ເກົາຫຼີເໜືອ - ສ.ອາເມຣິກາ ລົງນາມຮ່ວມກັນ 4 ຂໍ້ ເພື່ອສັນຕິພາບຢູ່ແຫຼມເກົາຫຼີ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEg_jIhLuChH8FeywItWzrKh7HhE6HRri2eeMl0wFywkLZVDsNQKP8XuBouLdUaEA92eQ3GC9syetW7xzykTj0L7jPT7D_l-vAII013JAHt8X_nmGUEgcMi9GeOMpy3GesddPq4rMtu-U34/s1600/1390.jpg)
ສຳນັກຂ່າວຕ່າງປະເທດລາຍງານ 12 ມິຖຸນາ 2018 ວ່າ: ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ແລະ ທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອຮ່ວມກັນລົງນາມໃນເອກະສານສະບັບໜຶ່ງ ເຊິ່ງຜູ້ນຳສະຫະລັດ ອາເມຣິກາກ່າວວ່າເປັນຂໍ້ຕົກລົງທີ່ຄວບຄຸມ ໂດຍສະເພາະການປົດອາວຸດນິວເຄຼຍຢູ່ແຫຼມເກົາຫຼີ ທີ່ຈະເກີດຂຶ້ນໂດຍໄວທີ່ສຸດພາຍໃນອະນາຄົດອັນໃກ້ນີ້, ໂດຍຂໍ້ຕົກລົງສະບັບດັ່ງກ່າວປະກອບມີເນື້ອໃນ 4 ຂໍ້ທີ່ສຳຄັນຄື:
1. ສະຫະລັດ ອາເມຣິກາ ແລະ ເກົາຫຼີເໜືອໃຫ້ຄຳໝັ້ນສັນຍາວ່າຈະສະຖາປະນາສາຍພົວພັນລະຫວ່າງກັນຄັ້ງໃໝ່ ເພື່ອໃຫ້ເປັນໄປຕາມຄວາມປາດຖະໜາຂອງປະຊາຊົນທັງສອງປະເທດ ເພື່ອສັນຕິພາບ ແລະ ຄວາມຮຸ່ງເຮືອງ.
2. ສະຫະລັດ ອາເມຣິກາ ແລະ ເກົາຫຼີເໜືອຈະໃຊ້ຄວາມພະຍາຍາມຮ່ວມກັນໃນການສ້າງສັນຕິພາບທີ່ໝັ້ນຄົງ ແລະ ຍືນຍົງຢູ່ແຫຼມເກົາຫຼີ.
3. ເກົາຫຼີເໜືອໃຫ້ຄຳໝັ້ນສັນຍາວ່າ ຈະເດີນໜ້າຂະບວນການປົດອາວຸດນິວເຄຼຍຢ່າງຖາວອນຢູ່ແຫຼມເກົາຫຼີ ເພື່ອເປັນການຢ້ຳເຖິງເຈດຕະນາຂອງປະຕິຍານປັນມຸນຈອມ ທີ່ສອງເກົາຫຼີໄດ້ຮ່ວມກັນລົງນາມກັນໃນວັນທີ 27 ເມສາ 2018 ທີ່ຜ່ານມາ.
4. ສະຫະລັດ ອາເມຣິກາ ແລະ ເກົາຫຼີເໜືອ ໃຫ້ຄຳໝັ້ນສັນຍາຈະຮ່ວມຄົ້ນຫາສະເລີຍເສິກ-ຜູ້ຫາຍສາບສູນປາງສົງຄາມ ລວມທັງການສົ່ງຕົວ ຫຼື ຮ່າງທີ່ເຫຼືອຢູ່ຜູ້ທີ່ສາມາດພິສູດຕົວຕົນໄດ້ແລ້ວທັນທີ.
ຂະນະດຽວກັນ ຜູ້ນຳສະຫະລັດ ອາເມຣິກາ ກໍ່ໄດ້ກ່າວຊົມເຊີຍຜູ້ນຳເກົາຫຼີເໜືອວ່າ ມີຄວາມສະຫຼຽວສະຫຼາດ, ມີພອນສະຫວັນ ແລະ ເປັນຜູ້ທີ່ມີອຸດົມການຮັກຊາດຢ່າງແຮງກ້າ. ການພົບປະຫາລືກັນທີ່ໂຮງແຮມຄາເປລລາ ບົນເກາະເຊນໂຕຊາໃນຄັ້ງນີ້ ເປັນໂອກາດອັນດີທີ່ຕ່າງຝ່າຍຕ່າງໄດ້ມີໂອກາດສ້າງຄວາມຮັບຮູ້ ແລະ ເຂົ້າໃຈເຊິ່ງກັນ ແລະ ກັນ ແລະ ຫວັງເປັນຢ່າງຍິ່ງວ່າຈະໄດ້ມີໂອກາດພົບປະເຈລະຈາກັນອີກໃນອະນາຄົດ.
ໃນດ້ານຂອງຜູ້ນຳເກົາຫຼີເໜືອບໍ່ໄດ້ກ່າວຫຍັງຫຼາຍຕໍ່ໜ້າຜູ້ສື່ຂ່າວ ແຕ່ໃນຕອນຕົ້ນຂອງການພົບປະຫາລືທ່ານ ຄິມ ຈອງ-ອຶນ ກ່າວວ່າການປະຊຸມຄັ້ງນີ້ຄື ຈຸດເລີ່ມຕົ້ນທີ່ດີຂອງສັນຕິພາບ ແລະ ການປ່ຽນແປງຄັ້ງຍິ່ງໃຫຍ່ທີ່ກຳລັງຈະເກີດຂຶ້ນ ແຕ່ບໍ່ໄດ້ລົງເລິກລາຍລະອຽດ, ເວັ້ນພຽງວ່າເສັ້ນທາງຂອງສາຍພົວພັນລະຫວ່າງສະຫະລັດ ອາເມຣິກາ ກັບ ເກົາຫຼີເໜືອຕໍ່ຈາກໄປຈະບໍ່ຊ້ຳຮອຍປະຫວັດສາດ, ຂະນະທີ່ພາຍຫຼັງສຳເລັດການຮ່ວມລົງນາມທ່ານ ຄິມ ຈອງ-ອຶນ ແລະ ຄະນະກໍ່ໄດ້ເດີນທາງກັບປະເທດເກົາຫຼີເໜືອທັນທີ, ສ່ວນຜູ້ນຳສະຫະລັດ ອາເມຣິກາ ໄດ້ສົ່ງຜູ້ນຳເກົາຫຼີເໜືອ ແລະ ຄະນະອອກເດີນທາງກັບປະເທດດ້ວຍຕົນເອງ ແລະ ຜູ້ນຳສະຫະລັດ ອາເມຣິກາ ແລະ ຄະນະມີກຳນົດເດີນທາງກັບໃນຕອນຄ່ຳຂອງວັນດຽວກັນນີ້ຕາມເວລາທ້ອງຖິ່ນ.
![](https://blogger.googleusercontent.com/img/b/R29vZ2xl/AVvXsEgbzv9x4f3Bo-B_bh88Z7M79GpGpxrBN6yxzgiPHogXSo_ZVR4629RgKIqgqhyphenhyphenoT95sOxdThoQcn-7BRWLV5aC7iqmgKqD7Q8Ht4hQ8KSc8PQ69_gjM3_flYQ_YwcuJu7JuBoscQWGTm3Y/s1600/1386.jpg)
![](https://blogger.googleusercontent.com/img/b/R29vZ2xl/AVvXsEhBesqU8EHZF6N7VIX1Z6hBFPO5i7AsEPhZ1GI1kSAdF98tQ66AtA669qVQ-OYrsWgnQOIIAIoy2nboyxouYpzP2rbInPaETuTeEyhUJVIpnYCjkbvl0-7ixNRr8_FsDCJE57NDGAAgKZ8/s1600/1385.jpg)
![](https://blogger.googleusercontent.com/img/b/R29vZ2xl/AVvXsEgXTGLaQ9behx3NEC9M0yO_MR1g_6MPVJ6aMCNH1-aTkiMDPh44H9KzbamzQ4560UQb9PMKJXR1PgT0rRXiDDwLicYUyrhps7zf_uchiSWemtIpNQO9ScwHC0EQPSQA-wbxakWw4uNgL6c/s1600/1389.jpg)
![](https://blogger.googleusercontent.com/img/b/R29vZ2xl/AVvXsEi_YeFZaFtAqqUwMYCRaOdFjlEKc41IJ5yDFkUC557K-Kin2rV1axDLxL3AQ2t7nWqj6uU6tPvt-HvDowhG8rBVWJhnWOxBGEcHCFvg1pGZXI5hX_BPjPN04lr8QgT439qKZYQv3TdvL_Y/s1600/1388.jpg)
![](https://blogger.googleusercontent.com/img/b/R29vZ2xl/AVvXsEgB0KHDsZkIlv3Azj00iFBaZNm1oAYsqRr4hB9rzlQRQuAd0IXt29AzdibLEnQ8XD4bAevynhUM0Aa_2icmGLhKBahlVQVnY81kWv9P_Z1y3hOnM2YhyphenhyphenagGXhzyq_XmoOI5qgqCcqJXR2k/s1600/1383.jpg)
![](https://blogger.googleusercontent.com/img/b/R29vZ2xl/AVvXsEgeH4DYLDKxieM20MeJtOup1QmvGNVAIQqqr09bKiTHvRBNzFqNeguA1Mw3x61ITjdDDU_jrGMCV1cTa_dc2ulMCUCWBo1Q2KgeMCJedQZplHYiPB-DZZfFNh3kNTuHEmKsX1YMsgSbNdM/s1600/1387.jpg)
![](https://blogger.googleusercontent.com/img/b/R29vZ2xl/AVvXsEg5gb7xLrYAwSd8xGvTccWMt6KSAK4j9zqEYd_6SQZf11d0ZbT6mQZy14yY5G4JJF0puGkRLvbrklgC3a3Ca6RmgOT5AuF7Nsz6ngDHLgkVlzIq1dzlnJ3SQnxK0j_aF-S3IOk5EPLnY8s/s1600/1384.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ