ຈີນມອບຫຼຽນໄຊມິດຕະພາບຂັ້ນສູງສຸດ ໃຫ້ແກ່ຜູ້ນຳລັດເຊຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhJnI-QQGk6AIRCsl56HDYMDl15vW4a4EqHuJHGFEKfWlu9ScUezUYAZJK5GiEXT2r5oZSg3oYs-ictESFRSNuPIH6AxuFxHCYUViSrFP9IVwvu5FGuTZVEaHe4rxN8DVt4MrEk7jqtIgQ/s1600/1325.jpg)
ສຳນັກຂ່າວຕ່າງປະເທດລາຍງານເມື່ອວັນທີ 9 ມິຖຸນາ 2018 ວ່າ: ທ່ານ ສີ ຈິ້ນຜິງ ປະທານປະເທດຈີນ ໄດ້ມຽນຫຼຽນໄຊມິດຕະພາບໃຫ້ແກ່ທ່ານ ປູຕິນ ປະທານປະເທດລັດເຊຍ ເຊິ່ງພິທີໄດ້ຈັດຂຶ້ນຢູ່ມະຫາສາລາປະຊາຊົນ ໃນນະຄອນຫຼວງປັກກິ່ງ ເມື່ອວັນສຸກ ທີ່ຜ່ານມາ, ໂດຍຫຼຽນໄຊດັ່ງກ່າວນີ້ເປັນເຄື່ອງໝາຍກຽດຕິຍົດສູງສຸດທີ່ລັດຖະບານຈີນສ້າງຂຶ້ນມາໃໝ່ ແລະ ທ່ານ ປູຕິນ ຖືເປັນປະມຸກແຫ່ງລັດຕ່າງປະເທດຄົນທຳອິດທີ່ໄດ້ຮັບ.
![](https://blogger.googleusercontent.com/img/b/R29vZ2xl/AVvXsEiafkIcEB4Zrg_IxiTUJhbC_VLlR519SHESLaDmexFa5jymZ2cu66tkacwUtv2kBL5djZgRKHasg8DiWxi0Tnnl0DA_gE52ADx_pPN2rRalj5oH-v0qmNDiUHdXkCF3h76I9pV04jhs86c/s1600/1324.jpg)
ເຊິ່ງຜູ້ນຳຈີນກ່າວເຖິງການມອບຫຼຽນໄຊດັ່ງກ່າວໃຫ້ແກ່ທ່ານ ປູຕິນວ່າ: ເພື່ອຍ້ອງຍໍການທຸ້ມເທອຸທິດຕົນອັນໂດດເດັ່ນ ຂອງປະທານປະເທດລັດເຊຍ ໃນດ້ານການພັດດທະນາປະເທດໃຫ້ມີຄວາມຈະເລີນກ້າວໜ້າ ແລະ ການມີສ່ວນຮ່ວມກັບຂະບວນການຮັກສາສັນຕິພາບໃນໂລກ, ໃນດ້ານຂອງທ່ານ ປູຕິນ ກ່າວເຖິງສາຍພົວພັນລະຫວ່າງລັດເຊຍ-ຈີນ ວ່າ: ເປັນທັງເພື່ອນມິດທີ່ດີ, ເພື່ອນບ້ານທີ່ດີ ແລະ ສາຍພົວພັນລະຫວ່າງກັນພັດທະນາໄປເກີນກວ່າການເປັນຮຸ້ນສ່ວນທາງຍຸດທະສາດແລ້ວ.
![](https://blogger.googleusercontent.com/img/b/R29vZ2xl/AVvXsEhTg3lxNdpE3yOb7cDghUZlpmJtDVVoroGDsWJkqBeeSdOcM5i16ka1214vixYwlD7I3kH0niD6pzc16C0YujNmR-8pViM0zXzYdAXj2DqR0C9yHYnmJ360jF4pxc833wOYOdGjkUPwoxs/s1600/1326.jpg)
ພາຍຫຼັງສຳເລັດພິທີທີ່ນະຄອນຫຼວງປັກກິ່ງ ຜູ້ນຳຈີນ ແລະ ລັດເຊຍໄດ້ເດີນທາງໄປຊົມການແຂ່ງຂັນຮັອກກີ້ນ້ຳແຂງມິດຕະພາບ ລະຫວ່າງທີມເຍົາວະຊົນຂອງທັງສອງປະເທດ ທີ່ນະຄອນທຽນຈິນ ກ່ອນເດີນທາງຕໍ່ໄປຍັງເມືອງຊິງເຕົາ ໃນມົນທົນຊານຕົງ ທາງພາກຕາເວັນອອກຂອງຈີນ ເພື່ອເຂົ້າຮ່ວມພິທີປະຊຸມສຸດຍອດຜູ້ນຳສະມາຊິກການຄວາມມືຊຽງໄຮ (SCO) ໃນທ້າຍອາທິດນີ້, ໂດຍນັບຕັ້ງແຕ່ທ່ານ ສີ ຈິ້ນຜິງ ຂຶ້ນສູ່ອຳນາດເມື່ອປີ 2013 ຜູ້ນຳຈີນໄດ້ພົບປະກັບທ່ານ ປູຕິນ ແລ້ວ 25 ຄັ້ງ ໃນຈຳນວນນີ້ 5 ຄັ້ງເກີດຂຶ້ນເມື່ອປີທີ່ຜ່ານມາ.
![](https://blogger.googleusercontent.com/img/b/R29vZ2xl/AVvXsEgqaf9SB1rTyh91e4ye3bwXNebW8piRN-u4P0wJpSg31V6xfXoygxLHk6_AV-lZLA_DU1pxvXF7fK0K9vBHdV73_CD62SDT_RomOFVtq3vSSoL0McMpnuJbX4cjBZfaKVrubxTEm9j4osM/s1600/1327.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ