ບັນຍາກາດແຫ່ງນ້ຳຕາ ສອງພີ່ນ້ອງເກົາຫຼີ ໄດ້ພົບກັນເປັນຄັ້ງແລກໃນຮອບ 6 ທົດສະວັດ ແລະ ເປັນງານຮວມຍາດພີ່ນ້ອງຄັ້ງທຳອິດໃນຮອບ 3 ປີ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEg4rfqsSyzGqIrLdvCV2kwjpmZNyk7jYvn7Gvt8ZNGiXJHjyONj-zAvj6VEtmmn_uTm74BtxEs2dsmI0LDL_s5AMIapH4Rl1kPUX1ynvRL5r4LgIAGWNIF_Ucwgc1d9ZLSxJfCKcJj0oV0/s1600/000_18H33K.jpg)
ສຳນັກຂ່າວຕ່າງປະເທດລາຍງານ 21 ສິງຫາ 2018 ວ່າ: ປະຊາຊົນເກົາຫຼີໃຕ້ປະມານ 330 ຄົນ ຈາກ 89 ຄອບຄົວ ແລະ ປະຊາຊົນເກົາຫຼີເໜືອ 185 ຄົນ ເຊິ່ງຕ່າງເປັນສະມາຊິກໃນຄອບຄົວດຽວກັນ ແລະ ຍາດພີ່ນ້ອງທີ່ພັດພາກຈາກກັນຕັ້ງແຕ່ສະໄໝສົ່ງຄາມເກົາຫຼີລະຫວ່າງປີ 1950-1953 ມີໂອກາດໄດ້ພົບປະກັນເປັນຄັ້ງທຳອິດໃນຮອບກວ່າ 6 ທົດສະວັດ ທີ່ຣີສອດເບິ່ງພູຄຸມກັງ ທາງຕອນໃຕ້ຂອງເກົາຫຼີເໜືອ ເມື່ອວັນຈັນທີ່ຜ່ານມາ ໂດຍເປັນວັນທຳອິດຈາກທັງໝົດ 3 ວັນຂອງງານລວມຍາດພີ່ນ້ອງສອງເກົາຫຼີ ທີ່ຈັດຂຶ້ນເປັນຄັ້ງທຳອິດນັບຕັ້ງແຕ່ປີ 2015.
ເຖິງແມ່ນວ່າຊ່ວງເວລາຂອງການພົບກັນໃນມື້ທຳອິດເປັນເວລາພຽງບໍ່ພໍເທົ່າໃດຊົ່ວໂມງ ແລະ ຢູ່ພາຍໃຕ້ການສັງເກດການຢ່າງໃກ້ຊິດຂອງເຈົ້າໜ້າທີ່ທັງສອງປະເທດ ແຕ່ບັນຍາກກາດເຕັມໄປດ້ວຍນ້ຳຕາແຫ່ງຄວາມສຸກຂອງທຸກຄອບຄົວ ທີ່ເກີດກວ່າເຄິ່ງຢູ່ໃນໄວອາຍຸແກ່ ແລະ ມີອາຍຸເກີນ 80 ປີແລ້ວ ພ້ອມທັງຫວັງວ່າຈະໄດ້ພົບປະກັບບຸກຄົນສາຍເລືອດດຽວກັນທີ່ຢູ່ອີກຝັ່ງໜຶ່ງຂອງຊາຍແດນກ່ອນຕາຍຈາກກັນ.
ສຳລັບການຮ່ວມມືລະຫວ່າງສອງເກົາຫຼີໃນການຈັດງານລວມຍາດພີ່ນ້ອງຄັ້ງນີ້ ເປັນຜົນມາຈາກການພົບປະຫາລືລະຫວ່າງທ່ານ ມູນ ແຈ-ອິນ ປະທານປະເທດເກົາຫຼີໃຕ້ ກັບ ທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ທີ່ບ້ານປັນມຸນຈອມ ເຂດປອດທະຫານຝັ່ງເກົາຫຼີໃຕ້ ເມື່ອວັນທີ 27 ເມສາ ທີ່ຜ່ານມາ, ໂດຍນອກຈາກປະຊາຊົນເກົາຫຼີໃຕ້ ແລະ ເກົາຫຼີເໜືອກຸ່ມນີ້ເຊິ່ງຕ່າງໄດ້ຮັບການຄັດເລືອກຈາກລັດຖະບານຂອງຕົນເອງ ໃຫ້ເຂົ້າຮ່ວມງານພົບຍາດພີ່ນ້ອງແລ້ວ ຍັງມີພົນລະເມືອງເກົາຫຼີໃຕ້ອີກປະທານ 3,700 ຄົນໄດ້ຮັບອະນຸຍາດໃຫ້ສົ່ງວິດີໂອໄປເຖິງພົນລະເມືອງເກົາຫຼີເໜືອ ເຊິ່ງໄດ້ຮັບການກວດສອບແລ້ວວ່າເປັນສາຍເລືອດດຽວກັນອີກດ້ວຍ.
ເຊິ່ງສະຖິຕິຂອງກະຊວງຮວມຊາດເກົາຫຼີໃຕ້ເປີດເຜີຍວ່າ ປັດຈຸບັນມີປະຊາຊົນເກົາຫຼີໃຕ້ປະມານ 600,000 ເຖິງ 700,000 ຄົນ ຍັງຄົງມີສະມາຊິກສາຍກົງ ຫຼື ຍາດພີ່ນ້ອງອາໄສຢູ່ເກົາຫຼີເໜືອ ໜຶ່ງໃນນັ້ນລວມເຖິງຜູ້ນຳເກົາຫຼີໃຕ້ຄົນປັດຈຸບັນ ໂດຍທ່ານ ມູນ ແຈ-ອິນ ເຄີຍໄດ້ຮັບການຄັດເລືອກໃຫ້ເຂົ້າຮ່ວມງານຮວມຍາດພີ່ນ້ອງເມື່ອປີ 2004 ແລະ ໄດ້ພົບກັບແມ່ປ້າ ທີ່ເປັນປະຊາຊົນເກົາຫຼີເໜືອ, ອີກຢ່າງໜຶ່ງ ສອງເກົາຫຼີໄດ້ຈັດງານຮວມຍາດພີ່ນ້ອງແລ້ວປະມານ 20 ຄັ້ງ ຄັ້ງທຳອິດເກີດຂຶ້ນເມື່ອປີ 2000 ແລະ ລັດຖະບານເກົາຫຼີໃຕ້ຊຸດປັດຈຸບັນຫວັງເປັນຢ່າງຍິ່ງວ່າ ຈະສາມາດຈັດງານໄດ້ເລື້ອຍໆໄປຫຼາຍຄັ້ງກວ່ານີ້.
![](https://blogger.googleusercontent.com/img/b/R29vZ2xl/AVvXsEhixqUUHZ5y5AvGz3X7OKZNvWcpQRRuxnWvuo61Q9y28Ix9u9ew96Z3W-TcdB7byHgsa_PdX6U89dBC2oWjqDJK_enVgKQL68kdxe0bhLNdD-oF2owyjAYTMrBVAOHsq-Nm5tE7nDVKlI8/s1600/000_18I0S7.jpg)
![](https://blogger.googleusercontent.com/img/b/R29vZ2xl/AVvXsEgmwUtI5QweLz1GoC3okKsWaVSGxiAob06EbmnFowZ0Gce_W2Bm7WWndvYgIcAM1YPrf_7ePc4CUN5Lyk8CiOKJ89wtVzwmlsvoYauwTgs1QPMUv4L3bGieR6T6ZFAoaYd50ZRolIhN_fo/s1600/000_18I0SB.jpg)
![](https://blogger.googleusercontent.com/img/b/R29vZ2xl/AVvXsEjddVNgjlTuoBuuDUB9fmEsAHf_3liJuzGP6LqjGjjYlmVyyB3-ylqu2UHm1dkVA6y29Jf5FwMzcA_LX4lQ72MhFcxYEGbf21TJIWwMjNiRAWy3H6xIHNneNNr6F_EREs5PtaSoDIOPISU/s1600/000_18H2M3.jpg)
![](https://blogger.googleusercontent.com/img/b/R29vZ2xl/AVvXsEhEo3Au1LpeO8F5RMHgye_YhS1X62ySEzDqIdw_N-XJLSnDuQsbw9TG0Sc5iinTaj01yGKEPOGDKN4bWunvsi_UVHepxWo1gy6QIMmkYMhaJTZesAR2g8qsmu-C_POgbKGRbrb6KQCcyiQ/s1600/000_18H2FQ.jpg)
![](https://blogger.googleusercontent.com/img/b/R29vZ2xl/AVvXsEi7q2e8Nq7WlhNIbBlpu9367r5Khyo2xyNOGOssNixiPyFTJ_WXubGg7Bbi5lcSqxG1fp-kYfx1Isc_AJBIAxu9lYlRYCdEDAdDoHgQch8E1PQfkqaKou-7PW6_Cv13OWZcCtXpRCmGPAk/s1600/000_18H2M1.jpg)
![](https://blogger.googleusercontent.com/img/b/R29vZ2xl/AVvXsEiG-6OSmuV21rK4Y5L3jcBYj7bk8SK5RLytTQ3xaRR4Fh8eZ-iqX69oyyv2mCUbyuubP6mZ88nmTGIWD1n9vsWtuOI-mmeUjjCjTRzbBo9RlBBQy-_Lbqru6DAlXNSffAnv6J3O9H3l5GY/s1600/000_18H2OY.jpg)
![](https://blogger.googleusercontent.com/img/b/R29vZ2xl/AVvXsEi6BecOjkED0EiaSooUjy1-7pNomYdDHY7FQwuxUW-lV8DU9Rro7tJXwTS8Ri5wFnCuP8JRDeOSa74KURdlkWhQz5GOP21tTRTvNacASEJwAWj5LmUs8iJHiV98e0cVoa3Xr6JgN8Ppjgk/s1600/000_18H2FR.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ