ເກົາຫຼີໃຕ້ - ສ.ອາເມຣິກາ ຈະກັບມາເຝິກຊ້ອມຮົບປະຈຳປີ ໃນເດືອນເມສາ 2018 ນີ້
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhZkhr3kO1Pa3tcoh1j0zBNh6uFfbV26VIMVvVf-92rNe9I_spIlLu4Um1KiApJAyP5Kcuu4pV8acaFYK2Sh5HeaRYz4R2j6fJ9VzK65vpWNIcTs7N-6TGCqQMDzokiTDt8r2T0sTVPGgGC/s1600/245.jpg)
ສຳນັກຂ່າວຕ່າງປະເທດລາຍງານ 28 ກຸມພາ 2018 ວ່າ: ທ່ານ ມຸນ ຊຸງ-ອິນ ທີ່ປຶກສາດ້ານຄວາມໝັ້ນຄົງຂອງທ່ານ ມູນ ແຈ-ອິນ ປະທານປະເທດເກົາຫຼີໃຕ້ກ່າວວ່າ: ເກົາຫຼີໃຕ້ ແລະ ສະຫະລັດ ອາເມຣິກາ ຈະກັບມາເຝິກຊ້ອມຮົບຮ່ວມກັນໃນອາທິດທຳອິດຂອງເດືອນເມສາ 2018 ນີ້, ເຖິງຢ່າງໃດກໍ່ຕາມ ກຳນົດການດັ່ງກ່າວສາມາດປ່ຽນແປງໄດ້ ຫາກກ່ອນໜ້ານັ້ນມີການເຈລະຈາລະຫວ່າງສະຫະລັດ ອາເມຣິກາ ກັບ ເກົາຫຼີເໜືອເກີດຂຶ້ນ, ຂະນະທີ່ທ່ານ ນາງ ຄັງ ຄະຢອງ-ຮວາ ລັດຖະມົນຕີກະຊວງການຕ່າງປະເທດຂອງເກົາຫຼີໃຕ້ ກ່າວວ່າມາດຕະການຂວໍ້າບາດທາງເສດຖະກິດຕໍ່ເກົາຫຼີເໜືອ ບໍ່ແມ່ນການລົ້ມອຳນາດຕະກູນຄິມ ແຕ່ຄືຄວາມພະຍາຍາມທີ່ຈະນຳເກົາຫຼີເໜືອກັບຄືນສູ່ການເຈລະຈາ ແລະ ທຸກຢ່າງຂຶ້ນຢູ່ກັບລັດຖະບານເກົາຫຼີເໜືອເທົ່ານັ້ນວ່າຈະຕັດສິນໃຈແບບໃດ.
ເຊິ່ງການຊ້ອມຮົບຮ່ວມປະຈຳປີລະຫວ່າງເກົາຫຼີໃຕ້ ກັບ ສະຫະລັດ ອາເມຣິກາ ພາຍໃຕ້ລະຫັດປະຕິບັດການ Key Resolve ເກີດຂຶ້ນເປັນປະຈຳທຸກປີໃນລະຫວ່າງເດືອນມີນາ ເຖິງ ເດືອນເມສາ, ໂດຍມີທະຫານສະຫະລັດ ອາເມຣິກາເຂົ້າຮ່ວມປະມານ 17,000 ຄົນ ແລະ ທະຫານເກົາຫຼີໃຕ້ປະມານ 30,000 ຄົນ, ແຕ່ນຳກົດການໃນປີນີ້ຖືກເລື່ອນອອກໄປ ເນື່ອງຈາກຢູ່ໃນໄລຍະຂອງການແຂ່ງຂັນກີລາໂອລິມປິກລະດູໜາວ ແລະ ພາຣາລິມປິກລະດູໜາວ ທີ່ເມືອງປຽງຊາງ ຂອງເກົາຫຼີໃຕ້ ເຊິ່ງມະຫະກຳກີລາຄັ້ງນີ້ສ້າງບັນຍາກາດຜ່ອນຄາຍຄວາມເຄັ່ງຕຶງຢູ່ແຫຼມເກົາຫຼີໄດ້ຢ່າງຊັດເຈນ.
ເຖິງຢ່າງໃດກໍ່ຕາມ, ທ່ານ ຮັນ ແທ-ຊອງ ເອກອັກຄະລັດຖະທູດເກົາຫຼີເໜືອ ປະຈຳສະຫະປະຊາຊາດ ກ່າວຕໍ່ກອງປະຊຸມສາກົນວ່າດ້ວຍການປົດອາວຸດ ທີ່ນະຄອນຫຼວງເຈນີວາ ໃນວັນພຸດນີ້ (28 ກຸມພາ) ວ່າ ສະຫະລັດ ອາເມຣິກາ ກຳລັງກັບມາສະແດງທ່າທີຄຸກຄາມແຫຼມເກົາຫຼີີອີກຄັ້ງ ທັງໆທີ່ຄວາມສຳພັນລະຫວ່າງສອງເກົາຫຼີມີທິດທາງທີ່ດີຂຶ້ນເປັນລຳດັບ ເຊິ່ງເປັນຜົນມາຈາກການແຂ່ງຂັນໂອລິມປິກຄັ້ງນີ້ ແລະ ຮຽກຮ້ອງໃຫ້ລັດຖະບານສະຫະລັດ ອາເມຣິກາ ຢຸດຕິການລຳລຽງອາວຸດຍຸດໂທລະກອນໄປຕິດຕັ້ງຢູ່ເກົາຫຼີໃຕ້ດ້ວຍ.
(ພາບ: ການຊ້ອມຮົບຮ່ວມປະຈຳປີລະຫວ່າງເກົາຫຼີໃຕ້ ກັບ ສະຫະລັດ ອາເມຣິກາ ເມື່ອເດືອນເມສາ 2017 ທີ່ຜ່ານມາ)
![](https://blogger.googleusercontent.com/img/b/R29vZ2xl/AVvXsEgAlPR5FUPmaJMis193yRTc5DJ2fc-oSNTtYz812HWp6IZ3bZSpqF1sXoeH92DpuxNwKK_HzgPeVuI8AnnS_VroFUkAEDr6g4tW6jS-_GiApl3eYgtXh8sjgfNRkxkVztwsMUmkp6xj4Tie/s1600/244.jpg)
![](https://blogger.googleusercontent.com/img/b/R29vZ2xl/AVvXsEhyPVfneTE4_MfyHmrws4u03_rZpzfP_VKX7KU8ly6mOs48jitQLkEUt6AgkRN_25jUzU8i5EVHeMvHxaUaZyMZd7sufgiAwuqTrgWiUBaUpLpSoMRF-ZFGTz-zM9z1_j3BaWRv8h6MTF0k/s1600/247.jpg)
![](https://blogger.googleusercontent.com/img/b/R29vZ2xl/AVvXsEjJOGNjDEGghdkdoEmG0PTY01ccL4Rcvtw2wQoPK4jSvrxYK7KPdZGT2vvoZ2dQj0PnKUcjfjXNQRIWBn7B8-jRqpuRqEHTlXQt39gXsSu4Bp7h8mGKDMVkwCYuhhz0ljYK0BsfqUV_uYh_/s1600/250.jpg)
![](https://blogger.googleusercontent.com/img/b/R29vZ2xl/AVvXsEhM2FXa3ISqdek5w8-5GHAdxSGqK7DV-zDvl5-B9_o7bHNxvNVNO3ei3XFMa-nSebEHfR75uEDxM-LEsuootC-i8gX0e5d9KAca8n5PIzelCPgxf5fgqvhm2RT98-WG9Yg1EmUp5mM164Nh/s1600/249.jpg)
![](https://blogger.googleusercontent.com/img/b/R29vZ2xl/AVvXsEg02gf0goac8Yt8RHYGun_j5dzvE4rmcDP5gI-HjIF-tEQyP66QmvFGhyXjM1uygXnOLsnASHnjdin-F7_BfLfxSvcwm2Z2rMMn583rNp60ykeyBaIpb3fLk0ElUTobQPuTWW2cszr3DBbW/s1600/251.jpg)
![](https://blogger.googleusercontent.com/img/b/R29vZ2xl/AVvXsEhrN-VwgKlEOCBnzUVNTK2rNKTntPvgHfBLF2gXogzZ8oD94RMlv4TCPrJ4FbMFG4zcZ8GDwmCzzEBLjLp9k9RdCoULP4QRTDZk5RriwueSyGBqcdqkQ8H_DYN-3mfS1MT8TSv5369BKJVW/s1600/246.jpg)
![](https://blogger.googleusercontent.com/img/b/R29vZ2xl/AVvXsEgAI5QL6qfbccnBmYsHgIy01Yuo_jN_v-kWCG1E6AgXHPWlF_ffW0lC6zJEx5KU6gHxo9sZqZnxTDjwqaBzbGDezQ5B_GmHuiKdjI4SBZ9nH0vgBqsl_TInoDZVWZxjZrFk2gcUtwxKdLr3/s1600/248.jpg)
![](https://blogger.googleusercontent.com/img/b/R29vZ2xl/AVvXsEhrPYTQuVCLWpqD6EI3MBadwLVO6kLfVF_sKLSQHlvYtFt3dLFRgxy6KLo1YFOD2eFRe2mdZ4kQVMXJGSnDsMOXq6mnXb8yIPprvESJ3d5cXcf5gwLUB9p1mlp2d8w_KrKfhp0NZkvUlM2D/s1600/252.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ