ພາສີນະຄອນຫລວງກັກພາຫະນະນຳເຂົ້າທີ່ບໍ່ຖືກຕ້ອງຈໍານວນ 15 ຄັນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgB_IYJXVdjpbm5rXlGBQKBy3Cu-3hYcBRDzmLsI-cOzNwBfG1tjAT3MjLrd9MOF7sLc0QvOD66ka32IyginMo1wct9eqxdNknXJXEx4_Km3jMPnWxj8HaFFelr4zmSPA42Qn9U4v_D0Ks/s640/Check+Point.jpg)
![](https://blogger.googleusercontent.com/img/b/R29vZ2xl/AVvXsEgtPFTMYGNAh__B3XmOZU7HO9rHx1uCtwCxeQUqcrN9Thutr71mdUIBbpY0FZL2Gtx_jNXnoEOHDvUjBxh9xG8QN9oFL3suJMS6CSw3mKeckb3q3B-l5yFb8TADn8lfV7Eqgm_o0aNCxbY/s400/Check+Point.jpg)
ຫົວໜ້າກອງກວດກາພາສີປະຈໍານະຄອນຫລວງວຽງຈັນ ໃຫ້ຮູ້ວ່າ: ໃນລະຫວ່າງກາງເດືອນກັນຍາທີ່ຜ່ານມາ ເຈົ້າໜ້າທີ່ກອງກວດກາພາສີຂອງຕົນ ໄດ້ປະຕິບັດໜ້າທີ່ວຽກງານວິຊາສະເພາະໃນການຕ້ານ ແລະ ສະກັດກັ້ນການຄ້າຂາຍເຖື່ອນລຽບຕາມຊາຍແດນ, ພາຍໃນຂອບເຂດຄວມຮັບຜິດ ຊອບ ຕາມລະບຽບກົດໝາຍ ແລະ ໄດ້ກວດພົບເຫັນພາຫະນະຈໍານວນໜື່ງທີ່ເຂົ້າມາບໍ່ຖືກຕ້ອງ ແລະ ນຳໃຊ້ໃບແຈ້ງພາສີເປັນລາຍລະອຽດ (iM4) ແລະ ໃບຢັ້ງຢືນການເສຍພາສີ (ບໍ9) ທີ່ມີການປອມແປງເພື່ອໄປຂື້ນທະບຽນ.
ດັ່ງນັ້ນ ທາງເຈົ້າໜ້າທີ່ ກອງກວດກາພາສີຈຶ່ງໄດ້ກັກພາຫະນະດັ່ງກ່າວໄວ້ຊົ່ວຄາວຢູ່ກອງກວດກາພາສີນະຄອນຫລວງ ຊຶ່ງມີລາຍລະອຽດດັ່ງນີ້: ລົດກະບະ ຍີ່ຫໍ້ TOYOTA ແລະ MITSUBISHI ລຸ້ນ VIGO ແລະ TRITON 4 ຄັນ; ລົດເກັງ ຍີ່ຫໍ້ TOYOTA ແລະ AUDI ລຸ້ນ MARK II ແລະ R8 2 ຄັນ; ລົດຈິບ ຍີ່ຫໍ້ TOYOTA ລຸ້ນ FORTUNER 1 ຄັນ; ລົດຈິບ ຍີ່ຫໍ້ TOYOTA ລຸ້ນ LANDCRUISER 3 ຄັນ; ລົດຈິບ ຍີ່ຫໍ້ LEXUS ລຸ້ນ XL 570 ຈຳນວນ 4 ຄັນ ແລະ ລົດຈັກຍີ່ຫໍ້ SUSUKI ລຸ້ນ SAMASH ຈຳນວນ 1 ຄັນ ລວມທັງໝົດ 15 ຄັນ ເພື່ອດຳເນີນການສະສາງຄະດີຕາມລະບຽບກົດຫມາຍ ແລະ ມາຮອດວັນທີ 31 ຕຸລາທີ່ຜ່ານມາເຈົ້າຂອງພາຫະນະຈໍານວນດັ່ງກ່າວກໍ່ໄດ້ເຂົ້າມາຕິດຕໍ່ພົວພັນ ເພື່ອດໍາເນີນຕາມລະບຽບຫຼັກການໃຫ້ຖືກຕ້ອງ.
ຫົວໜ້າກອງກວດກາພາສີນະຄອນຫລວງວຽງຈັນ ຍັງໃຫ້ຮູ້ອີກວ່າ: ໃນສົກປີ 2015-2016 ສາມາດຈັດຕັ້ງປະຕິບັດໄດ້ 8 ຕື້ກວ່າກີບ ເທົ່າກັບ 36,02% ຂອງແຜນການປີ ແລະ ສາມາດມ້າງລັກລອບໜີພາສີໄດ້ 175 ຄະດີ, ຕົກເປັນມູນຄ່າກວ່າ 12 ຕື້ກີບ ໃນນັ້ນ ສະສາງແລ້ວ ຈຳນວນ 163 ຄະດີ, ພ້ອມຄ່າປັບໃໝເປັນເງິນທັງໝົດ 3 ຕື້ກວ່າກີບ.
ຈາກ: ໜັງສືພິມລາວພັດທະນາ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ