UN ຈະຕັ້ງຂໍ້ຫາ “ຂ້າລ້າງເຜົ່າພັນ ໂຣຮິງຢາ” ແກ້ກອງທັບ ແລະ ນາຍພົນລະດັບສູງຂອງມຽນມາ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEi_OTAmoLLW-v2TBywYaLPhR9iTHaeqDfrIwEW1waRtwa6ig9O67CvfdiA0wwv__h0SpFyJ_GQSsbI2mqlbLyVHY4IKqaFzAbLq7OxeSlUDMxyME68ieF5x4d4AyNa-7e10sTcnJ0EmKEs/s1600/000_Hkg10179275.jpg)
ສຳນັກຂ່າວຕ່າງປະເທດລາຍງານເມື່ອວັນທີ 27 ສິງຫາ 2018 ທີ່ຜ່ານມາວ່າ: ຄະນະກຳມະການກວດສອບມູນຄວາມຈິງ 3 ທ່ານ ທີ່ໄດ້ຮັບການແຕ່ງຕັ້ງຈາກຄະນະມົນຕີສິດທິມະນຸດແຫ່ງສະຫະປະຊາຊາດ (UNHRC) ໃນນາມ The U.N. Independent International Fact-Finding Mission on Myanmar ຖະແຫຼງການລາຍງານສະະຫຼຸບຜົນການສືບສວນສອບສວນເຫດການຄວາມຮຸນແງໃນລັດຍະໄຂ່ ທາງພາກຕາເວັນຕົກຂອງມຽນມາ ທີ່ນະຄອນເຈນີວາ ເມື່ອວັນຈັນທີ່ຜ່ານມາວ່າ: ກອງທັບມຽນມາສັງຫານໝູ່ ແລະ ຂົ່ມຂືນແມ່ຍິງຊາວໂຣຮິງຢາດ້ວຍເຈດຕະນາຂ້າລ້າງເຜົ່າພັນ, ພົນເອກ ມິນ ອ່ອງ ຫຼ່າຍ ຜູ້ບັນຊາການທະຫານສູງສຸດ ແລະ ນາຍທະຫານລະດັບນາຍພົນອີກ 5 ທ່ານຂອງກອງທັບມຽນມາ ຄວນຖືກດຳເນີນຄະດີໃນຂໍ້ຫາຂ້າລ້າງເຜົ່າພັນ.
![](https://blogger.googleusercontent.com/img/b/R29vZ2xl/AVvXsEhsuou2Z88ldscIBmtJfErqciBOGUbJwzogOeaf2fw-Ges5Dj_RHkRHlK5EYuet7-5o7tiI2EjcD5Tl0nK-Z4BAAMWKBwhEQYa1iAa_70aVFosfykRhcq0dwk407rApdMwsEeblIzudcAc/s1600/000_18M7P0.jpg)
ລາຍງານຄວາມຍາວເອກະສານ 20 ໜ້າເຈ້ຍລະບຸວ່າ: ປະຕິບັດການຂອງທະຫານກອງທັບມຽນມາ ເຊິ່ງລວມເຖິງການຈູດເຜົາບ້ານເຮືອນ ເປັນການກະທຳທີ່ເກີດກວ່າເຫດ ບໍ່ສົມສ່ວນກັບໄພຄຸກຄາມດ້ານຄວາມໝັ້ນຄົງທີ່ແທ້ຈິງ ການສືບສວນສອບສວນໄດ້ຂໍ້ມູນພຽງພໍທີ່ຈະຮຽກຮ້ອງໃຫ້ສອບສວນ ແລະ ດຳເນີນຄະດີເອົາຜິດກັບຄະນະນາຍທະຫານລະດັບສູງຂອງກອງທັບມຽນມາ ທີ່ຕ້ອງຮັບຜິດຊອບຕໍ່ປະຕິບັດການ.
ເມື່ອປະມານ 1 ປີທີ່ຜ່ານມາ, ທະຫານກອງທັບມຽນມາປະຕິບັດການກວາດລ້າງໃນລັດຍະໄຂ່ ເພື່ອຕອບໂຕ້ການໂຈມຕີຂອງກຸ່ມຕິດອາວຸດໃນນາມ ກອງທັບກອບກູ້ໂຣຮິງຢາແຫ່ງອາຣະກັນ ຫຼື ອາຊາ ຕໍ່ຖານທະຫານ ແລະ ຕຳຫຼວດຊາຍແດນມຽນມາ 30 ແຫ່ງ ປະຕິບັດການເຮັດໃຫ້ປະຊາຊົນໂຣຮິງຢາປະມານ 700,000 ຄົນ ຕ້ອງອົບພະຍົບໜີໄພຂ້າມແດນໄປຍັງບັງກະລາເທດ ປະເທດເພື່ອນບ້ານ ແລະ ພັກອາໄສຢູ່ຕາມຄ້າຍຜູ້ລີ້ໄພຫຼາຍແຫ່ງ ທາງພາກຕາເວັນອອກຂອງບັງກະລາເທດ.
![](https://blogger.googleusercontent.com/img/b/R29vZ2xl/AVvXsEiY4o1A3p5SrnbNcwB1AjFsqFvw5mIhDrfHO9TPJ-Zp4mXu00QdUUi4DUW6iQgIM80jny0G_Kv6_JjNQbNMnbzI3m2hEpFfaDNGA6dsIIdSRrwPA8nKkB_Pyw46nmWsc6p43Z1kRT2-EHI/s1600/000_18L4GZ.jpg)
![](https://blogger.googleusercontent.com/img/b/R29vZ2xl/AVvXsEjc7cZABjVlIqV-nYkTVygmenBUgu-2ZSgOv2NPyKTGr1BJNnYBr6S4Kg7JCug0xK8NNDD4RfjbRrBncpsiqUNckcsPKj4g2Et9hQVqU8ja3hkMkGwZkQXH0ycR31PxdTMgva6YktSJkiY/s1600/000_18L4GV.jpg)
ສະຫະປະຊາຊາດໃຫ້ຄຳຈັດກັດຄວາມຂອງຄຳວ່າ “ຂ້າລ້າງເຜົ່າພັນ” ຄືການກະທຳທີ່ມີເຈດນາທຳລາຍລ້າງຊົນຊາດ, ເຊື້ອຊາດ, ສີຜິວ ຫຼື ກຸ່ມສາສະໜາ ທັງໝົດ ຫຼື ບາງສ່ວນ.
ການສະເໜີດຳເນີນການຂອງຄະນະກວດສອບຊຸດນີ້ ເກືອບບໍ່ເຄີຍປາກົດພາຍໃຕ້ກົດໝາຍລະຫວ່າງປະເທດ ແຕ່ຖືກໃຊ້ໃນຫຼາຍປະເທດລວມເຖິງບອສເນຍ ແລະ ຊູດັງ ແລະ ຕໍ່ປະຕິບັດການຂອງກຸ່ມ IS ທີ່ກວາດລ້າງກຸ່ມຊາວຢາຊິດີໃນອິຣັກ ແລະ ຊີຣີ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ