ຄືບໜ້າເຫດຍົນໂດຍສານສາຍການບິນ US-Bangla ຕົກ ທີ່ເນປານ ວ່າເປັນຍ້ອນການສື່ສານທີ່ຜິດພາດ ຂອງສະໜາມບິນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEj0TxEPefy_V6X6yxjpXCasROpWTtus9uCLH1x1RexR9gQyq0ww4fRBTA47rpAli4V4O6CC2Emxa9RVqQyPyD6wEbTqFS3EeE9rxUbSexYx6yryZXqYER4n8jvRBijJWcAX8JafiGLBj_57/s1600/411.jpg)
ສຳນັກຂ່າວຕ່າງປະເທດລາຍງານ 13 ມີນາ 2018 ວ່າ: ກ່ຽວກັບຄວາມຄືບໜ້າຂອງເຫດການຍົນໂດຍສານຂັບເຄື່ອນດ້ວຍໃບພັດ Bombardier Dash 8 Q400 ຖ້ຽວບິນ BS-211 ຂອງສາຍການບິນ US-Bangla ເຊິ່ງຕົກກະແທກໃຫ້ກັບລານແລ່ນ ແລະ ລະເບີດຢ່າງຮຸນແຮງ ລະຫວ່າງລົງຈອດທີ່ສະໜາມບິນສາກົນຕຼິພູວັນ ໃນນະຄອນຫຼວງກາດມານດຸ ປະເທດເນປານ ທີ່ເດີນທາງມາຈາກສະໜາມບິນສາກົນນະຄອນຫຼວງທາກາ ປະເທດບັງກະລາເທດ ເມື່ອວັນຈັນ (12 ມີນາ) ທີ່ຜ່ານມາ ເປັນເຫດເຮັດໃຫ້ມີຜູ້ເສຍຊີວິດຢ່າງໜ້ອຍ 50 ຄົນ ຈາກຈຳນວນ 71 ຄົນ ໃນນັ້ນມີຈຸບິນ 4 ຄົນ.
![](https://blogger.googleusercontent.com/img/b/R29vZ2xl/AVvXsEi6WmGxUPMC9GukdZ0Yhvy_C2KXH3O_qHGFMg2rvNlyTxng7upfmgQf12zvYyawgcXUbhHvmyETVXU-hqG3ubUE5bLCd83v58_bTEkY9TfMTxudh2C9YT3CK6d5kdJg9770kFAl0ToMKtVV/s1600/414.jpg)
ທ່ານ ອິມຣານ ອາຊິບ ປະທານຄະນະບໍລິຫານຂອງສາຍການບິນ US-Bangla ກ່າວວ່າ ໂສກອະນາດຕະກຳທີ່ເກີດຂຶ້ນເປັນຜົນມາຈາກການສື່ສານຂອງເຈົ້າໜ້າທີ່ຫໍບັງຄັບການບິນຂອງສະໜາມບິນຕຼິພູວັນ ທີ່ສ້າງຄວາມສັບສົນໃຫ້ແກ່ນັກບິນ, ດ້ານຖະແຫຼງການຂອງສະໜາມບິນສາກົນຕຼິພູວັນລະບຸວ່າ ນັກບິນສູນເສຍການຄວບຄຸມຍົນລະຫວ່າງນຳລົງຈອດ.
ເຖິງຢ່າງໃດກໍ່ຕາມ, ແຫຼ່ງຂ່າວຫຼາຍແຫ່ງໃຫ້ຂໍ້ມູນໄປໃນທາງດຽວກັນວ່າ ເກີດຄວາມສັບສົນໃນການສື່ສານລະຫວ່າງນັກບິນ ກັບ ຫໍບັງຄັບການບິນວ່າ ນັກບິນຄວນນຳຍົນລົງຈອດທີ່ ລານແລນ 02 ຫຼື ລັນແລນ 20 ກັນແທ້, ຂະນະທີ່ສື່ສັງຄົມອອນລາຍຫຼາຍແຫ່ງເປີດເຜີຍວິດີໂອສຽງສົນທະນາທີ່ອ້າງວ່າເປັນການໂອ້ລົມລະຫວ່າງນັກບິນ ກັບ ເຈົ້າໜ້າທີ່ຫໍບັງຄັບການບິນ ແຕ່ຍັງບໍ່ມີຝ່າຍໃດອອກມາຢືນຢັນ ຫຼື ປະຕິເສດວ່າເປັນຂອງແທ້ຫຼືປອມ.
ໃນຂະນະດຽວກັນ, ທຳນຽບນາຍົກລັດຖະມົນຕີເນປານ ອອກຖະແຫຼງການເລື່ອງການຕັ້ງຄະນະສືບສວນ 6 ຄົນ ໂດຍມີອະດີດເລຂາທິການຄະນະລັດຖະມົນຕີເປັນປະທານ ເພື່ອເລັ່ງສືບສວນຫາສາເຫດຂອງໂສກອະນາດຕະກຳຄັ້ງນີ້ ທີ່ຖືເປັນການສູນເສຍຄັ້ງໃຫຍ່ທີ່ສຸດໃນຮອບ 25 ປີຂອງເນປານ ນັບຕັ້ງແຕ່ຍົນໂດຍສານຂອງສາຍການບິນປາກິດສະຖານ ອິນເຕີເນເຊິນນໍ ແອລາຍ (PIA) ຕົກເມື່ອປີ 1992 ເຮັດໃຫ້ມີຜູ້ເສຍຊີວິດທັງໝົດ 167 ຄົນ.
![](https://blogger.googleusercontent.com/img/b/R29vZ2xl/AVvXsEhr9gef6McjePNQiPf_2Bv7ftWnLxrYFeBC-fyAqAd5WEmGh8ulnVZx5hifUcPnrc9-KTVbDdqKDDKC7Xa7UitODSABiUSS4hX2psi8EhI-F_ntdqG6V6GBGSi2Y1Z89TWH3C5TK4f5El_h/s1600/416.jpg)
![](https://blogger.googleusercontent.com/img/b/R29vZ2xl/AVvXsEi03OGfYlbO8tTf9QToeF0vTEqO9QMdLyYIpKaAGd_uUsLzZzjvYMEGZWHrCKLYTLImcLU85E19T1vsx8-47DaN-d7Hq937B4_kAHg0nJknPb8j04MSQyAf8ALXmB50_GX1AEoUh32X7NtD/s1600/418.jpg)
![](https://blogger.googleusercontent.com/img/b/R29vZ2xl/AVvXsEiC7ZCX5Yu4p17Z4tm83m39y9PgXmubZKBxSpqdp4Q9VDS0rituY_VOCcObVhETfFTa8tj_cKYHrX79o3x_f3zIkEPL4VYHDNcPbiwqAVLknkJa4IKKKaEfjTjdf0ZJi0W_MMsGeMWj3hrf/s1600/417.jpg)
![](https://blogger.googleusercontent.com/img/b/R29vZ2xl/AVvXsEh3ZCrgn_GsosB1WtI-xVozCeuXWnJU2LQkdBxKiRzKDo3UNM2f4lR9-XEYZZuxbDsX-K6L-l7KYd57D0172dUESwQ_TsGKIYxTjpbT1AFC_mkZK_ETboDqUqZrEFcNscFsNTMySwCN_sUN/s1600/419.jpg)
![](https://blogger.googleusercontent.com/img/b/R29vZ2xl/AVvXsEg5rJMwjeBKN9V7QXAoJ1IUgWsu6GD4ayIOUivR02jmcUYB9okNwV7JG40aT2CmwsKW7A1fZxJCJVeb89HmYkqeox9lcfWPntPAOrIXEXFJOAQrkK9-3fF7kf0k8230tbXzD7SgpWazQ44F/s1600/415.jpg)
![](https://blogger.googleusercontent.com/img/b/R29vZ2xl/AVvXsEgpbbtvy2SCkO5lp1sFZpi647MlOWTGet9vIgTHsKVftVqm0botSS7BoCRvEyCpf8awk7FBed2kosbNlJebkpq7y5SpP3BfWsU4xWAd2wx2jGDgfBFg2rkZqz9wdOREjHbWQxU-yrFkunLR/s1600/413.jpg)
![](https://blogger.googleusercontent.com/img/b/R29vZ2xl/AVvXsEhvwGUiOj3qB4rh3ozaQQOiia8wIUMB6IV4IkDAVRxDMbzy-1Xu5cVQ2HmvB10Jyv-gp321zG5Y0EQ_j40tOgFxhSQzVTII44b-JBIUwvVCJrka0XRxDVG1mNxOudIehkUd9gMGbA43x5q7/s1600/412.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ