ພຸດ-ມຸດສະລິມ ປະທະກັນດຸເດືອດ ລັດຖະບານສີລັງກາປະກາດພາວະສຸກເສີນ 10 ວັນທົ່ວປະເທດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhcumL3s_IFcuU3b_GVmwxo4wOZNHvjTIhsWQ8_98CiYMLnv3dv_-2yszyAZeYabFDh6TUBO334gvcc5_CqaC1P4otfiS8XqiVdRyz-YFkpKiHatmilWsozKTFWmQIuUcWv8Pdb7sbV4djB/s1600/356.jpg)
ສຳນັກຂ່າວຕ່າງປະເທດລາຍງານ 6 ມີນາ 2018 ວ່າ: ລັດຖະບານສີລັງກາປະກາດສະຖານະການສຸກເສີນທົ່ວປະເທດ ເປັນເວລາ 10 ວັນ ເລີ່ມຕັ້ງແຕ່ວັນອັງຄານ (6 ມີນາ) ເປັນຕົ້ນໄປ ແລະ ຫ້າມປະຊາຊົນອອກນອກອາຄານສະຖານທີ່ໃນຍາມຄ່ຳຄືນຕາມໄລຍະເວລາທີ່ກຳນົດ ໃນເມືອງແຄນດີ້ ພາກກາງຂອງປະເທດ ເພື່ອຄວບຄຸມສະຖານະການເຫດຈະລາຈົນລະຫວ່າງກຸ່ມຄົນ 2 ສາສະໜາ ພາຍຫຼັງທີ່ຊາຍຊາວພຸດລາຍໜຶ່ງຖືກກຸ່ມຊາວມຸດສະລິມລຸມທຳຮ້າຍຈົນເສຍຊີວິດ.
![](https://blogger.googleusercontent.com/img/b/R29vZ2xl/AVvXsEgh5AOAJ-e2zEu9bU5_FcN0Q2yljQI5YU-zhRw87Zp0xJK36_0Vq_tNZte47idJuLdKyquodpNr04m39iFjC-vBxsDhrpHJM4_rs-o2pbiGMhU59w2txQ-7mV-YaLIUjIcRcJe0Zf6ib2AK/s1600/357.jpg)
ຄວາມຮຸນແຮງລະຫວ່າງຊຸມຊົນຄັ້ງຫຼ້າສຸດນີ້ ເກີດຂຶ້ນເມື່ອວັນຈັນ (5 ມີນາ) ທີ່ຜ່ານມາ ທີ່ເມືອງແຄນດີ້ ເມືອງທີ່ຂຶ້ນຊື່ເລື່ອງການປູກຊາ ແລະ ພະບໍລົມມະສາລີລິກະທາດຂອງພະພຸດທະເຈົ້າ, ເຮືອນ ແລະ ຮ້ານຄ້າຂອງຊາວມຸດສະລິມຫຼາຍສິບຫຼັງ ລວມທັງມັດສະຢິດຖືກຈູດເຜົາ ແລະ ເຈົ້າໜ້າທີ່ພົບຄົບຊາຍຊາວມຸດສະລິມລາຍໜຶ່ງ ໃນເຮືອນຫຼັງທີ່ຖືກຈູດ, ຕຳຫຼວດປະກາດຫ້າມປະຊາຊົນອອກນອກເຮືອນໃນຍາມຄໍ່າຄືນ ໃນເມືອງແຄນດີ້, ຂະນະທີ່ສຳນັກງານຕຳຫຼວດແຫ່ງຊາດຂອງໃນນະຄອນຫຼວງໂຄໂລມໂບ ໄດ້ຈັດສົ່ງເຈົ້າໜ້າທີ່ຕຳຫຼວດປາບປາມຈາລະຈົນຈາກສູນກາງຫຼາຍຮ້ອຍຄົນໄປເສີມກຳລັງ ເພື່ອຄວບຄຸມສະຖານະການ.
![](https://blogger.googleusercontent.com/img/b/R29vZ2xl/AVvXsEgHlT-0_K3a7dgSvCYSQj1APh441QbJrIAt19eOAe020jhFXH4XuXwkYFw5RwZF1Qmy52rQG2PqATT9U8VN59POwNPOnHTiAYJzcO3p4Lq8c5JHyZ1oo6tWVOQLfzgQSfeageV-mMF-8xQA/s1600/354.jpg)
ປະເທດສີລັງກາ ປະມານ 75% ຂອງປະຊາກອນ 21.5 ລ້ານຄົນ ເປັນຊາວສິງຫົນເຊິ່ງເກືອບທັງໝົດນັບຖືສາສະໜາພຸດ, ຂະນະທີ່ຊາວຮິນດູມີປະມານ 12.6% ແລະ ຊາວມຸດສະລິມ 9.7% ຄວາມສຳພັນລະຫວ່າງຊາວສິງຫົນ ແລະ ຊາວມຸດສະລິມໃນສີລັງກາ ສ່ວນໃຫຍ່ມີຄວາມສະໜິດສະໜົມ ແຕ່ເກີດຄວາມເຄັ່ງຕຶງໃນໄລຍະບໍ່ພໍເທົ່າໃດປີມານີ້ ໂດຍກຸ່ມຊາວພຸດຫົວຮຸນແຮງບາງສ່ວນກ່າວຫາວ່າຊາວມຸດສະລິມບັງຄັບປະຊາຊົນໃຫ້ຫັນໄປນັບຖືສາສະໜາຂອງຕົນ ແລະ ເຮັດໃຫ້ສາສະນະສະຖານບູຮານຂອງຊາວພຸດເສຍຫາຍ ນອກຈາກນັ້ນ, ຊາວພຸດຊາດນິຍົມບາງກຸ່ມຍັງບໍ່ພໍໃຈການເຂົ້າໄປອາໄສຢູ່ໃນສີລັງກາຂອງຜູ້ລີ້ໄພຊາວໂຣຮິງຢາຈາກມຽນມາ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ