ທ່ານ ໂຄຟີ ອັນນັນ ອະດີດເລຂາທິການໃຫຍ່ສະຫະປະຊາຊາດເຖິງແກ່ກຳ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhSyGkjggAYEs-i0JTN3UtPkHS8wJd_y1dxMng8JcVCsOqM__qRIlaCf102asClmCUg1wlBblr01IIyFON0bTnDXTCXsOjyyLsffbd0KO_evBg-RubdsvDpoIUYKKk9Lju5w13CFnatBls/s1600/000_18F9KK.jpg)
ສຳນັກຂ່າວຕ່າງປະເທດລາຍງານ 18 ສິງຫາ 2018 ວ່າ: ມູນນິທິໂຄຟີ ອັນນັນຖະແຫຼງວ່າ: ທ່ານ ໂຄຟີ ອັນນັນ ໜຶ່ງໃນນັກການທູດທີ່ມີຊື່ສຽງທີ່ສຸດຂອງໂລກ ແລະ ມີສະເໜ່ຈົນເປັນສັນຍາລັກຂອງອົງການສະຫະປະຊາຊາດ (UN) ຈົນກ້າວຂຶ້ນສູ່ຕຳແໜ່ງສູງສຸດເປັນເລຂາທິການໃຫຍ່ອົງການສະຫະປະຊາຊາດ ທີ່ເປັນຄົນຜິວສີ ຈາກອາຟຣິກາ ຄົນທີ່ທຳອິດ ໄດ້ເສຍຊີວິດແລ້ວເມື່ອວັນເສົາທີ 18 ສິງຫານີ້ ດ້ວຍອາຍຸ 80 ປີ ພາຍຫຼັງທີ່ປ່ວຍ (ດ້ວຍໂລກທີ່ຍັງບໍ່ໄດ້ຮັບການເປີດເຜີຍ) ໃນໄລຍະເວລາສັ້ນໆ.
![](https://blogger.googleusercontent.com/img/b/R29vZ2xl/AVvXsEjPUM55rDSnh7V39oh64212LtRr4OvJYKMBYglcfAqFNWUOT0Wqf8RkfzCWWAlJ5Kt8J8dXgFsKH5knlPazksw5Q_n0EZRsj05mQOteZ0I2Mn7ufjB2G-aKQsgTut_uEQJw51-073VQpAM/s1600/000_18F9GL.jpg)
ທ່ານ ໂຄຟີ ອັນນັນ ໃຊ້ຊີວິດເກືອບທັງໝົດໃນຖານະເຈົ້າໜ້າທີ່ຂອງອົງການສະຫະປະຊາຊາດ ຈົນໄດ້ຮັບຄັດເລືອກໃຫ້ເປັນເລຂາທິການໃຫຍ່ສະຫະປະຊາຊາດເຖິງ 2 ສະໄໝ ຕັ້ງແຕ່ວັນທີ 1 ມັງກອນ 1997 ເຖິງວັນທີ 31 ທັນວາ 2006 ໂດຍຜົນງານໜຶ່ງທີ່ສຳຄັນຄືທ່ານກັບອົງການສະຫະປະຊາຊາດໄດ້ຮັບລາງວັນໂນເບວ ສາຂາສັນຕິພາບ ເມື່ອປີ 2001.
![](https://blogger.googleusercontent.com/img/b/R29vZ2xl/AVvXsEhsZXGiwI104N4-hRP_Jxwczr1Um8za47OiVA5NEk4Kd0rYShMJdJFUwryNLL35v8VFwUlHC8I4hDtqqt2ipDkhEYemvHeotIm7udMyVhae5GXjVJYnVlsyoGN5ba4if-ftFmCG7maxoGY/s1600/000_18F9LN.jpg)
ສ່ວນໃນດ້ານຂອງທ່ານ ອັນໂຕນິໂອ ກູເຕເຣສ ເລຂາທິການໃຫຍ່ສະຫະປະຊາຊາດຄົນປັດຈຸບັນ ກໍ່ໄດ້ກ່າວສະແດງຄວາມເສຍໃຈເມື່ອຮູ້ຂ່າວການເຖິງແກ່ກຳຂອງທ່ານ ໂຄຟີ ອັນນັນ ພ້ອມກັບກ່າວຍົກຍ້ອງຊົມເຊີຍວ່າ ເປັນຜູ້ນຳແຫ່ງຄວາມສາມັກຄີ ແລະ ກ້າວຂຶ້ນສູ່ຕຳແໜ່ງສູງສຸດຂອງອົງການສະຫະປະຊາຊາດໃນຍຸກສະຫັດສະວັດໃໝ່ ທີ່ບໍ່ມີໃຜທຽບໄດ້ທັງກຽດຕິຍົດ ແລະ ຄວາມມຸ່ງໝັ້ນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ