ຜູ້ນຳສອງເກົາຫຼີ ລົງນາມປະຕິຍານປັນມຸນຈອມ ຈະບໍ່ມີສົງຄາມອີກ ຈະມີແຕ່ປະຫວັດສາດໜ້າໃໝ່ແຫ່ງສັນຕິພາບ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiVLO9HjpR1Feo6pFd9lUHRYsgiTI5bzVX3j1PEygN2QpKWtrpN0fy0CGRkkdGbGB0iCCva7hvRTljai2rWUnoA160Nv1NCFyJvxjbkQh9N1qlN9tleOaGMi-g29ju70jNWCxlt_f2gdKA/s1600/1075.jpg)
ສຳນັກຂ່າວຕ່າງປະເທດລາຍງານ 27 ເມສາ 2018 ວ່າ: ທ່ານ ມູນ ແຈ-ອິນ ປະທານປະເທດເກົາຫຼີໃຕ້ ແລະ ທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ໄດ້ລົງນາມຮ່ວມກັນໃນປະຕິຍານປັນມຸນຈອມ ພາຍຫຼັງສຳເລັດການພົບປະຫາລືຄັ້ງທຳອິດໃນຮອບ 11 ປີ ລະຫວ່າງຜູ້ນຳເກົາຫຼີເໜືອ-ເກົາຫຼີໃຕ້ ທີ່ບ້ານປັນມຸນຈອມ ຝັ່ງເກົາຫຼີໃຕ້ ໂດຍມີເນື້ອໃນສຳຄັນວ່າດ້ວຍການມີເປົ້າໝາຍຮ່ວມກັນຢ່າງມຸ່ງໝັ້ນ ເພື່ອໃຫ້ແຫຼມເກົາຫຼີເປັນພື້ນທີ່ປອດອາວຸດນິວເຄຼຍຢ່າງຖາວອນ ແລະ ການສະແຫວງຫາໂອກາດຮ່ວມກັນເພື່ອນຳໄປສູ່ການລົງນາມສົນທິສັນຍາສັນຕິພາບ ເພື່ອຢຸດຕິຄວາມຮຸນແຮງທີ່ແກ່ຍາວມາຕະຫຼອດໄລຍະວເລາ 65 ປີ ອັນເປັນຜົນມາຈາກສົງຄາມເກົາຫຼີໃນລະຫວ່າງປີ 1950 ເຖິງ 1953 ເປັນການສະຫງົບເສິກດ້ວຍຂໍ້ຕົກລົງຢຸດຍິງເທົ່ານັ້ນ.
![](https://blogger.googleusercontent.com/img/b/R29vZ2xl/AVvXsEjbTM5Yn8t26dcY05_LZMCPhk5BqSMbYqhib1XSKJwI60pPjKGgYF1LUFcAignhYDnIVNDOb9u1JztGD93zs7JyDtHeB3p1-yQascXEs2WIhzkXOotYYjKo9hQMgzS8YQMUdD8aAB1trfk/s1600/1076.jpg)
![](https://blogger.googleusercontent.com/img/b/R29vZ2xl/AVvXsEixvmzqEfWJK5VrdWIP-WdyQfKUYhZ1bSoN6YBUtpV6JfXfPh38DaS8UE1siVmL4M8yEQM9qd9Oof1MIyHP24T5wgiypd_I6rG_A2gq14z99XDxmzj90-dV6o1uRSLRNHdOa4cazGai1GM/s1600/1077.jpg)
ຂະນະດຽວກັນ, ຜູ້ນຳເກົາຫຼີເໜືອ ແລະ ເກົາຫຼີໃຕ້ເຫັນດີຮ່ວມກັນເລື່ອງການສ້າງສົນທິສັນຍາສັນຕິພາບສະບັບຖາວອນ ຮ່ວມກັນຈີນ ແລະ ສະຫະລັດ ອາເມຣິກາ ເຊິ່ງເປັນຜູ້ຮ່ວມລົງນາມໃນຂໍ້ຕົກລົງຢຸດຍິງ ໂດຍໃນສ່ວນຂອງລັດຖະບານສະຫະລັດ ອາເມຣິກາຮ່ວມເປັນພາຄີໃນຖານະກອງກຳລັງຂອງສະຫະປະຊາຊາດ ນອກຈາກນີ້, ທ່ານ ມູນ ແຈ-ອິນ ຍັງຕອບຮັບຄຳເຊີນຂອງທ່ານ ຄິມ ຈອງ-ອຶນ ຢ່າງເປັນທາງການ ເພື່ອຢ້ຽມຢາມນະຄອນຫຼວງປຽງຢາງໃນໄລຍະລະດູໃບໄມ້ລົ່ນທີ່ຈະມາເຖິງນີ້ ແລະ ຜູ້ນຳສອງເກົາຫຼີເຫັນດີວ່ານັບຈາກນີ້ເປັນຕົ້ນໄປ ຄວນມີການໂອ້ລົມ ແລະ ພົບປະກັນຢ່າງສະໝ່ຳສະເໝີ ຕະຫຼອດຮອດການກຽມຈັດງານພົບປະຍາດພີ່ນ້ອງສອງຝັ່ງຄັ້ງໃໝ່ ພາຍຫຼັງທີ່ເວັ້ນວ່າງມາດົນເຖິງ 3 ປີ, ໂດຍໃນເບື້ອງຕົ້ນລັດຖະບານເກົາຫຼີເໜືອສະເໜີໃຫ້ຈັດຂຶ້ນໃນວັນທີ 15 ສິງຫານີ້ ເຊິ່ງຖືເປັນວັນສຳຄັນສຳລັບສອງເກົາຫຼີ ນັ້ນກໍ່ຄືການລະນຶກເຖິງການປະກາດອິດສະຫຼະພາບຈາກການຢຶດຄອງຂອງຈັກກະພັດຍີ່ປຸ່ນ.
ເຊິ່ງທ່ານ ມູນ ແຈ-ອິນ ແລະ ທ່ານ ຄິມ ຈອງ-ອຶນ ປິດທ້າຍດ້ວຍການໃຫ້ຄຳໝັ້ນສັນຍາກັບປະຊາຊົນເກົາຫຼີທັງ 80 ລ້ານຄົນ ທີ່ອາໄສຢູ່ແຫຼມເກົາຫຼີວ່າ ຕໍ່ຈາກນີ້ເປັນຕົ້ນໄປຈະບໍ່ມີສົງຄາມອີກ ສິ່ງທີ່ຈະເກີດຂຶ້ນຕໍ່ຈາກນີ້ເປັນຕົ້ນໄປຄື ປະຫວັດສາໜ້າໃໝ່ຂອງສັນຕິພາບ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ