ຍົນຮົບ Su-30 ກອງທັບລັດເຊຍຕົກ ນອກຝັ່ງເບື້ອງຕາເວັນຕົກຂອງຊີຣີ ນັກບິນເສຍຊີວິດ 2 ຄົນ
ສຳນັກຂ່າວຕ່າງປະເທດລາຍງານ 3 ພຶດສະພາ 2018 ວ່າ: ຍົນຮົບແບບ Sukhoi Su-30 ຂອງກອງທັບອາກາດລັດເຊຍ ຕົກລົງໃນທະເລເມດີເຕີເຣນຽນ ນອກຊາຍຝັ່ງເບື້ອງຕາເວັນຕົກຂອງຊີຣີ, ກະຊວງປ້ອງກັນປະເທດລັດເຊຍ ຖະແຫຼງວ່າ: ຂະນະທີ່ຍົນກຳລັງບິນຢູ່ໃນລະດັບສູງ ພາຍຫຼັງບິນຂຶ້ນຈາກຖານທັບຄະໄມມີມ ທາງພາກຕາເວັນຕົກຂອງຊີຣີ ຍົນຮົບ Su-30 ໄດ້ຕົກລົງໃນທະເລເມດີເຕີເຣນຽນ ພ້ອມນັກບິນ 2 ຄົນ ທີ່ພະຍາຍາມກອບກູ້ຍົນຈົນນາທີສຸດທ້າຍ ເຮັດໃຫ້ເສຍຊີວິດຄາຍົນ ແລະ ຖະແຫຼງການຍັງກ່າວອີກວ່າ ຍົນລຳດັ່ງກ່າວບໍ່ໄດ້ຖືກຍິງຕົກ, ສ່ວນສາເຫດຂອງການຕົກແມ່ນກຳລັງຢູ່ໃນຂັ້ນຕອນຂອງການກວດສອບ.
fall of a #Russian plane in the sea off the port city of #Jabla in #Syria pic.twitter.com/M9b2loCTMA— MOHAMMED GHORAB (@MGhorab3) May 3, 2018
ໂດຍອຸປະຕິເຫດຄັ້ງກ່ອນໜ້ານີ້, ແມ່ນເກີດຂຶ້ນເມື່ອເດືອນມີນາ ທີ່ຜ່ານມາ ເຮັດໃຫ້ມີຜູ້ເສຍຊີວິດ 39 ຄົນ ຈາກເຫດຍົນຂົນສົ່ງຂອງກອງທັບລັດເຊຍແບບ Antonov An-26 ຕົກລົງໃນໄລຍະຫ່າງພຽງ 500 ແມັດ ຈາກລານແລ່ນຂອງສະໜາມບິນໃນຖານທັບອາກາດຄະໄມມີມ ຂະນະທີ່ຈະລົງຈອດ.
MORE: Crash may have been caused by a bird hitting the engine, the aircraft did not come under fire - MoD https://t.co/jQjmcru4vv— RT (@RT_com) May 3, 2018
ສະແດງຄວາມຄິດເຫັນ