UN ເປັນຫ່ວງຄວາມຂັດແຍ່ງທາງການເມືອງ ຂອງສອງຂົ້ວອຳນາດໂລກ ຈະທະວີຄວາມຮຸນແຮງ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEi0rHWfqtEhNkh5oh2kYyqhAfFVGVZNaZcHzPwAKJeMlLBQo2dCsxDJDp_XSJQW8ydJHd5kMwo6tLwczEhBIROtDRBfBNjk3eg1VlMs9nnZW-j3_a5GGSeuGIcrv6A4IseMIl7EjOVqX9s/s1600/652.jpg)
ທ່ານ ອັນໂຕນິໂອ ກູເຕເຣສ ເລຂາທິການໃຫຍ່ສະຫະປະຊາຊາດ ກ່າວເມື່ອວັນພະຫັດ (29 ມີນາ) ທີ່ຜ່ານມາ ວ່າສະຫະປະຊາຊາດມີຄວາມເປັນຫ່ວງຢ່າງຍິ່ງ ຕໍ່ກັບການທີ່ປະເທດມະຫາອຳນາດສອງຂົ້ວອຳນາດທີ່ຢູ່ກົງກັນຂ້າມກັນຢ່າງຊັດເຈນໃນດ້ານລັດຖະສາດການເມືອງ ແລະ ຍັງຂາດກົນໄກທີ່ມີປະສິດທິພາບເພື່ອກ່າວໄປສູ່ການຫຼຸດຜ່ອນຄວາມຮຸນແຮງໃຫ້ກັບຄວາມຂັດແຍ່ງທີ່ເຊື່ອມໂຍງລະຫ່າງພູມມິພາກ, ສົ່ງຜົນໃຫ້ໂລກກຳລັງກັບເຂົ້າສູ່ສະພາວະຄວາມເຄັ່ງຕຶງທາງການເມືອງ ແລະ ການທະຫານທີ່ມີຄວາມຮຸນແຮງບໍ່ຕ່າງຈາກກັບທີ່ເຄີຍເກີດຂຶ້ນມາແລ້ວໃນອະດີດ, ໃນເວລານີ້ການເພີ່ມທະວີຄວາມຮ່ວມມືໃນການຜ່ອນຄາຍສະຖານະການຄວາມຂັດແຍ່ງ ດ້ວຍຄວາມລະມັດລະວັງ ຈຶ່ງເປັນສິ່ງທີ່ສຳຄັນເປັນຢ່າງຍິ່ງ ເພື່ອປ້ອງກັນບໍ່ໃຫ້ສະຖານະການບານປາຍໄປຫຼາຍກວ່ານີ້.
![](https://blogger.googleusercontent.com/img/b/R29vZ2xl/AVvXsEjCJltuc2yeW3vdpUJLbGObHoDE4_lfTvtKyH28VhkPUceFm9QBr5VBhiOeVJ7dYcvqzkgqoS2kpQNSCOjXHhp8UY8ulEvA-QrjKffWokAwsQpuPEIvLkfL-g8D1S7t6tTaBpnPhFop_Q4/s1600/653.jpg)
ຄຳຖະແຫຼງດັ່ງກ່າວຂອງທ່ານ ອັນໂຕນິໂອ ກູເຕເຣສ ເລຂາທິການໃຫຍ່ສະຫະປະຊາຊາດ ເກີດຂຶ້ນພຽງບໍ່ພໍເທົ່າໃດຊົ່ວໂມງ ພາຍຫຼັງທີ່ທ່ານ ເຊີເກ ລາວາຣົບ ລັດຖະມົນຕີກະຊວງການຕ່າງປະເທດຂອງລັດເຊຍ ປະກາດເນລະເທດເຈົ້າໜ້າທີ່ການທູດຂອງສະຫະລັດ ອາເມຣິກາ 60 ຄົນ ແລະ ຕ້ອງເດີນທາງອອກຈາກລັດເຊຍພາຍໃນ 7 ວັນ ນັ້ນຄືພາຍໃນວັນທີ 5 ເມສາ 2018 ນີ້, ປະກອບມີ 58 ຄົນຈາກສະຖານທູດ ໃນນະຄອນຫຼວງມົດສະກູ ແລະ ອີກ 2 ຄົນຈາກສະຖານກົງສຸນໃຫຍ່ ທີ່ເມືອງເຊນປີເຕີສະເບີກ ພ້ອມທັງສັ່ງປິດສະຖານກົງສຸນໃຫຍ່ສະຫະລັດ ອາເມຣິກາ ທີ່ເມືອງເຊນປີເຕີສະເບີກ ພາຍຫຼັງທີ່ສະຫະລັດ ອາເມຣິກາ ໄດ້ເນລະເທດຂັບໄລ່ເຈົ້າໜ້າທີ່ການທູດຂອງລັດເຊຍ 60 ຄົນ ແລະ ສັ່ງປິດສະຖານກົງສຸນໃຫຍ່ ທີ່ເມືອງຊີແອດໂທ ເມື່ອຕົ້ນອາທິດນີ້.
![](https://blogger.googleusercontent.com/img/b/R29vZ2xl/AVvXsEhN57mLpVxbQahJo6WkybleVJqG8IluEt8PK2qoaEg4jO4-f8Xa4hU4fs1NNVP8Djpq0Ns0k0RFGUPKoueGn7R7yABUurpSMVV2LOjNfm6Hw69Bwa5rjdx3cEyhS-mnjtvl1IQYn52aX90/s1600/651.jpg)
ຂະນະດຽວກັນ, ທ່ານ ເຊີເກ ລາວາຣົບ ລັດຖະມົນຕີກະຊວງການຕ່າງປະເທດລັດເຊຍກ່າວວ່າ ການດຳເນີນການຂັ້ນຕໍ່ໄປຂອງສະຫະລັດ ອາເມຣິກາ ຕໍ່ກັບບັນຫາດັ່ງກ່າວ ຈະມີແຕ່ບັນທອນສາຍພົວພັນຂອງສອງຝ່າຍ ພາຍຫຼັງທີ່ມີລາຍງານວ່າ ທ່ານ ຈອນ ຮັນສະແມນ ເອກອັກຄະລັດຖະທູດສະຫະລັດ ອາເມຣິກາ ກ່າວກັບທ່ານ ເຊີເກ ຣິບຄັອບ ຮອງລັດຖະມົນຕີກະຊວງການຕ່າງປະເທດລັດເຊຍວ່າ ສະຫະລັດ ອາເມຣິກາ ອາດຈະອາຍັດຊັບຂອງລັດຖະບານລັດເຊຍ ທີ່ມີຢູ່ໃນສະຫະລັດ ອາເມຣິກາ.
ນອກຈາກນີ້, ທ່ານ ເຊີເກ ລາວາຣົບ ຢືນຢັນວ່າ: ລັດຖະບານລັດເຊຍຈະໃຊ້ມາດຕະການຕອບໂຕ້ ໃນລະດັບທີ່ເທົ່າທຽມກັນ ກັບອີກຫຼາຍກວ່າ 20 ປະເທດທີ່ເນລະເທດນັກການທູດຂອງລັດເຊຍ ລວມກັນຫຼາຍກວ່າ 150 ຄົນ ພ້ອມທັງກ່າວຢ້ຳວ່າ ລັດຖະບານລັດເຊຍ ມີຄວາມຊອບທຳໃນການຮ່ວມກວດສອບຕົວຢ່າງສານພິດ ທີ່ອັງກິດກ່າວອ້າງວ່າມາຈາກໂຄງການ “ໂນວິຊັອກ” ທີ່ພັດທະນາຂຶ້ນໃນສະໄໝສະຫະພາບໂຊວຽດ ທີ່ທາງການອັງກິດອ້າງວ່າເປັນສານພິດຊະນິດດຽວກັນທີ່ໃຊ້ວາງຢາພິດທ່ານ ເຊີເກ ສະກຣີພາລ ອະດີດສາຍລັບທາງການທະຫານຂອງລັດເຊຍ ທີ່ລີ້ໄພຢູ່ໃນອັງກິດ ແລະ ລູກສາວ ເມື່ອວັນທີ 4 ມີນາ ທີ່ຜ່ານມາ.
With its regrettable, unwarranted decision today, it is clear that #Russia is not interested in dialogue about issues that matter to our two countries. #Russia is further isolating itself following the brazen chemical attack in the United Kingdom. - @statedeptspox pic.twitter.com/w4eA0I7Yvr— Department of State (@StateDept) March 29, 2018
.@PressSec: #Russia's decision to expel American diplomats only further deteriorates the US-Russia relationship. The US responded appropriately in the expulsion of undeclared Russia Intel officers after the deadly attack in the U.K. pic.twitter.com/28T6eDwbvy— Heather Nauert (@statedeptspox) March 30, 2018
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ