ລັດເຊຍປະຕິບັດການທາງອາກາດ ໂຈມຕີເຂດທີ່ໝັ້ນກຸ່ມກະບົດ ຢູ່ພາກໃຕ້ຂອງຊີຣີ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEg2eAfwzZB7LoLBYLEu-5bFIJsh1rtVBsqspTbvhre83QHVKYQqFa5FlHFk41MJXhSGQV-RddMpzDOwh8xPRIACFSH5d2UG-Jf5EiNPIYJPe4mdX4tuXW2Qk095FZmijf3rp0WtcbH7Nfk/s1600/1473.jpg)
ສຳນັກຂ່າວຕ່າງປະເທດລາຍງານເມື່ອວັນທີ 24 ມິຖຸນາ 2018 ທີ່ຜ່ານມາວ່າ: ອົງກອນສັງເກດການດ້ານສິດທິມະນຸດຊີຣີ (SOHR) ລາຍງານວ່າຍົນຮົບຂອງລັດເຊຍ 5 ລຳຈາກຖານທັບອາກາດຄະໄມມິມ ໃນແຂວງລາຕາເຄຍ ແຄມຝັ່ງທາງຕາເວັນຕົກຂອງຊີຣີ ປະຕິບັດການໂຈມຕີທາງອາກາດ 25 ຄັ້ງ ໃນເຂດບຸສຣາ ອັນ-ຮາຣີ ທາງພາກຕາເວັນອອກສຽງເໜືອຂອງເມືອງດາຣາ ເຊິ່ງເປັນເຂດອິດທິພົນຂອງຝ່າຍກະບົດພຽງບໍ່ພໍເທົ່າໃດແຫ່ງທີ່ເຫຼືອຢູ່ໃນພາກຕາເວັນຕົກສຽງໃຕ້ຂອງຊີຣີ ເມື່ອວັນເສົາ 23 ມິຖຸນາ 2018 ທີ່ຜ່ານມາ.
ເຊິ່ງລາຍງານຂອງ SOHR ບໍ່ໄດ້ໃຫ້ລາຍລະອຽດທີ່ຊັດເຈນກ່ຽວກັບຄວາມເສຍຫາຍ ແຕ່ລະບຸວ່າເປັນຄັ້ງທຳອິີດໃນຮອບເກືອບ 1 ປີ ທີ່ກອງທັບລັດເຊຍປະຕິບັດການທາງທະຫານຢູ່ບໍລິເວນດັ່ງກ່າວ ນັບຕັ້ງແຕ່ມີຂໍ້ຕົກລົງຢຸດຍິງສາມຝ່າຍລະຫວ່າງສະຫະລັດ ອາເມຣິກາ, ລັດເຊຍ ແລະ ຊອກດານີ (ຈໍແດນ) ໂດຍໄດ້ຮັບການສະໜັບສະໜູນຈາກລັດຖະບານ ແລະ ຝ່າຍກະບົດ ເມື່ອເດືອນກໍລະກົດ ປີທີ່ຜ່ານມາ. ເຖິງຢ່າງໃດກໍ່ຕາມ SOHR ວິເຄາະວ່າປະຕິບັດການໂຈມຕີທາງອາກາດຂອງກອງທັບລັດເຊຍໃນຄັ້ງນີ້ ເປັນການເປີດທາງໃຫ້ກັບປະຕິບັດການພາກພື້ນດິນຂອງກອງທັບຊີຣີ ໃນການຢຶດບໍລິເວນດັ່ງກ່າວກັບຄືນຈາກກອງທັບປົດປ່ອຍຊີຣີ (FSA) ທີ່ອ່ອນກຳລັງລົງຫຼາຍ. ນອກຈາກນີ້ ພື້ນທີ່ດັ່ງກ່າວຍັງເປັນຈຸດເຊື່ອມຕໍ່ກັບຊາຍແດນຂອງຊອກດານີ ແລະ ພູພຽງໂກລັນ ເຊິ່ງເປັນພື້ນທີ່ຄວາມຂັດແຍ່ງລະຫວ່າງຊີຣີ ກັບ ອິດສະຣາແອນອີກດ້ວຍ.
ເຖິງແມ່ນວ່າສະຫະລັດ ອາເມຣິກາ ຈະສະແດງຄວາມບໍ່ພໍໃຈ ແລະ ເຕືອນລັດເຊຍ ລວມເຖິງເຕືອນລັດຖະບານຊີຣີມາໂດຍຕະຫຼອດ ໃນກໍລະນີທີ່ສະຖານະການການສູ້ຮົບໃນພາກໃຕ້ຂອງຊີຣີທະວີຄວາມຮຸນແຮງຂຶ້ນ ເນື່ອງຈາກເປັນເຂດອິດທິພົນຂອງຝ່າຍກະບົດທີ່ລັດຖະບານສະຫະລັດ ອາເມຣິກາໃຫ້ການສະໜັບສະໜູນຢູ່. ເຖິງຢ່າງໃດກໍ່ຕາມ ສະມາຊິກລະດັບສູງຂອງ FSA ເປີດເຜີຍກັບສຳນັກຂ່າວ Reuters ກ່ຽວກັບການໄດ້ຮັບຈົດໝາຍແຈ້ງຈາກລັດຖະບານສະຫະລັດ ອາເມຣິກາ ມີເນື້ອໃນພຽງວ່າ “ຢ່າຄາດຫວັງກັບການສະໜັບສະໜູນທາງທະຫານຈາກສະຫະລັດ ອາເມຣິກາ ໃນການຮັບມືກັບປະຕິບັດການທາງທະຫານຂອງກອງທັບຊີຣີ ແລະ ລັດເຊຍ”.
![](https://blogger.googleusercontent.com/img/b/R29vZ2xl/AVvXsEgDhiYAjsQtr49kvLkqlDjSMejov6bzDitrtzbJjLrU3bIINBNtnByk6EqMhoEcZlJH0IU9I7k_-1YQbTkmAIrpIIeKeF2YEAt6e50WuLGBSa8d0sNBXrDJbJwVXJsgTp1j-bb_Pjjg_3c/s1600/1471.jpg)
![](https://blogger.googleusercontent.com/img/b/R29vZ2xl/AVvXsEjEI6AWe7ZVKDdv5yHTLXiTQ_-W9Qtt5MEsEvKYcavRzXDUqP5ZKkcpUUqInfMtiw6bcRecoXrL9QzTVoMLvwFytV5m7u4JfPJRvdbFRm1s5BgNQuM7FQ6XW_jV7WvoXJgAQl_6EX73dZ8/s1600/1474.jpg)
![](https://blogger.googleusercontent.com/img/b/R29vZ2xl/AVvXsEgPATHHQ2_xKlxyI6MSFEwBYqmj2x4rusUMdsdQMZY1nDZ29txiWuVynpblSqceI3sDy83XdCvVaj77tQgr_EfM6g_3awNZ0gEnErInSdDCMUK-B-8VkVLVehLZNFYTBMf33RXspOvourA/s1600/1470.jpg)
![](https://blogger.googleusercontent.com/img/b/R29vZ2xl/AVvXsEh_tTCxfQgloLEXK0tndmq8tM3mQ1YUhRRYGF1YQDUIvFCe_hLbi1KV0zBB3ig4M1XgT5S7v-s9ejq5bmZAB4r4kYrP_FA5f1TLNjyv5tUuZIz8piTSuKxr_nRxDH6yKwn7-4RGYBWhxTI/s1600/1472.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ