຸກຫຼາຍສະໄໝ ໂດຍການຕິດຕັ້ງລະບົບ S-400 Triumph ໃນໄຄຼເມຍອັນໃໝ່ນີ້ ຖືເປັນອັນທີ 2 ຖັດຈາກການຕິດຕັ້ງທີ່ເມືອງເຟໂອໂດເຊຍ ເຊິ່ງເປັນເມືອງທ່າອີກແຫ່ງໜຶ່ງທີ່ຕັ້ງຢູ່ທາງພາກຕາເວັນອອກສຽງເໜືອຂອງແຫຼມໄຄຼເມຍ ເມື່ອລະດູໄມ້ໃບລົ່ນປີທີ່ຜ່ານມາ.
ການເຄື່ອນໄຫວດັ່ງກ່າວຂອງລັດເຊຍເກີດຂຶ້ນປະມານ 1 ເດືອນ ພາຍຫຼັງຈາກທີ່ລັດຖະບານສະຫະລັດ ອາເມຣິກາ ປະກາດແຜນການສົ່ງເສີມຄວາມສາມາດທາງການທະຫານໃຫ້ແກ່ລັດຖະບານອູແກຣນ ໃນໄລຍະຍາວດ້ວຍການປັບປຸງຂີດຄວາມສາມາດດ້ານການປ້ອງກັນຕົນເອງ ໃຫ້ແກ່ກອງທັບອູແກຣນ, ໃນຂະນະທີ່ສົງຄາມກາງເມືອງໃນພູມມິພາກຄອນບາສ ຫຼື ພາກຕາເວັນອອກຂອງອູແກຣນ ທີ່ແກ່ຍາວມາຕັ້ງແຕ່ເດືອນເມສາ 2014 ເຮັດໃຫ້ມີຜູ້ເສຍຊີວິດແລ້ວກວ່າ 10,000 ຄົນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ