ເຈົ້າໜ້າທີ່ທຳລາຍສວນຝິ່ນກວ່າ 76 ເຮັກຕາ ທີ່ເມືອງວຽງພູຄາ ແຂວງຫຼວງນ້ຳທາ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgQEtRxvlOYhF2iwYW_oZslXFV-fLTFMlIRWQlaihzquNxjccowZpRw9-K4eetypRcmmff8EC5S-ExJ-Lse_nEujLiK7Qx-Drgzkj13Cz_byiF53r_fZyedDTNLJ_Khtwp6PyYSqq_9rdeu/s1600/534.jpg)
ໃນລະຫວ່າງວັນທີ 6-9 ກຸມພາ 2018 ທີ່ຜ່ານມາ, ກອງບັນຊາການ ປກສ. ເມືອງວຽງພູຄາ ແຂວງຫຼວງນ້ຳທາ ໄດ້ລົງສົມທົບກັບອົງການຈັດຕັ້ງທຸກພາກສ່ວນ, ອຳນາດການປົກຄອງບ້ານທີ່ກ່ຽວຂ້ອງ ເພື່ອລົງທຳລາຍສ່ວນຢາຝິ່ນ ທີ່ປະຊາຊົນລັກລອບປູກຢູ່ຂອບເຂດເມືອງວຽງພູຄາ ແຂວງຫຼວງນ້ຳທາ ຈຳນວນ 76.65 ເຮັກຕາ.
![](https://blogger.googleusercontent.com/img/b/R29vZ2xl/AVvXsEjD8X33cCyeZtDHUa_kw6Y8a-dqMrg2wiWfNxQzU2XVyR9YMg9frpvFqDx-NC41spQCheVpLb2DlAhbaJzhRQ1iOAt5YmC2PJCI8I__CJkTKTsZp-pJH18aO0BMy6SvM3lj2XWyGpq1K4LU/s1600/532.jpg)
ສຳລັບການຈັດຕັ້ງປະຕິບັດໜ້າທີ່ທຳລາຍສ່ວນຝິ່ນໃນຄັ້ງນີ້ ແມ່ນຢູ່ 3 ບ້ານຄື: ບ້ານຫ້ວຍຫົກ, ບ້ານນ້ຳຫວາງ ແລະ ບ້ານນ້ຳໂລະ, ຜ່ານການຈັດຕັ້ງປະຕິບັດໃນການທຳລາຍສ່ວນຝິ່ນທີ່ປະຊາຊົນລັກລອບປູກໃນຄັ້ງນີ້ ສາມາດທຳລາຍສວນຝິ່ນເຂດບ້ານຫ້ວຍຫົກຈຳນວນ 19 ຈຸດ ມີເນື້ອທີ່ 42 ເຮັກຕາ ເປົ້າໝາຍລັກລອບປູກຝິ່ນຈຳນວນ 32 ຄອບຄົວ, ບ້ານນ້ຳຫວາງຈຳນວນ 5 ຈຸດ ມີເນື້ອທີ່ 33.7 ເຮັດຕາ ເປົ້າໝາຍລັກລອບປູກຈຳນວນ 42 ຄອບຄົວ, ບ້ານນ້ຳໂລະຈຳນວນ 6 ຈຸດ ມີເນື້ອທີ່ 9,500 ຕາແມັດ ເປົ້າໝາຍລັກລອບປູກຝິ່ນ 8 ຄອບຄົວ.
![](https://blogger.googleusercontent.com/img/b/R29vZ2xl/AVvXsEgX4x5xJsnRREmprcdOkfJ8Gt4d53Cw0HzoZPyYFTk842li9F1Gr0xvqyLHoU7R35qoPT5h7UeA0aXrr-3yilLDqSCmIPI0lCTsAtfDNDHW3Jo6I-d1y0O_Z__HLFnItM4bu2b_ZbMXWmG3/s1600/533.jpg)
ຂະບວນການທຳລາຍສວນຝິ່ນໃນຄັ້ງນີ້, ມີການເຂົ້າຮ່ວມຂອງທ່ານ ພັນໂທ ແອ່ ພິມມະວົງ ຮອງກອງບັນຊາການ ປກສ. ເມືອງວຽງພູຄາ, ທ່ານ ພັນໂທ ອາລຸນຍະເດດ ບົວສີສະຫວັດ ຫົວໜ້າພະແນກກວດກາຄວບຄຸມຢາເສບຕິດ ປກສ. ແຂວງຫຼວງນ້ຳທາ, ມີຄະນະກອງບັນຊາການທະຫານເມືອງ, ກອງພັນ 418, ພະແນກກະສິກຳ ແລະ ປ່າໄມ້ເມືອງ, ອຳນາດການປົກຄອງຂອງບ້ານ, ນາຍບ້ານ, ກອງຫຼອນບ້ານ, ພະນັກງານສອງກຳລັງ ປກຊ-ປກສ ພ້ອມດ້ວຍຊາວໜຸ່ມ 3 ບ້ານເຂົ້າຮ່ວມທຳລາຍສວນຝິ່ນຈຳນວນດັ່ງກ່າວ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ