ສະຖານທູດ ສ.ອາເມຣິກາ ໃນຕວັກກີຖືກຍິງ ທ່າມກາງຄວາມເຄັ່ງຕຶງທັງທາງການເມືອງ ແລະ ເສດຖະກິດຂອງສອງຝ່າຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEi2ha4UjQCnErpbep4DccWA36xN0c_7ljKo3ZKGjy85ztXADyDb9Q9uT7UXxvWiarcozO1zcYdGoQKF-JtlfS0bwPY8SN5pdguUEgSso-biCe6anM6lbFbI9WPtx-nDrfISVtEOe1Li5t0/s1600/000_18H2N2.jpg)
ສຳນັກຂ່າວຕ່າງປະເທດລາຍງານ 20 ສິງຫາ 2018 ວ່າ: ຕຳຫຼວດນະຄອນຫຼວງອັງກາຣາລາຍງານການເກີດເຫດຄົນຮ້າຍໃຊ້ລົດສີຂາວເປັນພາຫະນະ ຂັບຜ່ານໜ້າສະຖານເອກອັກຄະລັດຖະທູດສະຫະລັດ ອາເມຣິກາ ປະຈຳນະຄອນຫຼວງອັງກາຣາ ປະເທດຕວັກກີ ເມື່ອວເລາ 05:00 ໂມງ ຕາມເວລາທ້ອງຖິ່ນຂອງວັນຈັນນີ້ ແລ້ວຍິງປືນປະມານ 4-5 ນັດ ເຂົ້າໃສ່ສ່ວນທີ່ເປັນຫ້ອງຂອງເຈົ້າໜ້າທີ່ຮັກສາຄວາມປອດໄພ ທີ່ຕັ້ງຢູ່ບໍລິເວນປະຕູໝາຍເລກ 6 ກ່ອນຫຼົບໜີໄປຢ່າງວ່ອງໄວ.
ເຊິ່ງເຈົ້າໜ້າທີ່ກຳລັງເລັ່ງຕິດຕາມຫາຕົວຄົນຮ້າຍຈາກກ້ອງວົງຈອນປິດ ທີ່ຕັ້ງຢູ່ຮອບສະຖານທູດ, ໃນຂະນະທີ່ທ່ານ ເດວິດ ໄກເນີ ໂຄສົກສະຖານທູດສະຫະລັດ ອາເມຣິກາກ່າວວ່າ ເຖິງແມ່ນວ່າລູກປືນໄດ້ສ້າງຄວາມເສຍຫາຍໃຫ້ກັບແວ່ນແກ້ວຂອງອາຄານ ແຕ່ກໍ່ບໍ່ໄດ້ຮ້າຍແຮງ ແລະ ບໍ່ມີຜູ້ໄດ້ຮັບບາດເຈັບຈາກເຫດການຄັ້ງນີ້ ເພາະສະຖານທູດປິດໃຫ້ບໍລິການໃນອາທິດນີ້ ເນື່ອງຈາກເປັນຊ່ວງເທດສະການອີດິນ-ອັນ-ອັດຮາ ເພື່ອຮ່ວມສະເຫຼີມສະຫຼອງການປະກອບພິທີຮັດ ທີ່ເມືອງເມກກະ ໃນອາຣັບບີ ຊາອູດິດ.
![](https://blogger.googleusercontent.com/img/b/R29vZ2xl/AVvXsEhNpJ1jrWaGkOAXynZAZodsbgPfCmi8xCWw2hqI_u0R3c_DZ8YN8fQ-pQabCvyiCSRFq4-NopKmfOIkrP7-XX8v_NfkLD0QCTFHhCWf6tlPQBpZ_iewmqzciFPOXrD0iOFAA2uBjN54VRg/s1600/000_18H2MP.jpg)
![](https://blogger.googleusercontent.com/img/b/R29vZ2xl/AVvXsEjUK9AUSdbZAMxue75QbHjesIhm2-riaaRxxm6eKBBFM3s28Q2zzxJFSY2clYhKTipsAVmQMKelpxCO-YqLLd4DdW_CujE0mEFzDNrCwDFm3g0xhqmvHCxeLOHmVGzMXsJnYWXPPsyEgBc/s1600/000_18H2M6.jpg)
ເຖິງຢ່າງໃດກໍ່ຕາມ, ເຫດການດັ່ງກ່າວເກີດຂຶ້ນຢ່າງພໍດິບພໍດີກັນກັບໄລຍະທີ່ສາຍພົວພັນລະຫວ່າງສະຫະລັດ ອາເມຣິກາ ກັບ ຕວັກກີກຳລັງເຄັ່ງຕຶງຢ່າງຮຸນແຮງ ຈາກກໍລະນີທີ່ລັດຖະບານຕວັກກີຈັບກຸມ ແລະ ດຳເນີນຄະດີກໍ່ການຮ້າຍກັບທ່ານ ແອນດຼູ ບຼັນສັນ ບາດຫຼວງຊາວອາເມຣິກາ ແລະ ສະຫະລັດ ອາເມຣິກາເດີນໜ້າຂວໍ້າບາດທາງເສດຖະກິດຕໍ່ຕວັກກີຢ່າງຕໍ່ເນື່ອງ ກົດດັນໃຫ້ຄ່າເງິນລີຣາຂອງຕວັກກີອ່ອນຄ່າລົງເປັນປະຫວັດສາດ ແຕ່ທ່ານ ເຣເຊບ ເທຢິບ ເອີໂດກັນ ປະທານປະເທດຕວັກກີ ຢືນຢັນວ່າຈະບໍ່ມີທາງເປັນຝ່າຍອ່ອນຂໍ້ໃນເລື່ອງນີ້.
Shots fired at gate of US Embassy in Turkey, but no one hurt https://t.co/VP8Q8yjuv8 pic.twitter.com/KiPgVqfttt— Fox News (@FoxNews) August 20, 2018
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ