ຈຸດທີ່ແຕກຂອງເຂື່ອນເຊປຽນ-ເຊນ້ຳນ້ອຍ ແມ່ນສັນດິນກັ້ນອ້າງເກັບນ້ຳລະຫວ່າງໜ່ວຍພູ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgF51bmoFS_IuR_TJjjNu-rHT9fqJluu-OzBi_M7T08JX-iSaD2nm1TiapyOEQtXA1yROAaUQI0Wkbzn564Au-yFY30DZf0dhXhqQzFosRgfb0uJxBSDNuCdDlOtHSuqio8Frx2zrXg5yo/s1600/1707.jpg)
ລາຍງານ 24 ກໍລະກົດ 2018, ຈາກການເປີດເຜີຍຂອງບໍລິສັດຜະລິດໄຟຟ້າຣາດຊະບຸຣີໂຮດດິງ ຈຳກັດ ໜຶ່ງໃນຜູ້ຖືຮຸ້ນບໍລິສັດໄຟຟ້າເຊປຽນ-ເຊນ້ຳນ້ອຍ ໃນອັດຕາສ່ວນ 25% ໄດ້ອອກຈົດໝາຍຊີ້ແຈງຕໍ່ກໍລະນີເຂື່ອນແຕກວ່າ: ໄດ້ຮັບແຈ້ງຈາກບໍລິສັດເຊປຽນ-ເຊນ້ຳນ້ອຍວ່າ: ເມື່ອວັນທີ 23 ກໍລະກົດ 2018 ທີ່ຜ່ານມາ ເຂື່ອນດິນຂັ້ນລະຫວ່າງໜ່ວຍພູ ສ່ວນ D (Saddle Dam D) ຂະໜາດສັນເຂື່ອນກວ້າງ 8 ແມັດ, ຍາວ 770 ແມັດ ແລະ ສູງ 16 ແມັດ ທີ່ສ້າງຂຶ້ນເພື່ອເສີມການກັ້ນນ້ຳຮອບອ້າງນ້ຳເຊນ້ຳນ້ອຍ ໄດ້ແຕກພັງລົງ ເຮັດໃຫ້ນ້ຳໄຫຼອອກສູ່ພື້ນທີ່ທ້າຍນ້ຳ ແລະ ລົງສູ່ນ້ຳເຊປຽນທີ່ຢູ່ຫ່າງຈາກເຂື່ອນປະມານ 5 ກິໂລແມັດ ໂດຍເຫດທີ່ເກີດຂຶ້ນດັ່ງກ່າວສ່ວນໜຶ່ງເປັນຜົນມາຈາກພາຍຸຝົນທີ່ຕົກໜັກຕໍ່ເນື່ອງ ເຮັດໃຫ້ມີປະລິມານນ້ຳຈຳນວນຫຼາຍໄຫຼເຂົ້າສູ່ອ້າງເກັບນ້ຳຂອງໂຄງການ.
![](https://blogger.googleusercontent.com/img/b/R29vZ2xl/AVvXsEjhN6eeYAx3vWfFRqBO89B9r6VmPNLANhIkVEFf71tSZJVYo5DT5BPZ2tfyaK_IFAK-q9VoccCJpjhRYOKjclGfs_PPjg_1RvCZamdvf01JWfkbri9g2H2WjXmuPX3qzr83Ft7zR1hhz0Q/s1600/1644.jpg)
ເຂື່ອນເຊປຽນ-ເຊນ້ຳນ້ອຍ ຕັ້ງຢູ່ພູພຽງບໍລິເວນ ເຂດເມືອງປາກຊ່ອງ ແຂວງຈຳປາສັກ ຕໍ່ໃສ່ຊາຍແດນຂອງອັດຕະປື ເຊິ່ງໄດ້ເລີ່ມລົງມືກໍ່ສ້າງມານັບຕັ້ງແຕ່ທ້າຍປີ 2013 ແລະ ຄາດວ່າຈະສຳເລັດໃນຕົ້ນປີ 2019 ໂດຍມີເຈົ້າຂອງໂຄງການແມ່ນບໍລິສັດໄຟຟ້າເຊປຽນ-ເຊນ້ຳນ້ອຍ ພາຍໃຕ້ການຮ່ວມຮຸ້ນຂອງບໍລິສັດ SK Engineering and Construction (SK E) ຈາກປະເທດເກົາຫຼີໃຕ້ຖືຮຸ້ນ 26%, ບໍລິສັດ Korea Western Power (KOWEPO) ຈາກປະເທດເກົາຫຼີໃຕ້ ຖືຮຸ້ນ 25%, ບໍລິສັດ Generating Holding Public (RATCH) ຈາກປະເທດໄທ ຖືຮຸ້ນ 25% ແລະ ລັດວິສາຫະກິດຖືຮຸ້ນລາວ (LHSE) ຖືຮຸ້ນ 24% ດ້ວຍມູນຄ່າຂອງໂຄງການ 1,020 ລ້ານໂດລາສະຫະລັດ.
ເຂື່ອນມີກຳລັງຕິດຕັ້ງ 410 ເມກາວັດ ເຊິ່ງຈະຂາຍໄຟຟ້າໃຫ້ຝ່າຍການຜະລິດແຫ່ງປະເທດໄທ (EGAT) 90% ແລະ ລັດວິສາຫະກິດໄຟຟ້າລາວ (EDL) 10%, ໂຄງການນີ້ມີອາຍຸສຳປະທານ 27 ປີ ເຊິ່ງເປັນໂຄງການທີ່ມີລັກສະນະການກໍ່ສ້າງດ້ວຍຮູບແບບການຈັດສັນນ້ຳ ໂດຍໃຊ້ຮູບແບບການຜັນນ້ຳຈາກບ່ອນສູງລົງສູ່ບ່ອນຕ່ຳເຊັ່ນ: ການພັດທະນາຝາຍຫ້ວຍໝາກຈັນ ໂດຍການຂຸດທໍ່ຜັນນ້ຳໃຫ້ໄຫຼລົງສູ່ອ່າງເກັບນ້ຳເຂື່ອນເຊປຽນ ຂຸດທໍ່ຜັນນ້ຳຈາກເຂື່ອນເຊປຽນໃຫ້ໄຫຼລົງສູ່ເຂື່ອນເຊນ້ຳນ້ອຍ ແລ້ວເຈາະອຸມົງຜັນນ້ຳລົງສູ່ເຮືອນຈັກຢູ່ແຂວງອັດຕະປື.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ