ແພດ-ໜໍກອງທັບຈີນ ນຳໃຊ້ເຕັກນິກຂັ້ນສູງໃນການປິ່ນປົວ ແລະ ປ້ອງກັນພະຍາດໃຫ້ຜູ້ປະສົບໄພທີ່ສະໜາມໄຊ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgjeUg_GiYzLSlV5WMNFckBo5vgcO4aoiLpARF2JwnOVyZ0hQ2BkopnJNxviqIK1GLDjBU7MMPHTC_6ZOfxOzeSZFbk5nSXpNnb-00R91KJo6KnAQPGSwsvw5FbravLD7CbCBOGPzuhASQ/s1600/1850.jpg)
ວິທະຍຸກະຈາຍສຽງແຫ່ງປະເທດຈີນລາຍງານ 28 ກໍລະກົດ 2018 ວ່າ: ປັດຈຸບັນ, ໜ່ວຍງານປິ່ນປົວ “ເຮີພີງເລ້ຍເຊີ່” (ຂະບວນລົດໄຟສັນຕິພາບ )ທີ່ຂຶ້ນກັບກອງທັບປົດປ່ອຍປະຊາຊົນຈີນກຳລັງປະຈຳຢູ່ເມືອງສະໜາມໄຊ ແຂວງອັດຕະປື ໃນເຂດປະສົບໄພນໍ້າຖ້ວມໜັກໜ່ວງທີ່ສຸດຍ້ອນເຫດເຂື່ອນເຊປຽນ-ເຊນ້ຳນ້ອຍແຕກ, ເພື່ອດຳເນີນວຽກງານການປິ່ນປົວ ແລະ ປ້ອງກັນພະຍາດ. ໜ່ວຍງານປິ່ນປົວໜ່ວຍນີ້ໄດ້ປະກອບມີນັກວິຊາການປ້ອງກັນພະຍາດ 4 ຄົນຈາກກອງທັບຈີນ ພ້ອມທັງລົດປ້ອງກັນພະຍາດເຕັກນິກສູງຄັນໜຶ່ງ ແລະ ອຸປະກອນຂ້າເຊື້ອຫຼາຍຊະນິດ. ຕາມຂ່າວແຈ້ງວ່າ: ລົດປ້ອງກັນພະຍາດຄັນນີ້ເປັນລົດທີ່ມີອຸປະກອນສາທາລະນະສຸກທັນສະໄໝທີ່ສຸດຂອງກອງທັບປົດປ່ອຍປະຊາຊົນຈີນ, ຍັງແມ່ນລົດເຕັກນິກສະເພາະທີ່ມີບົດບາດຂ້າເຊື້ອໃນຂອບເຂດກວ້າງພຽງຄັນດຽວຢູ່ເຂດປະສົບໄພແຂວງອັດຕະປືໃນປະຈຸບັນນີ້.
![](https://blogger.googleusercontent.com/img/b/R29vZ2xl/AVvXsEhUoz5aD0kLEWldsM7zBPkyevJFyNa7bNvfbQXCldGZp6NkIeSZdFWYtDkX0EW_zSqVj1-9_Hyu6rw5EJ4obbqyxIbqmhCGTWWqiBhHQBhJ9JR5WziWSN6MN8Z7HVBYe3P3iK6IqbQ23H4/s1600/1851.jpg)
ເພື່ອຮັບມືກັບຄວາມສ່ຽງທີ່ອາດຈະເກີດມີການແຜ່ລະບາດຫຼັງໄພນໍ້າຖ້ວມ, ໜ່ວຍງານປິ່ນປົວກອງທັບປົດປ່ອຍປະຊາຊົນຈີນໄດ້ຊ່ວຍສູນຍົກຍ້າຍປະຊາຊົນຊົ່ວຄາວຂອງເຂດປະສົບໄພລວມທັງສ້າງລະບົບລາຍງານຜູ້ເປັນພະຍາດຕິດແປດ, ຊ່ວຍຄຸ້ມຄອງແຫຼ່ງນໍ້າດື່ມ, ດຳເນີນການສຶກສາອົບຮົມກ່ຽວກັບວິທີປ້ອງກັນພະຍາດ ແລະ ການຮັກສາອະນາໄມ, ພ້ອມທັງມີຂໍ້ແນະນຳກ່ຽວກັບການປ້ອງກັນພະຍາດໂດຍສະເພາະ ແລະໄດ້ຍື່ນໃຫ້ພາກສ່ວນສາທາລະນະສຸກຂອງລັດແລະກອງທັບຂອງລາວ.
![](https://blogger.googleusercontent.com/img/b/R29vZ2xl/AVvXsEhr0b8Mtsqi42UJ3nXawJWLLhdO8Z-ZbopeMuhG62-5s90svDbIwOvkEJdEeM0yug6YUuDUMqCvEKKJ5JBpJiZ0Gf5M_gRuIyu9cxmawCvEUk3pBud8S_f5aSKg1UL8TA93Xzeqm-_nXi0/s1600/1852.jpg)
![](https://blogger.googleusercontent.com/img/b/R29vZ2xl/AVvXsEhGOQ3SrTVgZtP5WyUxEulaCfoxt34r34odrBe7vcwGp729BaqnisBt03M57Lr92m7t7OUk-Jz-PA3jiV6ZQDuevy9kGJ7OO_DWcNxbEXNi1nX2FQJv-FuQf539DR69aVeioORJCIm2FvY/s1600/1853.jpg)
![](https://blogger.googleusercontent.com/img/b/R29vZ2xl/AVvXsEgvHBPOq7R8IBtNRUxrw4AdxGq3upCQwyurPdNKW6OYlJ7MJz0GurynHj09A9lVqXG2-pYj0wPu6T6hAjx9eAVADj9VScpVEhglcdLu_d-lWflMBUQJPgljGmMM_80yLQW4oM3UTnAFw3I/s1600/1854.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ