3 ເດືອນຕົ້ນປີ 2018 ລາວມີມູນຄ່າການນຳເຂົ້າ-ສົ່ງອອກ 2,353 ລ້ານໂດລາສະຫະລັດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjoqAsJ7oG8ktGqx03B5q3sl9Aar-reWDhN04vvXTE64H8MwTBHxdv51sbeSr3pIl_xGoQWnDxeLEI16GCpic41cN6VJFGG7n8UWvdct1VVTqm2WUFe5bjHZTny_Udm2N0yq_qXqqodapw/s1600/1264.jpg)
ກົມການນ້ຳເຂົ້າ ແລະ ສົ່ງອອກ, ກະຊວງອຸດສາຫະກຳ ແລະ ການຄ້າລາຍງານວ່າ: ໃນງວດທີ 1 (ເດືອນ 1, 2 ແລະ 3) ປີ 2018 ມູນຄ່າການນຳເຂົ້າ ແລະ ສົ່ງອອກຂອງ ສປປ.ລາວ ສາມາດບັນລຸໄດ້ທັງໝົດ 2,353 ລ້ານໂດລາສະຫະລັດ (ບໍ່ລວມເອົາຂໍ້ມູນການນຳເຂົ້າ ແລະ ສົ່ງອອກໄຟຟ້າ ຍ້ອນຍັງບໍ່ທັນໄດ້ຮັບຂໍ້ມູນຄົບຖ້ວນຈາກຂະແໜງການທີ່ກ່ຽວຂ້ອງ), ເພີ່ມຂຶ້ນ 12.8% ເມື່ອທຽບໃສ່ໄລຍະດຽວກັນຂອງປີຜ່ານມາ. ການສົ່ງອອກປະຕິບັດໄດ້ 989 ລ້ານໂດລາສະຫະລັດ ເພີ່ມຂຶ້ນ 1.4% ເມື່ອທຽບໃສ່ໄລຍະດຽວກັນຂອງປີທີ່ຜ່ານມາ, ສ່ວນນຳເຂົ້າບັນລຸໄດ້ 1,363 ລ້ານ ເພີ່ມຂຶ້ນ 22.8%.
ສິນຄ້າທີ່ນຳເຂົ້າຕົ້ນຕໍແມ່ນ: ນ້ຳມັນເຊື້ອໄຟ (ນ້ຳມັນແອັດຊັງ, ກາຊວນ ແລະ ກາດ), ພາຫະນະທາງບົກ ແລະ ຊິ້ນສ່ວນອາໄຫຼ່, ອຸປະກອນກົນຈັກ, ເຫຼັກ ແລະ ອຸປະກອນ ທີ່ເຮັດດ້ວຍເຫຼັກ, ເຄື່ອງໃຊ້ໄຟຟ້າ...
![](https://blogger.googleusercontent.com/img/b/R29vZ2xl/AVvXsEizixhYd9rIEib6xPk_n9ZYAkGxOqEMoHgo1Gse2tBWwFMnrhj9aXr4iuAeSFCd3ChtlH7M4VvAd_XWZUa0Uol12wLbQO_84wR-wZNnnhCQKLcgwtjf5Z0YhA0NQIw64DcPo71MTh6IAFE/s1600/1260.png)
ສິນຄ້າທີ່ສົ່ງອອກຕົ້ນຕໍແມ່ນ: ທອງ ແລະ ແຮ່ທອງ, ໂຄງຮ່າງກ້ອງບັນທຶກພາບ, ມັນຕົ້ນ, ເຄື່ອງນຸ່ງຫົ່ມ, ເຄື່ອງໃຊ້ໄຟຟ້າ, ກາເຟ, ໝາກກ້ວຍ, ນ້ຳຕານ...
![](https://blogger.googleusercontent.com/img/b/R29vZ2xl/AVvXsEgKukumQrsTRNuh2Hqf5M-vhpIV6mV_dFnwVJYpLU4zEkcTV253unt00SwWQW-Lj_48LoeN_AwIheK63nDOaLnMBJL7wvFoxRi2wqRLXrCbifnyydbQUKt_EwUOesSa_wqysgRHkGbM7uI/s1600/1261.png)
ປະເທດທີ່ ສປປ.ລາວ ນຳເຂົ້າສິນຄ້າສ່ວນໃຫຍ່ຍັງແມ່ນບັນດາປະເທດທີ່ມີຊາຍແດນຕິດຈອດເຊັ່ນ: ໄທ, ຈີນ ແລະ ຫວຽດນາມ. ນອກນັ້ນ ຍັງນຳເຂົ້າມາຈາກປະເທດຍີ່ປຸ່ນ, ເກົາຫຼີໃຕ້, ອິນໂດເນເຊຍ, ສິງກະໂປ, ອົດສະຕາລີ, ຮົງກົງ.
![](https://blogger.googleusercontent.com/img/b/R29vZ2xl/AVvXsEhPjJTbdprTJkBUUSwFAtXftviNhnMibf8NpnMC2OQ-o15sgiQ0w6KJg07dXrOZ3UZq80SGsbe8m0-wGi_UYw76Qy9XN_gWHomujKAZjSQLBDxv0_BwIsBgombirFbdps2lxBJBAYjWEhE/s1600/1262.png)
ປະເທດສົ່ງອອກຕົ້ນຕໍ່ແມ່ນ ໄທ, ຈີນ, ຫວຽດນາມ, ຍີ່ປຸ່ນ, ເຢຍລະມັນ ແລະ ອິນເດຍ.
![](https://blogger.googleusercontent.com/img/b/R29vZ2xl/AVvXsEibzO76wmxmgYtjzrCSlG64eGxX-d4Y8RLj9c6fngc_oMVTLNb5PM1Sma1YpmJRxZI7ORqXfPz0j1s8Hn6t58z4X5EQVxKPVAWI_qcve8j9UZibclnmS9UqOm45sxZQ1wUu4xStwsKm6Es/s1600/1263.png)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ