ອີຣານ ຮ້ອງຟ້ອງ ສ.ອາເມຣິກາ ຂຶ້ນສານໂລກ ຕໍ່ກັບການຂວໍ້າບາດທາງເສດຖະກິດທີ່ບໍ່ເປັນທຳ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEj-abCbP2vfO1o9tr_SiMLmzG1GlWiYpiaxWsm-uzxSM1tl1W6kNQ85_NaB3x2FR11ezmJNcBLiclPSxLMP04YBfLdok53qlk2H-R4InT__VR56vicJzF9TUlPYsde3OI0l8_Z3zwKQ2oc/s1600/02.jpg)
ສຳນັກຂ່າວຕ່າງປະເທດລາຍງານ 28 ສິງຫາ 2018 ວ່າ: ຄະນະຕຸລາການສານຍຸຕິທຳລະຫວ່າງປະເທດ (ICJ) ເປີດການສືບພະຍານນັດທຳອິດ ເມື່ອວັນຈັນທີ່ຜ່ານມາ, ໃນຄະດີທີ່ອີຣານເປັນໂຈດຮ້ອງຟ້ອງສະຫະລັດ ອາເມຣິກາ ກ່ຽວກັບມາດຕະການຂວໍ້າບາດທາງເສດຖະກິດທີ່ບໍ່ເປັນທຳ ຈາກການທີ່ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ຟື້ນຟູມາດຕະການຂວໍ້າບາດທາງເສດຖະກິດເຕັມຮູບແບບຕໍ່ອີຣານເປັນຄັ້ງທຳອິດໃນຮອບ 3 ປີ ພາຍຫຼັງທີ່ສະຫະລັດ ອາເມຣິກາ ຖອນຕົວອອກຈາກຂໍ້ຕົກລົງນິວເຄຼຍປີ 2015 ເມື່ອເດືອນພຶດສະພາ 2018 ທີ່ຜ່ານມາ.
![](https://blogger.googleusercontent.com/img/b/R29vZ2xl/AVvXsEhfeyW3noS-AY7UpuKXxGhQL8sQL2yUI5IiKr7TME2fTemJPBc_yevRd2jL8tkFGTFUm5gHoroywLICkvwiSMVJvfBpPJjjBh0E_TsQUV7-zE6XdMal-pFKu9N6nc38IiyBxeUb-gfJAYw/s1600/08.jpg)
![](https://blogger.googleusercontent.com/img/b/R29vZ2xl/AVvXsEg4sOBXNamtA3AwkWa0BsRPnguJbejY8HfBidmiHxTgZP6JJCMyU8zjZIXlj-NZ8rYhGajoDtNztkaLxVsagjl6s0i3V31ykgK7IUxynbyR_oVx8JFYOiO8H3-t20ykRAEzRqtJIYPZleQ/s1600/09.jpg)
ທ່ານ ໂມເຊນ ໂມເຮບີ ຫົວໜ້າຄະນະຜູ້ແທນຂອງລັດຖະບານອີຣານ ກ່າວເຖິງມາດຕະການຂວໍ້າບາດຂອງສະຫະລັດ ອາເມຣິກາວ່າ ບົ່ງບອກເຖິງເຈດຕະການຢ່າງເປີດເຜີຍຂອງອີກຝ່າຍ ໃນການທຳລາຍເສດຖະກິດຂອງອີຣານໃຫ້ຫຼາຍທີ່ສຸດເທົ່າທີ່ຈະເປັນໄປໄດ້ ຕະຫຼອດຮອດການຂົ່ມຂູ່ຄຸກຄາມສິດທິໃນການເຂົ້າເຖິງສະຫວັດດີການຂັ້ນພື້ນຖານຂອງປະຊາຊົນອີຣານອີກດ້ວຍ, ນອກຈາກນີ້ ການກະທຳຂອງສະຫະລັດ ອາເມຣິກາຖືເປັນການລະເມີດສົນທິສັນຍາມິດໄມຕີ ແລະ ການຄ້າສອງຝ່າຍປີ 1951 ແລະ ລັດຖະບານອີຣານຈະຕໍ່ສູ້ກັບນະໂຍບາຍທຳລາຍລ້າງຂອງສະຫະລັດ ອາເມຣິກາຢ່າງເຖິງທີ່ສຸດຕາມແນວທາງສັນຕິ.
![](https://blogger.googleusercontent.com/img/b/R29vZ2xl/AVvXsEg5-p5rC1s4HbST7-0o_SzhzEXChv3RGTDaCrBjFtg5jTy-itsZ1WJaaR1l_VoreLetJSMVQaDHMnLwNOxduVBq56t4FaWXNe4ijdjLmR1V4udfIrptSpTK8aswfeqpcIHNsxFNhAZOq2c/s1600/10+%25281%2529.jpg)
![](https://blogger.googleusercontent.com/img/b/R29vZ2xl/AVvXsEgDY5v5KzD125r7tEVpiQyLKPRn_M8wl_6NnwJ35Lh9ZxhI3GEy9-ItMGTPyoIYwgT7nGMmc8WN4b96mawTj6WZo38u_j6avA7_ORfeZVpMKE1PXHYS_ZPcreYa0Rzb__ImwRoQDti9eC8/s1600/11+%25281%2529.jpg)
ຂະນະທີ່ທ່ານ ນາງ ເຈນນິເຟີ ນິວສະເຕດ ຫົວໜ້າຄະນະຜູ້ແທນຂອງລັດຖະບານສະຫະລັດ ອາເມຣິກາ ມີກຳນົດຂຶ້ນໃຫ້ການຕໍ່ສານໃນວັນອັງຄານທີ 28 ສິງຫາ ນີ້ ຕາມເວລາທ້ອງຖິ່ນ ເຊິ່ງແນ່ນອນວ່າຈະເປັນການໂຕ້ແຍ້ງອີຣານໃນທຸກບັນຫາ, ໃນດ້ານຂອງທ່ານ ໄມ ພອມແພວ ລັດຖະມົນຕີກະຊວງການຕ່າງປະເທດສະຫະລັດ ອາເມຣິກາ ກ່າວທີ່ນະຄອນຫຼວງວໍຊິງຕັນວ່າ ອີຣານກຳລັງພະຍາຍາມແຊກແຊງສິດທິອັນຊອບທຳໃນຖານະລັດເອກະລາດ ຂອງສະຫະລັດ ອາເມຣິກາ ເຊິ່ງດດຳເນີນການຕາມກົດໝາຍເພື່ອປົກປ້ອງຜົນປະໂຫຍດຂອງຊາດ.
ເຊິ່ງຄຳຕັດສິນໂດຍຄະນະຜູ້ພິພາກສານໂລກທັງ 16 ທ່ານຖືເປັນອັນສິ້ນສຸດ ແລະ ບໍ່ສາມາດອຸທອນໄດ້ອີກບໍ່ວ່າໃນກໍລະນີໃດກໍ່ຕາມ ພາຍຫຼັງອີຣານເປັນຝ່າຍຍືນຄຳຮ້ອງຟ້ອງເມື່ອເດືອນກໍລະກົດ ທີ່ຜ່ານມາ ມີລາຍງາວ່າ: ທ່ານ ອັບດຸນກາວີ ອາເໝັດ ຢູຊູບ ປະທານອົງຄະນະຜູ້ພິພາກສາສານໂລກຄົນປັດຈຸບັນ ເຊິ່ງເປັນຊາວໂຊມາລີ ຢ້ຳເຕືອນໃຫ້ອີຣານ ແລະ ສະຫະລັດອາເມຣິກາຍອມຮັບຄຳຕັດສິນຂອງສານ ເນື່ອງຈາກທັງສອງປະເທດມີປະຫວັດບໍ່ຍອມຮັບຄຳຕັດສິນຂອງສານ ທີ່ຕ່າງຝ່າຍຕ່າງເຄີຍຟ້ອງກັນ ແລະ ກັນມາແລ້ວຫຼາຍຄັ້ງໃນອະດີດ.
![](https://blogger.googleusercontent.com/img/b/R29vZ2xl/AVvXsEjHGiCAj5fwk4HVnsj1vWwAeuW-IHF17cWHBSlpqZHrL3pv0wLqIcFvRz-fV3CJ8URRVItvhxcH13bYhWav8dUT_hus2nOiCIue71eSkdL5JSOJFzVlv-ooGCKUzEvqR_eFjN7T3Wj_jEI/s1600/03.jpg)
![](https://blogger.googleusercontent.com/img/b/R29vZ2xl/AVvXsEhCLXTeLhJDZHlD-OrSfM088JeKllxvBwp4a2i8tGHwtUM2JZYAy2m9yTANSBUTSl0aOAiKaMABLE1_HvA9vRCA8gvT3HQmhorsHsZgl3q3Pr6RWys1DjnbzR0SnzXGoFRpx2PXWWkX8rA/s1600/01.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ