ຫວຽດນາມເນລະເທດ ພົນລະເມືອງ ສ.ອາເມຣິກາ ທີ່ຮ່ວມຂະບວນປະທ້ວງຕໍ່ຕ້ານລັດຖະບານ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjbtJ6VZHO-21MzyZB1ufroAzPZsXFr1A9xHZW9Z11EhlAMjRhn-zIuEJvNghILIs7ooAMRbd0rhWWAlkMWkBnRZ39Ssy0SFSzx3-l17OXmW2Y073ssjfixEm300zbQ6VSPqh1RqR6DBRM/s1600/1615.jpg)
ສຳນັກຂ່າວຕ່າງປະເທດລາຍງານ 20 ກໍລະກົດ 2018 ວ່າ: ສານປະຊາຊົນນະຄອນໂຮຈິມິນ ມີຄຳຕັດສິນໃນວັນສຸກນີ້ ພາຍຫຼັງໃຊ້ເວລາໄຕ່ສວນບໍ່ພໍເທົ່າໃດຊົ່ວໂມງວ່າ ທ້າວ ວິນລຽມ ຫງວຽນ ພົນລະເມືອງສະຫະລັດ ອາເມຣິກາ ເຊື້ອສາຍຫວຽດນາມ ອາຍຸ 32 ປີ ກະທຳຄວາມຜິດຈິງຕາມຂໍ້ກ່າວຫາວ່າ ຮ່ວມການໂຮມຊຸມນຸມ ແລະ ສ້າງບັນຫາຕໍ່ສັງຄົມ ດ້ວຍການຮ່ວມເດີນຂະບວນປະທ້ວງຕໍ່ຕ້ານລັດຖະບານຫວຽດນາມ ທີ່ນະຄອນໂຮຈິມິນ ເມື່ອວັນທີ 10 ມິຖຸນາ ທີ່ຜ່ານມາ ເຊິ່ງຖືເປັນກິດຈະກຳທີ່ຜິດກົດໝາຍ.
![](https://blogger.googleusercontent.com/img/b/R29vZ2xl/AVvXsEjVCvBgxn0DVPR0YeE4hSs1tA3Om47O6fgSCVGfnPudzc0SLCssLrUttgzDKpE7U2G3fsAzFQMtrayjeUDQ5FOaEl4j_oZOl0DarmEEJDlQiI_2OVDOZcOjX2t08Sc5tVs-fQJL8-KWK8g/s1600/1616.jpg)
ເຊິ່ງລາຍງານຂອງສື່ທ້ອງຖິ່ນຫຼາຍແຫ່ງລະບຸວ່າ ຈຳເລີຍໃຫ້ການຮັບສາລະພາບ ແລະ ສະແດງການຍອມຮັບຜິດ ຜູ້ພິພາກສາຈຶ່ງລະເວັ້ນລົງໂທດຕິດຄຸກສູງສຸດເຖິງ 7 ປີ ແຕ່ໃຫ້ເນລະເທດຈຳເລີຍອອກຈາກຫວຽດນາມທັນທີ, ຂະນະທີ່ສະຖານທູດສະຫະລັດ ອາເມຣິກາໃນນະຄອນຫຼວງຮາໂນຍອອກຖະແຫຼງການຍອມຮັບຄຳພິພາກສາ ແລະ ສະແດງຄວາມສະບາຍໃຈ ພ້ອມທັງຢືນຢັນວ່າພາຍຫຼັງສຳເລັດການຊຳລະຄ່າທຳນຽມ ແລະ ດຳເນີນເລື່ອງເອກະສານທີ່ກ່ຽວຂ້ອງເປັນທີ່ຮຽບຮ້ອຍແລ້ວ ຈະໃຫ້ທ້າວ ວິນລຽມ ຫງວຽນ ເດີນທາງກັບສະຫະລັດ ອາເມຣິກາໃນທັນທີ.
![](https://blogger.googleusercontent.com/img/b/R29vZ2xl/AVvXsEhNGm0K86S2uVUv33KyYxphNQyvSCwNZCOxCnWSTnkfykS6VqjLJPs9GXe0obsxJTC_2V6iAZJ2HuJtUuEgOHMosfvpZFsWBvQrNZeQ8HeWvDFs9lt8MQY-OODywp2yHW7NX1IoHIbswWs/s1600/1617.jpg)
ເຊິ່ງການໂຮມຊຸມນຸມເດີນຂະບວນຕໍ່ຕ້ານລັດຖະບານຫວຽດນາມທີ່ມີປະຊາຊົນຊາວອາເມຣິກາເຂົ້າຮ່ວມນີ້ ເປັນການເຄື່ອນໄຫວເພື່ອຄັດຄ້ານຮ່າງກົດໝາຍເຂດເສດຖະກິດພິເສດ ເຊິ່ງເປີດໂອກາດໃຫ້ພາກເອກະຊົນສາມາດເຊົ່າເນື້ອທີ່ດິນພາຍໃນເຂດເສດຖະກິດພິເສດຫຼາຍແຫ່ງຂອງປະເທດໄດ້ສູງສຸດເຖິງ 99 ປີ ແລະ ຫຼາຍຝ່າຍຕີລາຄາວ່າຈະເປັນການເອື້ອຜົນປະໂຫຍດໃຫ້ກັບຈີນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ