ສ.ອາເມຣິກາ ສົ່ງສານອວຍພອນມາຍັງປະຊາຊົນລາວ ເນື່ອງໃນໂອກາດບຸນປີໃໝ່ລາວ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjb02KxWxvMd2y2qgwQTMESAaQo94zzn0PWm4j3Mk1qHz2REe5eHwS3jCWjTekDIlED3jCdXbzaKkdFvpXWztpjzMW3bc8jEk0sJEUDlmv0CRhe4HMJ5C_0ZbEy32Ofc0EdSU0fczqQz28/s1600/828.jpg)
ທ່ານ ຈອນ ເຈ ຊຸນລີວານ ຮັກສາການລັດຖະມົນຕີກະຊວງການຕ່າງປະເທດສະຫະລັດ ອາເມຣິກາ ສົ່ງສານອວຍພອນບຸນປີໃໝ່ລາວ ມາຍັງປະຊາຊົນລາວວ່າ:
“ໃນນາມຂອງລັດຖະບານສະຫະລັດ ອາເມຣິກາ, ຂ້າພະເຈົ້າຂໍອວຍພອນອັນປະເສີດມາຍັງປະຊາຊົນລາວ ເນື່ອງໃນໂອກາດການສະເຫຼີມສະຫຼອງບຸນປີໃໝ່ລາວ ໃນວັນທີ 14 ເມສາ ນີ້.
ພວກເຮົາຈະສືບຕໍ່ຮ່ວມມືສອງຝ່າຍຢ່າງຮອບດ້ານໃຫ້ຂະຫຍາຍຕົວຢ່າງຕໍ່ເນື່ອງ, ເຊິ່ງໃນອີກບໍ່ດົນນີ້ ລັດຖະມົນຕີກະຊວງການຄ້າ ຂອງສະຫະລັດ ອາເມຣິກາ ແລະ ຜູ້ແທນລະດັບສູງສາມຄະນະ ຈາກສະຫະລັດ ອາເມຣິກາ ຈະເດີນທາງຢ້ຽມຢາມ ສປປ.ລາວ ເພື່ອສ້າງສາຍພົວພັນໃຫ້ເຂັ້ມແຂງ ແລະ ເຕີບໃຫຍ່ຂະຫຍາຍຕົວ ລະຫວ່າງປະຊາຊົນສອງຊາດ ແລະ ພວກເຮົາຍັງຈະສືບຕໍ່ໃຫ້ການສະໜັບສະໜູນເປົ້າໝາຍການພັດທະນາຂອງລັດຖະບານ ສປປ.ລາວ ໂດຍສະເພາະການຊ່ວຍເຫຼືອດ້ານວຽກງານການເກັບກູ້ລະເບີດບໍ່ທັນແຕກ ອັນສະແດງໃຫ້ເຫັນເຖິງຄວາມໝາຍໝັ້ນຂອງພວກເຮົາ ຕໍ່ການສ້າງສາຍພົວພັນທີ່ຍືນຍົງ ແລະ ມີປະສິດທິພາບ ກັບ ສປປ.ລາວ.
ຂ້າພະເຈົ້າ ຂໍອວຍພອນມາຍັງປະຊາຊົນລາວ ຈົ່ງມີແຕ່ຄວາມສຸກ ແລະ ຄວາມມ່ວນຊື່ນ ເນື່ອງໃນໂອກາດວັນປີໃໝ່ລາວນີ້.”
ສານອວຍພອນປີໃໝ່ລາວ ພສ. 2561 ຈາກ ສະຫະລັດ ອາເມຣິກາhttps://t.co/Ki4hTnjo7v— idsala ອິດສະຫຼະ (@idsalapage) April 13, 2018
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ