ລັດເຊຍເຊີດຊູກຽດ ນັກບິນ Su-25 ທີ່ຖືກຍິງຕົກໃນຊີຣີເປັນ "ວິລະຊົນແຫ່ງຊາດ" ເພາະຍອມຕາຍບໍ່ຍອມເປັນຕົວປະກັນ ດ້ວຍການລະເບີດຕົວເອງ (ວິດີໂອ)
ສຳນັກຂ່າວຕ່າງປະເທດລາຍງານ 6 ກຸມພາ 2018 ວ່າ: ພາຍຫຼັງທີ່ຍົນຮົບ Su-25 ຂອງກອງທັບລັດເຊຍຖືກຍິງຕົກຢູ່ແຂວງອິດລິບ ຂອງປະເທດຊີຣີ ເຊິ່ງເປັນເຂດຢຶດຄອງຂອງກຸ່ມກະບົດ Hayat Tahrir Al Sham, ທ່ານ ພັນຕີ ໂຣມັນ ຟິລິໂປບ ທີ່ເປັນນັກບິນສາມາດດີດຕົວອອກມາຈາກຍົນໄດ້ຢ່າງປອດໄພ ແຕ່ຕ້ອງຕົກຢູ່ໃນວົງລ້ອມຂອງກຸ່ມກະບົດ ແລະ ເກີດການຕໍ່ສູ້ກັນສຸດທ້າຍຕ້ອງມາຈົບຊີວິດລະຫວ່າງການຕໍ່ສູ້ຢູ່ພາກພື້ນດິນ.
 |
| ພັນຕີ ໂຣມັນ ຟິລິໂປບ |
ຍັງມີລາຍງານອີກວ່າ ທະຫານຊີຣີ ແລະ ກອງກຳລັງພິເສດຂອງລັດເຊຍທີ່ກຳລັງປະຕິບັດການໃນບໍລິເວນໃກ້ຄຽງກັບຈຸດທີ່ຍົກລຳດັ່ງກ່າວຖືກຍິງຕົກ ໄດ້ພະຍາຍາມເຂົ້າໄປເກັບກູ້ຮ່າງຂອງພັນຕີ ຟິລິໂປບ ລວມທັງເສດຊາກຈະຫຼວດທີ່ໃຊ້ຍິງຍົນລຳດັ່ງກ່າວ ເພື່ອນຳມາພິສູດວ່າອາວຸດນັ້ນກຸ່ມກະບົດໄດ້ມາຈາກໃສ່.
ໃນດ້ານຂອງໂຄສົກຂອງທຳນຽບເຄຼມລິນຖະແຫຼງວ່າ: ນັກບິນເສຍຊີວິດໃນນາມຂອງວິລະຊົນຜູ້ອົງການກ້າຫານ ພວກເຮົາພູມໃຈໃນຕົວຂອງວິລະບຸລຸດຂອງພວກເຮົາ ແລະ ຍັງກ່າວອີກວ່າ ຂີປະນາວຸດທີ່ກຸ່ມກະບົດຖືຄອງຖືເປັນໄພຕໍ່ຍົນທຸກລຳທີ່ກຳລັງປະຕິບັດພາລະກິດໃນຊີຣີ ແຕ່ຍັງໄວເກີນໄປທີ່ຈະລະບຸວ່າໃຜເປັນຜູ້ໃຫ້ການສະໜັບສະໜູນອາວຸດດັ່ງກ່າວໃຫ້ແກ່ກຸ່ມກະບົດ ແລະ ໜ້າເປັນຫ່ວງຢ່າງຍິ່ງທີ່ຂີປະນາວຸດທີ່ຍິງຈາກພື້ນສູ່ອາກາດຕົກຢູ່ໃນມືຂອງກຸ່ມກໍ່ການຮ້າຍ ມັນຄືອັນຕະລາຍໃຫຍ່ຫຼວງສຳລັບທຸກລັດຖະບານ.
 |
| ພັນຕີ ໂຣມັນ ຟິລິໂປບ |
ສະແດງຄວາມຄິດເຫັນ