ລັດເຊຍປະສົບຄວາມສຳເລັດ ໃນການທົດລອງຍິງຂີປະນາວຸດຂ້າມທະວີບ 4 ລູກຈາກເຮືອດຳນ້ຳພະລັງງານນິວເຄຼຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgkL3QOHVdo3XBywRPqhdejim6y6UjgV21JId9Uvr-bqKLTu-aXcwtRF-4g52Y7iENR9kCqkE8G0IqH05UgCibyX3aGQf8DPWxz8xDVB20Lmi-Tv-x8uiTwTD16lcPgF2N0x7VvvhSKiuk/s1600/1223+copy.jpg)
ສຳນັກຂ່າວ TASS ຂອງທາງການລັດເຊຍລັດງານວ່າ: ເມື່ອວັນທີ 22 ພຶດສະພາ 2018 ທີ່ຜ່ານມາ: ເຮືອດຳນ້ຳພະລັງງານນິວເຄຼຍ Yuri Dolgoruky ຂອງກອງທັບລັດເຊຍ ປະສົບຄວາມສຳເລັດໃນການຍິງຂີປະນາວຸດຂ້າມທະວີບ Bulava 4 ລູກ ຈາກທະເລຂາວ ນອກຝັ່ງເບື້ອງຕາເວັນຕົກສຽງເໜືອຂອງປະເທດ.
ຄຳຖະແຫຼງຂອງກອງທັບລັດເຊຍລະບຸວ່າ: ເຮືອດຳນ້ຳ Yuri Dolgoruky ຍິງຂີປະນາວຸດຂຶ້ນຈາກໃຕ້ພື້ນນ້ຳຂອງທະເລຂາວ ເພື່ອໂຈມຕີເປົ້າໝາຍຈຳລອງທາງທະຫານແຫ່ງໜຶ່ງ ຢູ່ແຫຼມຄຳຊັດຄາ (Kamchatka) ທາງພາກຕາເວັນອອກໄກຂອງປະເທດ, ເຊິ່ງຖືເປັນຄັ້ງທຳອິດທີ່ມີການທົດລອງຂີປະນາວຸດລຸ້ນດັ່ງກ່າວພ້ອມກັນເຖິງ 4 ລູກ.
ເຮືອດຳນ້ຳ Yuri Dolgoruky ເປັນເຮືອດຳນ້ຳທີ່ມີນ້ຳໜັກ 14,720 ໂຕນ ຈາກກອງເຮືອດຳນ້ຳທາງຍຸດທະສາດແບບ Borei-class ລຸ້ນ 4 ທີ່ສາມາດບັນທຸກຂີປະນາວຸດ Bulava ເຊິ່ງເປັນຂີປະນາວຸດຂ້າມທະວີບໄດ້ຫຼາຍເຖິງ 16 ລູກ, ນອກນັ້ນຍັງສາມາດຕິດຕັ້ງຂີປະນາວຸດຂະໜາດນ້ອຍໄດ້ອີກດ້ວຍ.
ການທົດລອງຄັ້ງນີ້ ຖືເປັນການຍິງທົດສອບຂີປະນາວຸດ Bulava ຄັ້ງທຳອິດໃນຮອບ 1 ປີ ທີ່ກ່ອນໜ້າທີ່ເຮືອດຳນ້ຳ Yuri Dolgoruky ປະສົບຄວາມສຳເລັດໃນການຍິງຂີປະນາວຸດ Bulava ເຂົ້າໃສ່ເປົ້າໝາຍຈຳລອງດຽວກັນ ແຕ່ຂະນະນັ້ນຄັ້ງນັ້ນແມ່ນຍິງຈາກທະເລແບເຣນ.
![](https://blogger.googleusercontent.com/img/b/R29vZ2xl/AVvXsEhiXGYythtgrn0ThyERR1Md-WN2kSlwS4oP8gpzOzFMOfLlmIrs9SzRZJQKCg6y0ojQPeOMB-f61Vh_O_gNqIgIJK_A-punJS-jIfXbNYnzsasww1Sx5fXapR20ByscMao9LXJTkXE6hpc/s1600/1225.jpg)
![](https://blogger.googleusercontent.com/img/b/R29vZ2xl/AVvXsEi3NNYQRL5mXUmoNnX9Wywm9nqVMRTAbQeA-Ry7hGffbpWujiwDLHZFnxzzW52a_1K3Kr3S7ZjpJwhwP-4qbvZYZ9ERUlR1mYg4XYP3Z5ubNJ2Y05-YJH5keNnr8MNSJCGB00h7uWixVGA/s1600/1221+copy.jpg)
![](https://blogger.googleusercontent.com/img/b/R29vZ2xl/AVvXsEjhMMaZoJ7HebUnz-NSsOV71H0nEsYWY7W_clmCalDyyI_cl2tboj_x3k1OWbnl6bfE6PtT4FjcNXaJh0V93QDL_o5MmnEp2VO93j62erwXs79IIsMMB-Xxy2aoqVwnZZvHFEoU0vVr4rU/s1600/1222+copy.jpg)
![](https://blogger.googleusercontent.com/img/b/R29vZ2xl/AVvXsEjnZiBlWq0Ee3HQb56KanOBv94728dhgf1WgEVu7WfrTXmu4yIpJeREizNoE85q6hBkBp5yyu6RILQ_o-sXpBw1k3-yQlyT11wSwSrsUK3oQqWL2cfyUBHhdIhSACTBc1iumDUQVNgi2xg/s1600/1224+copy.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ