ລັດຖະມົນຕີກະຊວງການຕ່າງປະເທດລັດເຊຍ ຢ້ຽມຢາມເກົາຫຼີເໜືອ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjVIqMFkoXsFMwNoSoxuXGk-2CZbA-4DM05GF_PqpfHuNJF3yjfqgnR7YV_xM9m8PJhv8p6QRXfpYIM15IjxfuMPiOLMDna3EzDHxzQWrfpmC4DCVYRTlQiyWj-Kou7peIJOfsHdpWUq9A/s1600/1301.jpg)
ສຳນັກຂ່າວຕ່າງປະເທດລາຍງານ 31 ພຶດສະພາ 2018 ວ່າ: ສຳນັກຂ່າວກາງເກົາຫຼີ (KCNA) ລາຍງານວ່າທ່ານ ເຊີເກ ລາວາຣົບ ລັດຖະມົນຕີກະຊວງການຕ່າງປະເທດລັດເຊຍ ເດີນທາງດ້ວຍຖ້ຽວບິນພິເສດຂອງລັດຖະບານລັດເຊຍ ເຖິງນະຄອນຫຼວງປຽງຢາງ ເມື່ອຕອນເຊົ້າຂອງວັນພະຫັດນີ້ ຕາມເວລາທ້ອງຖິ່ນ, ໂດຍທ່ານ ຊິນ ຮົງ-ຊອນ ຮອງລັດຖະມົນຕີກະຊວງການຕ່າງປະເທດເກົາຫຼີເໜືອລໍຖ້າໃຫ້ການຕ້ອນຮັບ ຫຼັງຈາກນັ້ນທ່ານ ເຊີເກ ລາວາຣົບ ແລະ ຄະນະໄດ້ເຂົ້າພົບກັບທ່ານ ຣີ ຢອງ-ໂຮ ລັດຖະມົນຕີກະຊວງການຕ່າງປະເທດເກົາຫຼີເໜືອ ພາຍໃນຫ້ອງຮັບແຂກຂອງຕຶກສະພາປະຊາຊົນແຫ່ງຊາດ ໃນນະຄອນຫຼວງປຽງຢາງ.
![](https://blogger.googleusercontent.com/img/b/R29vZ2xl/AVvXsEhu1PtKEtpglImJCsjqvl6se8RkYz-85LRNIxge5jycykUDRL8qEDgUhZMdkzThfbdkGe8LLvu0jC4gzqeJbrVEiipsC3kYQ4AznRjgCIBPHdZOk6yeCG98ykq21TNwQ_NyYH3uz03JuI8/s1600/1300.jpg)
![](https://blogger.googleusercontent.com/img/b/R29vZ2xl/AVvXsEj6IwIRkv6MHcOOHPkq_qjlllvakE3VQRSoKu4RELSK8krBD0K2qFNHdmCG69PoVv0Ws7RkkuEFw_prgcL9wIA9p8-v6hyphenhyphenSypyqYdumDVDMSx9NKGBVu4OTnvbJm6sIUmI8Le5WbGONngo/s1600/1304.jpg)
![](https://blogger.googleusercontent.com/img/b/R29vZ2xl/AVvXsEhRRMweJFPfEHsT-bV1PM5QtOSXOoQ06Yj-aQF7BMpk33mTFeK8BWdmOKdewekHuurlbAoIovSVgetIz2nDF60Hac10O3YHcWa_r01b1GJlM0ds95pHDeWEHZeXtBCXsuFPwV469sgbcos/s1600/1302.jpg)
![](https://blogger.googleusercontent.com/img/b/R29vZ2xl/AVvXsEirHiTiIt6dRq8vQNpda_q33mEyhIVj3ZJpIgLtCArZXB-2p8SVuMGxeho2DmLruRNKH3Zx7Dssh8qfO9rmMUEM8HBALGp_svLc2cWT6OBP-eSCNnieygQmfBFeiLKaycckXMxjR3-6XNk/s1600/1303.jpg)
ເຊິ່ງລັດຖະບານລັດເຊຍ ແລະ ລັດຖະບານເກົາຫຼີເໜືອບໍ່ເປີດເຜີຍຂໍ້ມູນກ່ຽວກັບກຳນົດການຢ້ຽມຢາມ ແລະ ພາລະກິດໂດຍລວມຂອງທ່ານ ເຊີເກ ລາວາຣົບຢ່າງຊັດເຈນວ່າຈະໃນເວລາດົນປານໃດ ແຕ່ຫຼາຍຝ່າຍຄາດການວ່າບັນຫາສຳຄັນຂອງການພົບປະຫາລືອາດຈະລວມເຖິງການປະຊຸມທີ່ປະເທດສິງກະໂປ ລະຫວ່າງທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ກັບ ທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ໃນວັນທີ 12 ມິຖຸນາ 2018 ນີ້ ແລະ ແນວທາງການປົດອາວຸດນິວເຄຼຍຂອງເກົາຫຼີເໜືອ.
![](https://blogger.googleusercontent.com/img/b/R29vZ2xl/AVvXsEjpBaAAzUSRMhmeceatvWPMDJLnVLIojI4UW3FCysx2B4pHa5DoqQT9i6oM57u0-UYizCdXVLKYPaTc9NyBVpSEViDEsPwLvM3u69k3lbGl7kWPb80gJFJzrjTDvPRQD8eGoRzF71UOrMY/s1600/1305.jpg)
![](https://blogger.googleusercontent.com/img/b/R29vZ2xl/AVvXsEh8zLNr6RQm83aS2N5bojNE2rgLlL2K4KRydka12HdzZ-2pYQPwbiF4qUhghvw_P6-MKQyuxkTpGRznn_VsiQkrI3_U-bLRHpXSdyAlFOAy-60zUd5u9VcxGO253_Gq7d1c5csrXvXlKjc/s1600/1306.jpg)
![](https://blogger.googleusercontent.com/img/b/R29vZ2xl/AVvXsEhfrNBgHY3qKeK38VN4wDxuJsPsZgXeci4tRAqMpLfBp9fPj5TlkCdE-Gg-LPBvaj4RS7e8Cz2mmNp1xJqGDnYCv0IeS-HurSCtwklPniOrvfagwQhAe8x_vbtb2Eccrn3PljJ9XfAktl8/s1600/1307.jpg)
ໃນອີກດ້ານໜຶ່ງທ່ານ ໄມ ພອມແພວ ລັດຖະມົນຕີກະຊວງການຕ່າງປະເທດສະຫະລັດ ອາເມຣິກາ ໄດ້ເປັນເຈົ້າພາບລ້ຽງອາຫານຄ່ຳໃຫ້ກັບທ່ານ ຄິມ ຢອງ-ຊອນ ຮອງປະທານພັກແຮງງານເກົາຫຼີ ເຊິ່ງເຮັດໜ້າທີ່ເປັນຜູ້ແທນພິເສດຂອງທ່ານ ຄິມ ຈອງ-ອຶນ ໃນການຢ້ຽມຢາມສະຫະລັດ ອາເມຣິກາ ທີ່ຕຶກແຫ່ງໜຶ່ງໃນນະຄອນນິວຢອກ ໂດຍທ່ານ ຄິມ ຢອງ-ຊອນ ຖືເປັນມືຂວາຂອງຜູ້ນຳເກົາຫຼີເໜືອ ແລະ ຖືເປັນເຈົ້າໜ້າທີ່ລະດັບສູງຂອງລັດຖະບານເກົາຫຼີເໜືອຄົນທຳອິດໃນຮອບ 18 ປີ ທີ່ເດີນທາງຢ້ຽມຢາມສະຫະລັດ ອາເມຣິກາ ຖັດຈາກທ່ານ ໂຈ ມະຢອງ-ຣັອກ ເມື່ອປີ 2000.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ