ແຫຼ່ງຜະລິດໄຟຟ້າຂອງລາວ ຈະມີເຖິງ 100 ແຫ່ງໃນປີ 2020-2021 ແລະ 85% ແມ່ນສົ່ງອອກ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhJKwXJg0jH-qMDzOccPM3FeGN5mS3oEU3mv6RWfYM5jhaegZcRPRIPxlKZXBAtNa_hl2T7okAPuiuT5T-csx84QzqokTfHY-iP5Xxg381_gmHL6GLpT0MtBjG96OnynMed_w9CjvOSOS0/s1600/661.jpg)
ສຳນັກຂ່າວສານປະເທດລາວລາຍງານ: ໃນວັນທີ 29-30 ມີນາ 2018 ນີ້, ກະຊວງພະລັງງານ ແລະ ບໍ່ແຮ່ ໄດ້ຈັດກອງປະຊຸມປະຈຳປີ 2017 ແລະ ສະຫຼຸບການຈັດຕັ້ງປະຕິບັດກາງສະໄໝ ຄັ້ງທີ 8 ທີ່ຫໍປະຊຸມແຫ່ງຊາດ, ນະຄອນຫຼວງວຽງຈັນ ໂດຍການເປັນປະທານຂອງທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່.
ທ່ານ ຄຳມະນີ ອິນທິລາດ ກ່າວວ່າ: ກອງປະຊຸມຄັ້ງນີ້ ແມ່ນເພື່ອສະຫຼຸບຜົນການຈັດຕັ້ງປະຕິບັດຂອງແຜນພັດທະນາວຽກງານພະລັງງານ ແລະ ບໍ່ແຮ່ ໄລຍະ 5 ປີ (2016-2020) ແລະ ແຜນສຳລັບປີ 2018. ພ້ອມດຽວກັນກໍ່ຈະໄດ້ຄົ້ນຄວ້າ ປະກອບຄຳຄິດຄຳເຫັນເພື່ອປັບປຸງທິດທາງ, ໜ້າທີ່ ແລະ ບັນດາຄາດໝາຍ ໃຫ້ເຂົ້າສູ່ແຜນງານລະອຽດຂອງຂະແໜງການ ໃນໄລຍະແຜນພັດທະນາດັ່ງກ່າວ.
ທ່ານ ຄຳມະນີ ອິດທິລາດ ໄດ້ໃຫ້ຮູ້ວ່າ: ໃນຊຸມປີທີ່ຜ່ານມາ, ຂະແໜງພະລັງງານ ແລະ ບໍ່ແຮ່ໄດ້ຮັບຜົນສຳເລັດ ໃນການພັດທະນາອຸດສາຫະກຳພະລັງງານໄຟຟ້າ ທີ່ໜັກແໜ້ນຕໍ່ເນື່ອງ, ເຊິ່ງມາຮອດປັດຈຸບັນ ທົ່ວປະເທດມີແຫຼ່ງຜະລິດໄຟຟ້າແລ້ວ 53 ແຫ່ງ ລວມກຳລັງຕິດຕັ້ງ 7,082 MW, ສາມາດຜະລິດກະແສໄຟຟ້າໄດ້ປະມານ 37,028 ລ້ານ KWh/ປີ.
ພ້ອມດຽວກັນກໍ່ຍັງມີແຫຼ່ງຜະລິດພະລັງງານໄຟຟ້າ ທີ່ກຳລັງກໍ່ສ້າງ ແລະ ກຳລັງລົງມືກໍ່ສ້າງອີກ 47 ແຫ່ງ ຄາດວ່າຈະສ້າງສຳເລັດທັງໝົດໃນໄລຍະປີ 2020-2021 ແລະ ໃນເວລານັ້ນ ສປປ.ລາວ ຈະມີແຫຼ່ງຜະລິດພະລັງງານໄຟຟ້າ 100 ແຫ່ງທົ່ວປະເທດ, ມີກຳລັງຕິດຕັ້ງປະມານ 13,862 MW ແລະ ມີກຳລັງການຜະລິດປະມານ 66,944 ລ້ານ KWh/ປີ. ໃນນີ້, ປະມານ 85% ຈະສົ່ງອອກຈຳໜ່າຍໄປຕ່າງປະເທດ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ