ຜູ້ນຳເກົາຫຼີເໜືອ-ເກົາຫຼີໃຕ້ ປູກຕົ້ນສັນຕິພາບ ແລະ ຄວາມຮຸ່ງເຮືອງຮ່ວມກັນ ໂດຍໃຊ້ດິນ ແລະ ນ້ຳຈາກທັງສອງປະເທດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhvPvgPJH9HcXTbWirW-sIHzejl-xa5cECuV0fC9uLEcoYBhJAGAymDGMlmYuemUj4wpSKNfNCKtxtjWDUsepJJSbBobFlY75MYcW5TLlNVLk8KXlpfDyN9RoiiX8S7lhM6fRIGr2QES_4/s1600/1069.jpg)
ສຳນັກຂ່າວຕ່າງປະເທດລາຍງານ 27 ເມສາ 2018 ວ່າ: ທ່ານ ມູນ ແຈ-ອິນ ປະທານປະເທດເກົາຫຼີໃຕ້ ຮ່ວມກັບທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ປູກຕົ້ນສົນ “ເພື່ອສັນຕິພາບ ແລະ ຄວາມຮຸ່ງເຮືອງ” ໂດຍໃຊ້ດິນ ແລະ ນ້ຳຈາກທັງສອງປະເທດ ໃກ້ກັບເສັ້ນແບ່ງເຂດແດນທາງທະຫານ ພື້ນທີ່ຄວາມໝັ້ນຄົງຮ່ວມຂອງບ້ານປັນມຸນຈອມ ຝັ່ງເກົາຫຼີໃຕ້ ເມື່ອຕອນບ່າຍຂອງວັນສຸກ 27 ເມສາ 2018 ນີ້ຕາມເວລາທ້ອງຖິ່ນ, ໂດຍກິດຈະກຳດັ່ງກ່າວເປັນສ່ວນໜຶ່ງຂອງການປະຊຸມສຸດຍອດຄັ້ງທຳອິດໃນຮອບ 11 ປີ ລະຫວ່າງຜູ້ນຳສອງເກົາຫຼີ ທີ່ຫຼາຍຝ່າຍຍັງຕິດຕາມຢ່າງໃກ້ຊິດ ເຖິງຄວາມຄືບໜ້າຂອງແນວທາງເພື່ອນຳໄປສູ່ການປົດອາວຸດນິວເຄຼຍຢູ່ແຫຼມເກົາຫຼີ.
ໃນສ່ວນຂອງປະຕິກິລິຍາຂອງປະຊາຊົນເກົາຫຼີໃຕ້ສ່ວນໃຫຍ່ໃຫ້ຄວາມສົນໃຈ ແລະ ຕິດຕາມການພົບປະຫາລືລະຫວ່າງທ່ານ ມູນ ແຈ-ອິນ ກັບ ທ່ານ ຄິມ ຈອງ-ອຶນ ຢ່າງໃກ້ຊິດ ໂດຍຜູ້ໃຊ້ສື່ສັງຄົມອອນລາຍທີ່ເປັນກຸ່ມໄວໜຸ່ມກ່າວວ່າ ເປັນເລື່ອງທີ່ເຫຼືອເຊື່ອເປັນຢ່າງຍິ່ງ ວ່າປະຊາຊົນເກົາຫຼີໃຕ້ຈະໄດ້ມີໂອກາດຕ້ອນຮັບຜູ້ນຳຂອງເກົາຫຼີເໜືອ ແລະ ໄດ້ຍິນສຽງໂອລົ້ມຂອງອີກຝ່າຍຢາກເຕັມສົບເຕັມປາກ, ຂະນະທີ່ບາງສ່ວນຕີລາຄາວ່າ ທ່ານ ຄິມ ຈອງ-ອຶນ ໜ້າຈະເປັນບຸກຄົນທີ່ມີອາລົມມ່ວນຊື່ນ ແລະ ມັກໂອ້ລົມພໍສົມຄວນ ພາຍຫຼັງທີ່ສື່ເກົາຫຼີໃຕ້ເຜີຍແຜ່ຄຳກ່າວຕອນໜຶ່ງຂອງທ່ານ ຄິມ ຈອງ-ອຶນ ໃນລະຫວ່າງການປະຊຸມໂຕະມົນກັບທ່ານ ມູນ ແຈ-ອິນ ວ່າ: “ໝີ່ເຢັນຂອງເກົາຫຼີເໜືອມາໄກຈາກນະຄອນຫຼວງປຽງຢາງ” ກ່ອນຈະຢຸດໜ້ອຍໜຶ່ງແລ້ວກ່າວຕໍ່ວ່າ ໃນຄວາມຈິງບໍ່ຄວນເວົ້າວ່າ “ນະຄອນຫຼວງປຽງຢາງຢູ່ໄກ”.
ຂະນະທີ່ກະຊວງການຕ່າງປະເທດຂອງຈີນ ເຊິ່ງເປັນປະເທດຜູ້ອຸປະຖຳລາຍໃຫຍ່ທີ່ສຸດຂອງເກົາຫຼີເໜືອ ອອກຖະແຫຼງການສະແດງຄວາມຊົມເຊີຍຕໍ່ການປະຊຸມຄັ້ງນີ້ ທີ່ທ່ານ ຄິມ ຈອງ-ອຶນ ສ້າງປະຫວັດສາດເປັນຜູ້ນຳສູງສຸດຂອງເກົາຫຼີເໜືອຄົນທຳອິດທີ່ເດີນທາງຂ້າມເສັ້ນແບ່ງເຂດແດນໄປຍັງເກົາຫຼີໃຕ້ ແລະ ທຸກຢ່າງດຳເນີນໄປດ້ວຍດີ ແລະ ສະແດງຄວາມຫວັງວ່າຈະນຳໄປສູ່ການເກີດສັນຕິພາບຢ່າງຍືນຍົງຢູ່ແຫຼມເກົາຫຼີ.
![](https://blogger.googleusercontent.com/img/b/R29vZ2xl/AVvXsEiSdqfqrI3wnUPSr0z53ZwVdkcMWx9iJkUpIh7vKlXsngZa82XgWRdmSuql6ws5_BxaksUpXudgATxboQ9XEgjmANGW_wLNJKgeteP0L5cd7MDprHNN46Mj0H8vei4Z4EiiwkwmGoh-BYM/s1600/1074.jpg)
![](https://blogger.googleusercontent.com/img/b/R29vZ2xl/AVvXsEj5y2YET3hbIT91LximkI3eWPuuFa0a7Izo4Eb3w5FwfilzM_yibNX37ComHRulew1ovBnqveG1I_vD_cZa5Jy6ycDCk7P_TQS3XOsQAEURekGJArDp0pgJJFHj9suwjNfpRMzVoEMw-kA/s1600/1070.jpg)
![](https://blogger.googleusercontent.com/img/b/R29vZ2xl/AVvXsEg1wn5VCtxh7xNA5S1wOljfhgrR6u7U_AwSvmOIT4zYqX4ZUzGL_7zz9XLICNnmHnd40KrXa9Jg78M58iGJ7JLzcmr6rls-aOBgZzJZ-fMh0oR_r2E24ceTI_IZYdH3JKkXnOgigJZ5pAA/s1600/1073.jpg)
![](https://blogger.googleusercontent.com/img/b/R29vZ2xl/AVvXsEiYEZ9EumBbTKye6Wno2InjFgC2OMC5Xllo5kHItVSZ92uoea-bf5GU96ut_Yz0y7FGVAD8LoIpFVWPPOK55dyau0vWhnSQL2URA6XU3w-C5DQi9Pvf7V-dBC1HeS3fUpTDo3TkHQ2QDAs/s1600/1071.jpg)
![](https://blogger.googleusercontent.com/img/b/R29vZ2xl/AVvXsEhZl3nujgQJcieknAHvFFm6WSkhaKln0Y-QXeDtqcIaIC7e2A6q6Bh0CkJGbVVlDiskT6_2jxmuqMA2eGoY8t8GcsrdgaZ3551e8MKVdLOzKNO8eHIML-4jZUmOrM-jOJA_AZqEKTwKItU/s1600/1072.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ