ສະຫະລັດອາເມຣິກາ ໂຈມຕີເມືອງໂມຊຸນ ອາທິດດຽວປະຊາຊົນເສຍຊີວິດກວ່າ 200 ຄົນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhevwv25UFiNj8Rrds1Ke-m8ApExwEwtHr5C8RspTEW7isncAXd1sgKAi5e6I8_b8dJm-nnU0D5HvhkXVEud6BtSN8NZCn9DuqwKw0vvTi-1XlTPO7uajS4TSTlYl2K4Ach1CUqyhHyI2g/s1600/456.jpg)
ສຳນັກຂ່າວຕ່າງປະເທດລາຍງານ 25 ມີນາ 2017 ວ່າ: ກະຊວງປ້ອງກັນປະເທດສະຫະລັດອາເມຣິກາອອກຖະແຫຼງວ່າ ກຳລັງກວດສອບລາຍງານຜົນຂອງປະຕິບັດການໂຈມຕີທາງອາກາດເຊິ່ງເກີດຂຶ້ນຫຼາຍຄັ້ງລະຫວ່າງວັນທີ 17-23 ມີນາ ທີ່ຜ່ານມາ ບໍລິເວນເມືອງໂມຊຸນ ເຊິ່ງເປັນເມືອງໃຫຍ່ທາງພາກເໜືອຂອງອິຣັກ ສື່ໝາຍສຳນັກລາຍງານນຳນວນຜູ້ເສຍຊີວິດອາດຫຼາຍກວ່າ 200 ຄົນ ແລະ ສ່ວນໃຫຍ່ເປັນປະຊາຊົນ.
![](https://blogger.googleusercontent.com/img/b/R29vZ2xl/AVvXsEirnZ47zqgfMLngmG9niK4857YWZvWjQgakVraLUewi8xVjqHEZvht_WGG08TPQQsTCd6Ve8EWLxqrL-Tp33GYTaXn0E9FECyj9GxjJDh2rifZl4mNYebx2AYCnBdvYl-xwoiiTygMSHSo/s1600/457.jpg)
ເຖິງຢ່າງໃດກໍ່ຕາມ ຖະແຫຼງການຂອງລັດຖະບານສະຫະລັດລະບຸວ່າ "ການກວດສອບຕ້ອງໃຊ້ເວລາ" ໂດຍກອງທັບສະຫະລັດເຄີຍເປີດເຜີຍຂໍ້ມູນພຽງຄັ້ງດຽວ ກ່ຽວກັບການເສຍຊີວິດຂອງປະຊາຊົນຈາກປະຕິບັດການໂຈມຕີທາງອາກາດໃນອິຣັກ ແລະ ຊີຣີນັບຕັ້ງແຕ່ກາງປີ 2014 ວ່າເສຍຊີວິດແຕ່ 220 ຄົນເທົ່ານັ້ນ ແຕ່ຫຼາຍຝ່າຍເຊື່ອວ່າຕົວເລກຈິງສູງກວ່ານັ້ນຫຼາຍ.
![](https://blogger.googleusercontent.com/img/b/R29vZ2xl/AVvXsEjbFRdyKvyHaOEmkVjQ_IQQhxYqb7STtIDDk-oct56GnCdyYzSuTxt4YSKmKj3aIZ-htXbdL4RMFzRIaj7oPlCE6bKHfEJOxHEzvtoD9zGmvGzi5ZmS6xzALevn3JpwaRabbTax6Hh1uvU/s1600/458.jpg)
ຂະນະທີ່ອົງການສະຫະປະຊາຊາດ ອອກຖະແຫຼງການສະແດງຄວາມເປັນຫ່ວງຕໍ່ຂໍ້ມູນດັ່ງກ່າວເຊັ່ນກັນ ແລະ ຢືນຢັນຈະກວດສອບຄູ່ຂະໜານໄປດ້ວຍ ພ້ອມທັງປະເມີນວ່າຍັງມີປະຊາຊົນອີກຫຼາຍກວ່າ 400,000 ຄົນຕິດຄ້າງຢູ່ໃນຝັ່ງຕາເວັນຕົກຂອງເມືອງໂມຊຸນ ແລະ ປະຊາຊົນອີກບໍ່ຕ່ຳກວ່າ 1,000 ຄົນ ຕ້ອງເຂົ້າຮັບການປົວແປງຈິດໃຈ ນັບຕັ້ງແຕ່ກອງທັບອິຣັກເຊິ່ງໄດ້ຮັບການສະໜັບສະໜູນຈາກການໂຈມຕີທາງອາກາດໂດຍການປະຕິບັດການຂອງກອງທັບສະຫະລັດ ປິດລ້ອມຝັ່ງຕາເວັນຕົກຂອງເມືອງໂມຊຸນນັບຕັ້ງແຕ່ວັນທີ 19 ກຸມພາ ເປັນຕົ້ນມາ ເພື່ອຂັບໄລ່ກຸ່ມ ISIS ອອກຈາກເຂດດັ່ງກ່າວ ພາຍຫຼັງສາມາດປົດປ່ອຍຝັ່ງຕາເວັນອອກຂອງເມືອງໄດ້ເມື່ອເດືອນ ມັງກອນ ຜ່ານມາ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ