ມຽນມາສັ່ງຫ້າມ "ພະວິຣະທູ" ເທດເປັນເວລາ 1 ປີ ເພາະປຸກປັ້ນໃຫ້ເກີດຄວາມກຽດຊັງອິດສະລາມ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjdp1WK2PKBknzXS5gQORQq3ruar9OAEXKt4jlxlubDRAXydvmxrHog43JOQWOXez-0v4zXi3Bh14fS98WBR8fjLgYmz_ymRSzxuRPzhg1OpI98JnFX_Ii20pduPMloDgBJzSSGItnrZ8k/s1200/303.jpg)
![](https://blogger.googleusercontent.com/img/b/R29vZ2xl/AVvXsEjdp1WK2PKBknzXS5gQORQq3ruar9OAEXKt4jlxlubDRAXydvmxrHog43JOQWOXez-0v4zXi3Bh14fS98WBR8fjLgYmz_ymRSzxuRPzhg1OpI98JnFX_Ii20pduPMloDgBJzSSGItnrZ8k/s400/303.jpg)
ສຳນັກຂ່າວຕ່າງປະເທດລາຍງານ 11 ມີນາ 2017 ວ່າ: ທ່ານ ມິນ ຊໍ ວິນ ລັດຖະມົນຕີກະຊວງສາສະໜາ ແລະ ວັດທະນະທຳມຽນມາ ປະກາດວ່າ ໄດ້ສັ່ງຫ້າມພະວິຣະທູ ເທດສະໜາພາຍໃນປະເທດເປັນເວລາ 1 ປີ ເລີ່ມມີຜົນຕັ້ງແຕ່ວັນທີ 10 ມີນາ 2017 ໄປຈົນເຖິງ ວັນທີ 9 ມີນາ ປີໜ້າ ແລະ ຈະມີບົດລົງໂທດຕາມກົດໝາຍຫາກຝາຝືນ.
ການຕັດສິນໃຈສັ່ງຫ້າມພະວິຣະທູເທດສະໜາໃນມຽນມາ 1 ປີ ເກີດຂຶ້ນລະຫວ່າງການປະຊຸມພະສົງຊັ້ນຜູ້ໃຫຍ່ 47 ຮູບ ເຊິ່ງຢູ່ຄະນະຕົວແທນພະສົງລະດັບສູງສຸດຂອງປະເທດທີ່ນະຄອນຫຼວງເນປີດໍ.
ຄະນະສົງຖະແຫຼ່ງວ່າ: ພະວິຣະທູ ເທດສະໜາສ້າງຄວາມກຽດຊັງທາງດ້ານສາສະໜາຢ່າງຕໍ່ເນື່ອງ ເຮັດໃຫ້ເກີດຄວາມຂັດແຍ່ງລະຫວ່າງສາສະໜາ, ຂັດຕໍ່ຫຼັກນິຕິທຳ ແລະ ເລືອກຂ້າງກັບພັກການເມືອງເພື່ອເຕີມເຊື້ອໄຟໃຫ້ເກີດຄວາມຕຶງຄຽດຈົນນຳໄປສູ່ການນອງເລືອດ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ