ຜູ້ແທນລະດັບສູງເກົາຫຼີເໜືອ ຢ້ຽມຢາມ ສ.ອາເມຣິກາ ເພື່ອພົບປະກຽມພ້ອມຄວາມການເຈລະຈາຂອງສອງຜູ້ນຳ
ສຳນັກຂ່າວຕ່າງປະເທດລາຍງານເມື່ອວັນທີ 30 ພຶດສະພາ 2018 ທີ່ຜ່ານມາວ່າ: ທ່ານ ນາງ ຊາຣາ ແຊນເດີ ໂຄສົກທຳນຽບຂາວຖະແຫຼງເມື່ອວັນພຸດ ທີ່ຜ່ານມາ ຢືນຢັນຄວາມພ້ອມຂອງສະຫະລັດ ອາເມຣິກາ ໃນການທີ່ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ຈະເຂົ້າຮ່ວມພົບປະເຈລະຈາກັບທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ທີ່ປະເທດສິງກະໂປ ໃນວັນທີ 12 ມິຖຸນາ 2018 ນີ້ ແລະ ກ່າວເຖິງຄະນະປະຕິບັດງານ 2 ຄະນະຂອງສະຫະລັດ ອາເມຣິກາ ທີ່ຊຸດໜຶ່ງຢູ່ເກົາຫຼີໃຕ້ ນຳໂດຍທ່ານ ຊອງ ຄິມ ເອກອັກຄະລັດຖະທູດສະຫະລັດ ອາເມຣິກາ ປະຈຳນະຄອນຫຼວງມະນິລາ ພົບປະຫາລືກັບຄະນະຜູ້ແທນຂອງເກົາຫຼີເໜືອ ທີ່ບ້ານປັນມຸຈອມ ແລະ ອີກຄະນະໜຶ່ງແມ່ນຢູ່ປະເທດສິງກະໂປແລ້ວ ແລະ ພົບປະຫາລືກັບເຈົ້າໜ້າທີ່ຂອງລັດຖະບານເກົາຫຼີເໜືອ ວ່າຈະມີການພົບປະກັບອີກ ແຕ່ບໍ່ໄດ້ລົງລາຍລະອຽດ.
ຂະນະດຽວກັນທ່ານ ຄິມ ຢອງ-ຊອນ ຮອງປະທານພັກແຮງງານເກົາຫຼີ ແລະ ອະດີດຜູ້ອຳນວຍການສຳນັກຂ່າວກອງແຫ່ງຊາດເກົາຫຼີ ເຊິ່ງຖືກັນວ່າເປັນບຸກຄົນທີ່ເປັນມືຂວາຂອງທ່ານ ຄິມ ຈອງ-ອຶນ ເດີນທາງດ້ວຍຖ້ຽວບິນຂອງສາຍການບິນ Air China ໄປຍັງນະຄອນນິວຢອກ ເພື່ອພົບປະຫາກັບທ່ານ ໄມ ພອມແພວ ລັດຖະມົນຕີກະຊວງການຕ່າງປະເທດສະຫະລັດ ອາເມຣິກາ ລະຫວ່າງວັນພຸດ ເຖິງ ວັນພະຫັດນີ້ ໂດຍທ່ານ ຄິມ ຢອງ-ຊອນ ອາຍຸ 72 ປີ ຖືເປັນເຈົ້າໜ້າທີ່ລະດັບສູງຂອງລັດຖະບານເກົາຫຼີເໜືອຄົນທຳອິດໃນຮອບ 18 ປີ ທີ່ເດີນທາງຢ້ຽມຢາມສະຫະລັດ ອາເມຣິກາ ຕໍ່ຈາກທ່ານ ໂຈ ມະຢອງ-ຣັອກ ຢ້ຽມຢາມສະຫະລັດ ອາເມຣິກາ ເມື່ອປີ 2000 ແລະ ພົບປະຫາລືກັບທ່ານປະທານປະເທດ ບິວ ຄລິນຕັນ ຂອງສະຫະລັດ ອາເມຣິກາທີ່ທຳນຽບຂາວ.
On May 3⃣1⃣, Foreign Minister Sergey Lavrov will pay an official visit to the DPRK. The foreign ministers are to hold talks in which topical issues on the bilateral & regional agenda will be discussedhttps://t.co/AtLbQWASPa pic.twitter.com/VzGDTHipFL— MFA Russia 🇷🇺 (@mfa_russia) May 30, 2018
ສະແດງຄວາມຄິດເຫັນ