ລັດຖະບານໄດ້ພິຈາລະນາປັບປຸງ ແລະ ສ້າງກົດໝາຍໃໝ່ ຈຳນວນ 10 ສະບັບ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhmmyNLFD1rLU-02S7IpP5r9PGW0N3ZniNADA5M0F9D4DOGRazGkgYsC0q35VkOck5K7OY7-5Ao4XSgJ82Ck-EwVDcqC5Gbc3i1L7hrA1ctSq-LOG8v9_7F_EUgfEuIkGnAZUgqBsiIZLj2/s1600/404.jpg)
ໃນວັນທີ 9 ກຸມພາ 2018 ທ່ານ ຈະເລີນ ເຢຍປາວເຮີ ໂຄສົກລັດຖະບານ ໄດ້ຖະແຫຼງຜົນຂອງກອງປະຊຸມລັດຖະບານສະໄໝວິສາມັນ ປະຈຳເດືອນ ກຸມພາ 2018 ວ່າ: ເພື່ອຈັດຕັ້ງປະຕິບັດແຜນການສ້າງ ແລະ ປັບປຸງກົດໝາຍທີ່ສະພາແຫ່ງຊາດໄດ້ຮັບຮອງໃນໄລຍະແຕ່ນີ້ຮອດປີ 2020 ໃຫ້ໄດ້ຕາມຄາດໝາຍທີ່ວາງໄວ້ ລັດຖະບານຈຶ່ງໄດ້ດຳເນີນກອງປະຊຸມສະໄໝວິສາມັນ ຢູ່ທີ່ສຳນັກງານນາຍົກລັດຖະມົນຕີໃນວັນທີ 8 ກຸມພາ 2017 ແລະ ປິດລົງໃນວັນທີ 9 ກຸມພາ 2018 ພາຍໃຕ້ການເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ ມີບັນດາທ່ານຮອງນາຍົກລັດຖະມົນຕີ ແລະ ສະມາຊິກລັດຖະບານ ພ້ອມດ້ວຍແຂກຖືກເຊີນເຂົ້າຮ່ວມຢ່າງພ້ອມພຽງ.
![](https://blogger.googleusercontent.com/img/b/R29vZ2xl/AVvXsEhHlgWtu5Y0THfviVbzn9OHB5fI5zNdh4vFZfp9r4PDqm4HvUZNrelBSC1wqPmZRdMRV-YiWjVIo5qIOZ0N64XsAdovU1qIWnQSi_OjH7Xu165g5xjx8wyxd83S1QacmCdMcf5u7MZBk7-S/s1600/407.jpg)
ກອງປະຊຸມລັດຖະບານສະໄໝວິສາມັນຄັ້ງນີ້ ໄດ້ສຸມໃສ່ປຶກສາຫາລື, ປະກອບຄຳຄິດເຫັນ ແລະ ພິຈາລະນາຮັບຮອງເອົາການສ້າງ ແລະ ປັບປຸງບັນດາຮ່າງກົດໝາຍຈຳນວນ 10 ສະບັບດັ່ງນີ້:
1. ຮ່າງກົດໝາຍ ວ່າດ້ວຍການຄຸ້ມຄອງໜີ້ສີນສາທາລະນະ (ສະບັບສ້າງໃໝ່);
2. ຮ່າງກົດໝາຍ ວ່າດ້ວຍອາກອນມູນຄ່າເພີ່ມ (ສະບັບປັບປຸງ);
3. ຮ່າງກົດໝາຍ ວ່າດ້ວຍທະນາຄານແຫ່ງ ສປປ.ລາວ (ສະບັບປັບປຸງ);
4. ຮ່າງກົດໝາຍ ວ່າດ້ວຍການແກ້ໄຂຂໍ້ຂັດແຍ່ງທາງດ້ານເສດຖະກິດ (ສະບັບປັບປຸງ);
5. ຮ່າງກົດໝາຍ ວ່າດ້ວຍປະກັນສັງຄົມ (ສະບັບປັບປຸງ);
6. ຮ່າງກົດໝາຍ ວ່າດ້ວຍປ້າຍ (ສະບັບສ້າງໃໝ່);
7.ຮ່າງກົດໝາຍ ວ່າດ້ວຍນາຍທະຫານກອງທັບປະຊາຊົນລາວ (ສະບັບປັບປຸງ);
8. ຮ່າງກົດໝາຍ ວ່າດ້ວຍການບິນພົນລະເຮືອນ (ສະບັບປັບປຸງ);
ສຳລັບຮ່າງກົດໝາຍວ່າດ້ວຍແນວລາວສ້າງຊາດ (ສະບັບປັບປຸງ) ແລະ ຮ່າງກົດໝາຍວ່າດ້ວຍສະຫະພັນນັກຮົບເກົ່າ (ສະບັບສ້າງໃໝ່) ກອງປະຊຸມໄດ້ຊີ້ນຳໃຫ້ສະມາຊິກລັດຖະບານນຳໄປຄົ້ນຄວ້າ ແລະ ປະກອບຄຳຄິດຄຳເຫັນໃສ່ 2 ຮ່າງກົດໝາຍດັ່ງກ່າວ ແລ້ວສົ່ງໃຫ້ກະຊວງກ່ຽວຂ້ອງປະສານສົມທົບກັບກະຊວງຍຸຕິທຳ ແລະ ສຳນັກງານນາຍົກລັດຖະມົນຕີ ເພື່ອນຳສະເໜີຕໍ່ກອງປະຊຸມສະພາແຫ່ງຊາດພິຈາລະນາຮັບຮອງ ໃນກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VII ໃນເດືອນ ເມສາ 2018 ທີ່ຈະມາເຖິງນີ້.
![](https://blogger.googleusercontent.com/img/b/R29vZ2xl/AVvXsEgqC8mhCy7KKEs_BmU1wxI3k5eQsMz5JnIMy9ct-bn0zMpjDuNPK67-QTj-Hp9hswUMaxJzVS-Z35e-_kYCiXZCEP4xJCIZSd8TIHWSAPxqoYbEISJFFfx8Gtyf2gE-oImralCvaXl4e5Dq/s1600/405.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ