ເກົາຫຼີໃຕ້-ສ.ອາເມຣິກາ ຈະຫຼຸດໄລຍະເວລາການຊ້ອມຮົບຮ່ວມກັນລົງເຄິ່ງໜຶ່ງ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgASAgTeQnE88b8zu8wxYgpcvhteKb5YkCYyr7PqLhosq8le3oaDPAV3IRwvXn1M9X94x4Qkw4LCymvuGKy8TxXqdfKS5r3bLJLYBxUZWtlozOT6LXUJmg8jELY_6WfMOEfbdO2zDY267yQ/s1600/442.jpg)
ສຳນັກຂ່າວຕ່າງປະເທດລາຍງານ 17 ມີນາ 2018 ວ່າ: ເກົາຫຼີໃຕ້ ແລະ ສະຫະລັດ ອາເມຣິກາ ຈະຫຼຸດໄລຍະເວລາ ແລະ ຂອບເຂດຂອງປະຕິບັດການຊ້ອມຮົບຮ່ວມປະຈຳປີ ພາຍໃຕ້ລະຫັດ Key Resolve ແລະ Foal Eagler ເຊິ່ງຕາມປົກກະຕິຈະເກີດຂຶ້ນໃນໄລຍະລະດູໄມ້ໃບປົ່ງຂອງທຸກໆປີ ແຕ່ກຳນົດການໃນປີນີ້ຍັງບໍ່ຊັດເຈນ ໂດຍມີການເລື່ອນອອກໄປກ່ອນໃນໄລຍະທີ່ເກົາຫຼີໃຕ້ ເປັນເຈົ້າພາບຈັດງານກີລາໂອລິມປິກລະດູໜາວ ທີ່ເມືອງປຽງຊາງ ເມື່ອເດືອນກຸມພາ ທີ່ຜ່ານມາ ເພື່ອຫຼີກລ້ຽງບັນຍາກາດຄວາມເຄັ່ງຕຶງ ທີ່ອາດເກີດຂຶ້ນຈາກຄວາມບໍ່ພໍໃຈຂອງເກົາຫຼີເໜືອ ເຊິ່ງປະນາມການຊ້ອມຮົບຮ່ວມລະຫວ່າງເກົາຫຼີໃຕ້ ກັບ ສະຫະລັດ ອາເມຣິກາ ມາໂດຍຕະຫຼອດວ່າເປັນໄພຮຸກຮານ.
![](https://blogger.googleusercontent.com/img/b/R29vZ2xl/AVvXsEhu_3CGLpKZRxHm3m9dabGZy9WPof3hkFQVx5oYSVCiBzTSyYdYTd-Cgkr4O8p-wPmDTpe6pY40BH0i6rGwmXYA7AI_xsWc7zQ_WDNKT8gA6sIcAMz5It6dyBcLKg3rt2HOIDY_qxico_ED/s1600/443.jpg)
ໂດຍເຈົ້າໜ້າທີ່ລະດັບສູງດ້ານວຽກງານປ້ອງກັນປະເທດ ຂອງສອງທັງປະເທດຢືນຢັນວ່າ ການຊ້ອມຮົບຈະເດີນໜ້າຕໍ່ໄປພາຍຫຼັງສຳເລັດການຈັດງານໂອລິມປິກລະດູໜາວ ແຕ່ຈະມີການຫຼຸດໄລຍະເວລາລົງເໜືອ 1 ເດືອນ ຈາກປົກກະຕິແມ່ນ 2 ເດືອນ, ຂະນະທີ່ທ່ານ ຊອງ ອວີ-ຢອງ ທີ່ປຶກສາດ້ານຄວາມໝັ້ນຄົງຂອງລັດຖະບານເກົາຫຼີໃຕ້ ເຊິ່ງນຳຄະນະເດີນທາງເຂົ້າພົບກັບທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ທີ່ນະຄອນຫຼວງປຽງຢາງ ເມື່ອອາທິດກ່ອນກ່າວວ່າ ຜູ້ນຳສູງສຸດຂອງເກົາຫຼີເໜືອມີຄວາມເຂົ້າໃຈຫາກການຊ້ອມຮົບປະຈຳປີຈະເກີດຂຶ້ນອີກ.
ໃນຂະນະດຽວກັນ, ທ່ານ ມູນ ແຈ-ອິນ ປະທານປະເທດເກົາຫຼີໃຕ້ ໄດ້ມອບໝາຍໃຫ້ທ່ານ ອີ ຈົງ-ຊັອກ ຫົວໜ້າຄະນະເຈົ້າໜ້າທີ່ປະຈຳທຳນຽບ ເປັນຫົວໜ້າຄະນະວາງແຜນສຳລັບການພົບປະຫາລືກັບທ່ານ ຄິມ ຈອງ-ອຶນ ທີ່ບ້ານປັນມຸນຈອມ ເຂດປອດທະຫານ ທີ່ເປັນຊາຍແດນລະຫວ່າງສອງປະເທດໃນເດືອນເມສາ 2018 ນີ້.
South Korea and US to scale down and shorten annual joint military exercises amidst diplomatic thaw with North Korea: report https://t.co/1yUULH9pKc pic.twitter.com/uqyCXzPTMS— AFP news agency (@AFP) March 16, 2018
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ