ກູເວດຂັບໄລ່ທູດຟິລິບປິນ ໃຫ້ອອກນອກປະເທດພາຍໃນ 7 ວັນ ບໍ່ພໍໃຈທີ່ຊັກຊວນໃຫ້ແຮງງານຫຼົບໜີ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhdI3IEenveQsOQ0gToQ5_3Mi87tp_5R95Q3RxkGbTFJJ_JZLTaZd4whPda0Op0fS1KGQuJ1YA4Pz_Ps6d_8wyIuH_hKCMoCqE00DhOeQ3IhElu4gIjQO3emM30VvEEReS9sf0niwG7-0c/s1600/1044.jpg)
ສຳນັກຂ່າວຕ່າງປະເທດລາຍງານ ເມື່ອວັນທີ 25 ເມສາ 2018 ວ່າ: ທ່ານ ເຣນາໂຕ ໂປ ວິນລາ ເອກອັກຄະລັດຖະທູດຟິລິບປິນ ປະຈຳກູເວດ ໄດ້ຮັບແຈ້ງຈາກກະຊວງການຕ່າງປະເທດກູເວດ ໃຫ້ເດີນທາງອອກນອກປະເທດ ພາຍໃນ 1 ອາທິດ, ການເຄື່ອນໄຫວດັ່ງກ່າວເກີດຂຶ້ນໃນຂະນະທີ່ 2 ປະເທດກຳລັງຢູ່ໃນລະຫວ່າງການເຈລະຈາ ເພື່ອຍົກເລີກຄຳສັ່ງຂອງລັດຖະບານຟິລິບປິນ ທີ່ຫ້າມແຮງງານຟິລິບປິນເດີນທາງໄປເຮັດວຽກຢູ່ປະເທດກູເວດ ພາຍຫຼັງທີ່ເກີດເຫດການຄາຕະກຳແຮງງານສາວຊາວຟິລິບປິນໃນກູເວດ ເຊິ່ງສົບຂອງລາວຖືກແຊ່ໄວ້ໃນຕູ້ເຢັນ ໃນອາພາດເມັ້ນຮ້າງຂອງນາຍຈ້າງ ທີ່ນະຄອນຫຼວງກູເວດຊີຣີ ເປັນເວລາດົນກວ່າ 1 ປີ ແລະ ມີຜູ້ພົບເຫັນເມື່ອເດືອນ ກຸມພາ ທີ່ຜ່ານມາ.
BREAKING: Kuwait News Agency reports Philippine ambassador given one week to leave the Gulf state. https://t.co/sDo55hwVGt pic.twitter.com/1aGCI8mZQN— CNN Philippines (@cnnphilippines) April 25, 2018
ແຕ່ການຈັບກຸມຊາວຟິລິບປິນ 2 ຄົນ ທີ່ເຮັດວຽກຢູ່ໃນສະຖານທູດປະຈຳປະເທດກູເວດ ເມື່ອຕົ້ນອາທິດນີ້ ຕາມຂໍ້ກ່າວຫາຊັກຊວນ ແລະ ຊ່ວຍເຫຼືອຄົນຟິລິບປິນຫຼາຍຄົນ ທີ່ໄປເປັນສາວໃຊ້ ໃຫ້ຫຼົບໜີຈາກເຮືອນນາຍຈ້າງ ເຊິ່ງຖືເປັນການລ່ວງລະເມີດ ແລະ ສ້າງຄວາມບໍ່ພໍໃຈໃຫ້ແກ່ລັດຖະບານກູເວດ ເປັນເຫດໃຫ້ກູເວດຕ້ອງຂັບໄລ່ທູດຟິລິບປິນ ເຖິງແມ່ນວ່າ ທ່ານ ອະລັນ ປີເຕີ ຄາເຢຕາໂນ ລັດຖະມົນຕີກະຊວງການຕ່າງປະເທດຟິລິບປິນ ຈະອອກຖະແຫຼງການຂໍໂທດແລ້ວກໍ່ຕາມ.
ຖະແຫຼງການຂອງກະຊວງການຕ່າງປະເທດກູເວດ ກ່າວວ່າ ເຈົ້າໜ້າທີ່ການທູດຟິລິບປິນ ໃນນະຄອນຫຼວງກູເວດຊີຕີ ທ້າທາຍກົດໝາຍຂອງກູເວດຢ່າງຕັ້ງໃຈ ດ້ວຍການລັກລອບພາແຮງງານຊາວຟິລິບປິນຫຼົບໜີ.
ປັດຈຸບັນມີແຮງງານຟິລິບປິນເຮັດວຽກຢູ່ໃນປະເທດກູເວດ 260,000 ຄົນ ສ່ວນໃຫຍ່ເປັນແຮງງານເພດຍິງ ທີ່ເຮັດອາຊີບເປັນແມ່ບ້ານ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ