ອິດສະຣາແອນ ບຸກໂຈມຕີກຸ່ມຮາມາສ ໃນເຂດກາຊາ ຢ່າງດຸເດືອດໜັກໜ່ວງ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhMOLFdJjuqnh1SA6RaHTJ37Cv6kmfQnYu4hSNFrqq_uom_dmYxVWg4cHTxUU1RCvAEZRLbfrPEGNOEj8JEts2Fpi2XMbEYh2fdf67FsHVvNKioK_HN6DKbqBFt2MWg1jRcO8rLHGLprmo/s1600/1294.jpg)
ສຳນັກຂ່າວຕ່າງປະເທດລາຍງານ 30 ພຶດສະພາ 2018 ວ່າ: ກອງກຳລັງປ້ອງກັນອິດສະຣາແອນ ລາຍງານວ່າໄດ້ປະຕິບັດການໂຈມຕີທາງບົກ ແລະ ທາງອາກາດ ຕໍ່ເປົ້າໝາຍຫຼາຍກວ່າ 35 ແຫ່ງ ໃນເຂດກາຊາ ລະຫວ່າງວັນອັງຄານ ທີ່ຜ່ານມາ ຫາຕອນເຊົ້າມືດຂອງວັດພຸດນີ້ ຕາມເວລາທ້ອງຖິ່ນ ແລະ ໄດ້ມີການລະເບີດທຳລາຍອຸໂມງແຫ່ງໜຶ່ງໃກ້ກັບຈຸດຜ່ານແດນຣາຟາ ທາງທິດໃຕ້ຂອງເຂດກາຊາ ເຊິ່ງໃກ້ກັບຊາຍແດນເອຢິບ ແລະ ອຸໂມງມີເສັ້ນທາງແຍກຍ່ອຍເຂົ້າມາຍັງເຂດແດນຂອງອິດສະຣາແອນອີກດ້ວຍ, ເພື່ອຕອບໂຕ້ການທີ່ກຸ່ມຮາມາສ ລະດົມຍິງຈະຫຼວດ ແລະ ປືນໃຫຍ່ລວມກັນຫຼາຍກວ່າ 70 ຄັ້ງ ຂ້າມເຂດແດນໃສ່ອິດສະຣາແອນ ຕະຫຼອດວັນອັງຄານທີ່ຜ່ານມາ.
ຂະນະທີ່ກຸ່ມຮາມາສ ແລະ ແນວຮ່ວມອອກຖະແຫຼງການປະກາດເປັນຜູ້ຍິງຈະຫຼວດ ແລະ ປືນໃຫຍ່ໂຈມຕີອິດສະຣາແອນ ເພື່ອຕອບໂຕ້ສະຖານະການຄວາມຮຸນແຮງຕາມແນວຊາຍແດນຕັ້ງແຕ່ວັນທີ 30 ມີນາ ທີ່ຜ່ານມາ ເຊິ່ງມີຜູ້ເສຍຊີວິດຫຼາຍກວ່າ 120 ຄົນ ນອກເໜືອຈາກເຫດຈະລາຈົນນອງເລືອດໃນວັນເປີດສະຖານທູດສະຫະລັດ ອາເມຣິກາ ປະຈຳນະຄອນເຢຣູຊາເລມ ເມື່ອວັນທີ 14 ພຶດສະພາ ທີ່ຜ່ານມາ ເຊິ່ງມີຜູ້ເສຍຊີວິດຫຼາຍກວ່າ 60 ຄົນພາຍໃນວັນດຽວ.
![](https://blogger.googleusercontent.com/img/b/R29vZ2xl/AVvXsEiR_ly30C3NetGBfNg9W2qVdDrZ4aVNNZlO32iGV5dFvKho6m63xlolbt1Skw_9Zf0DznYlvJWsakIjEQQMIgrcltC2p9XN3ka_wM5i36oJV2dHNafxt1vstmIO25u_0sasSGehhZXb3gA/s1600/1293.jpg)
![](https://blogger.googleusercontent.com/img/b/R29vZ2xl/AVvXsEiRR8n8r2xuR439O_Q8r-lSbG9rUh9OoOxIPYqZnWeTVePeiGXsn1aBq_HBA8jI5rn-cikyZqKakMb2kKVufXVSxGvKMyXzWLtklqcUdhEzXwnHQTUPe5jq0e7aRyXHIQgKkNkB8-MLl1k/s1600/1292.jpg)
ໃນດ້ານຂອງທ່ານ ເບນຈາມິນ ເນທັນຢາຮູ ນາຍົກລັດຖະມົນຕີຂອງອິດສະຣາແອນ ຮຽກປະຊຸມສຸກເສີນໜ່ວຍງານດ້ານຄວາມໝັ້ນຄົງ ໂດຍກ່າວວ່າ ສະຖານະການທີ່ເກີດຂຶ້ນຖືເປັນສະພາວະທີ່ອິດສະຣາແອນ ແລະ ກຸ່ມຮາມາສ ເຂົ້າໃກ້ສົງຄາມຫຼາຍທີ່ສຸດ ນັບຕັ້ງແຕ່ສົງຄາມເມື່ອກາງປີ 2014 ທີ່ກິນເວລາເກືອບ 2 ເດືອນ ແລະ ມີຜູ້ເສຍຊີວິດຫຼາຍກວ່າ 2,200 ຄົນ ສ່ວນໃຫຍ່ເປັນປະຊາຊົນປາເລສໄຕ (ປາແລັດສະຕິນ) ພ້ອມທັງເຕືອນວ່າອິດສະຣາແອນ ຈະປະຕິບັດການທາງທະຫານຕາມແນວຊາຍແດນໃນລະດັບຮຸນແຮງແບບນີ້ຕໍ່ໄປ ຕາບໃດທີ່ກຸ່ມຮາມາສຍັງບໍ່ຢຸດການໂຈມຕີ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ